ಮೈಸೂರಿಗೆ ಗೋವಾ,ಹೈದರಾಬಾದ್,ಕೊಚ್ಚಿ ಇನ್ನೂ ಹತ್ತಿರ! -

ಮೈಸೂರಿನಿಂದ ಹೈದರಾಬಾದ್, ಹೈದರಾಬಾದ್​ನಿಂದ ಮೈಸೂರು, ಗೋವಾದಿಂದ ಮೈಸೂರು, ಮೈಸೂರಿನಿಂದ ಗೋವಾ, ಕೊಚ್ಚಿಯಿಂದ ಮೈಸೂರು, ಮೈಸೂರಿನಿಂದ ಕೊಚ್ಚಿ, ಶಿಲ್ಲಾಂಗ್​ನಿಂದ ಕೋಲ್ಕತಾ ಮತ್ತು ಕೋಲ್ಕತ್ತಾದಿಂದ ಶಿಲ್ಲಾಂಗ್‌ ನಡುವೆ ವಿಮಾನ ಸಂಚಾರ ಈಗಾಗಲೇ ಆರಂಭಗೊಂಡಿದೆ ಎಂದು ನಾಗರಿಕ ವಿಮಾನಯಾನ ಸಚಿವಾಲಯ ತಿಳಿಸಿದೆ.

ನವದೆಹಲಿ: ಪ್ರಾದೇಶಿಕ ವಿಮಾನಯಾನ ಹಾರಾಟಕ್ಕೆ ಉತ್ತೇಜನ ನೀಡಲು ಆರಂಭಿಸಲಾದ ಉಡಾನ್ (ಉಡೇ ದೇಶ್ ಕಾ ಆಮ್ ನಾಗರಿಕ್) ಯೋಜನೆಯಡಿ ಮತ್ತೆ 8 ನೂತನ ಮಾರ್ಗಗಳು ಆರಂಭಗೊಂಡಿವೆ.

ಕೇಂದ್ರ ಸರ್ಕಾರ ಜನಸಾಮಾನ್ಯರು ಕೂಡ ಕಡಿಮೆ ಶುಲ್ಕದಲ್ಲಿ ವಿಮಾನ ಸೇವೆ ಪಡೆಯಬೇಕು ಎಂಬ ಆಶಯದಿಂದ 'ಉಡಾನ್‌' ಯೋಜನೆಯನ್ನು 2016ರ ಅಕ್ಟೋಬರ್​ 21ರಂದು ಜಾರಿಗೆ ತಂದಿತ್ತು.

ಮೈಸೂರಿನಿಂದ ಹೈದರಾಬಾದ್, ಹೈದರಾಬಾದ್​ನಿಂದ ಮೈಸೂರು, ಗೋವಾದಿಂದ ಮೈಸೂರು, ಮೈಸೂರಿನಿಂದ ಗೋವಾ, ಕೊಚ್ಚಿಯಿಂದ ಮೈಸೂರು, ಮೈಸೂರಿನಿಂದ ಕೊಚ್ಚಿ, ಶಿಲ್ಲಾಂಗ್​ನಿಂದ ಕೋಲ್ಕತಾ ಮತ್ತು ಕೋಲ್ಕತ್ತಾದಿಂದ ಶಿಲ್ಲಾಂಗ್‌ ನಡುವೆ ಸಂಚಾರ ಈಗಾಗಲೇ ಆರಂಭಗೊಂಡಿದೆ ಎಂದು ನಾಗರಿಕ ವಿಮಾನಯಾನ ಸಚಿವಾಲಯ ತಿಳಿಸಿದೆ.

ಕೆಲ ದಿನಗಳ ಹಿಂದಷ್ಟೆ, ಉಡಾನ್ ಕಾರ್ಯಾಚರಣೆಯಲ್ಲಿ ಹೊಸದಾಗಿ 12 ಮಾರ್ಗಗಳನ್ನು ಹೆಚ್ಚಿಸಲಾಗಿದೆ ಎಂದು ನಾಗರಿಕ ವಿಮಾನಯಾನ ಸಚಿವಾಲಯ ತಿಳಿಸಿತ್ತು. ಈಗ ಮತ್ತೆ 8 ಹೊಸ ಮಾರ್ಗಗಳ ಆರಂಭಕ್ಕೆ ಗ್ರೀನ್​ ಸಿಗ್ನಲ್​ ನೀಡಿದೆ.

ದೇಶಾದ್ಯಂತ ಪ್ರಸ್ತುತ ವಿಮಾನ ಸಂಚಾರವಾಗುತ್ತಿರುವ ಉಡಾನ್‌ ಯೋಜನೆ ಮಾರ್ಗಗಳ ಸಂಖ್ಯೆ 194ಕ್ಕೆ ಏರಿಕೆಯಾಗಿದೆ. ನಾಗರಿಕ ವಿಮಾನಯಾನ ನಿರ್ದೇಶನಾಲಯ ದೇಶಾದ್ಯಂತ ಒಟ್ಟು 705 ಮಾರ್ಗಗಳಲ್ಲಿ ವಿಮಾನ ಸಂಚಾರಕ್ಕೆ ಒಪ್ಪಿಗೆ ನೀಡಿದೆ.