ನವದೆಹಲಿ: ನಷ್ಟದಿಂದ ಸುಧಾರಿಸಿಕೊಳ್ಳಲು ಟೆಲಿಕಾಂ ಕಂಪನಿ ವೊಡಾಫೋನ್- ಐಡಿಯಾ, ಇತ್ತೀಚೆಗೆ ಡೇಟಾ ಮತ್ತು ಕರೆ ದರ ಏರಿಕೆಯ ಮೂಲಕ ಗ್ರಾಹಕರ ಜೇಬಿಗೆ ಕೈಹಾಕಿತ್ತು. ಇದರ ಬೆನ್ನಲ್ಲೇ ಕಂಪನಿ ಮುಖ್ಯಸ್ಥ ಕುಮಾರ್ ಮಂಗಳಂ ಬಿರ್ಲಾ ಅವರು ಮತ್ತೊಂದು ಅಚ್ಚರಿಯ ಹೇಳಿಕೆಯನ್ನು ಹೊರಹಾಕಿದ್ದಾರೆ.
ಕಂಪನಿಯು ಕೋರಿರುವ ಪರಿಹಾರವನ್ನು ಸರ್ಕಾರ ಒದಗಿಸದಿದ್ದರೆ ವೊಡಾಫೋನ್- ಐಡಿಯಾವನ್ನು ಮುಚ್ಚಬೇಕಾಗುತ್ತದೆ. ಸರ್ಕಾರದ ಪರಿಹಾರದ ಅನುಪಸ್ಥಿತಿಯಲ್ಲಿ ಕಂಪನಿಯನ್ನು ಮುನ್ನಡೆಸಿಕೊಂಡು ಹೋಗುವುದು ಕಷ್ಟವಾಗಲಿದೆ ಎಂದು ಹಿಂದೂಸ್ತಾನ್ ಟೈಮ್ಸ್ ನಾಯಕತ್ವ ಶೃಂಗಸಭೆಯಲ್ಲಿ ಹೇಳಿದ್ದಾರೆ.
ಸರ್ಕಾರದ ಅನುಪಸ್ಥಿತಿಯಲ್ಲಿ ಪರಿಹಾರ ಇಲ್ಲದೆ ಮುಂದುವರಿಯಬಹುದೇ ಎಂಬದರ ಬಗ್ಗೆ ಮಾತನಾಡಿದ ಬಿರ್ಲಾ, 'ಸರ್ಕಾರದ ಪರಿಹಾರದ ಅನುಪಸ್ಥಿತಿಯಲ್ಲಿ ನಮ್ಮ ಜಂಟಿ ಕಂಪನಿಯಲ್ಲಿ ಯಾವುದೇ ಬಂಡವಾಳ ಹೂಡಿಕೆ ಮಾಡುವುದಿಲ್ಲ. ಒಳ್ಳೆಯ ಹಣ ಕೆಟ್ಟ ಹಣವನ್ನು ಅನುಸರಿಸಬೇಕು ಎಂಬ ಅರ್ಥವಿಲ್ಲ. ಪರಿಹಾರ ಸಿಗದಿದ್ದರೇ ಕಂಪನಿಯು ದಿವಾಳಿತನದ ಮಾರ್ಗವನ್ನು ಆರಿಸಿಕೊಳ್ಳಬೇಕಾಗುತ್ತದೆ ಎಂದರು.
