ಮೇಡ್​ ಇನ್ ಇಂಡಿಯಾ ಮರ್ಸಿಡಿಸ್ ಬೆಂಜ್ ಎಸ್​-ಕ್ಲಾಸ್ ಬಿಡುಗಡೆ: ಬೆಲೆ ಹೀಗಿದೆ..

ಮರ್ಸಿಡಿಸ್ ಬೆಂಜ್ ಇಂಡಿಯಾ ಕಂಪನಿಯು ಮೇಡ್​ ಇನ್ ಇಂಡಿಯಾ ಎಸ್-ಕ್ಲಾಸ್ ಆವೃತ್ತಿಯ ಎರಡು ಕಾರುಗಳನ್ನು ಬಿಡುಗಡೆ ಮಾಡಿದ್ದು, ಬೆಲೆ ನಿಗದಿಪಡಿಸಿದೆ.

ನವದೆಹಲಿ: ಐಷಾರಾಮಿ ಕಾರು ತಯಾರಕ ಕಂಪನಿಯಾದ ಮರ್ಸಿಡಿಸ್ ಬೆಂಜ್ ಇಂಡಿಯಾ ಗುರುವಾರ 'ಮೇಡ್ ಇನ್ ಇಂಡಿಯಾ' ಎಸ್-ಕ್ಲಾಸ್ (Made In India S-Class) ಕಾರುಗಳನ್ನು ಬಿಡುಗಡೆ ಮಾಡಿತು.

ಎಸ್​ 250 ಡಿ (S 250 D) ಮತ್ತು ಎಸ್​ 450 4ಮ್ಯಾಟಿಕ್ (S 450 4MATIC) ಎಂಬ ಎರಡು ಕಾರುಗಳನ್ನು ಬಿಡುಗಡೆ ಮಾಡಲಾಗಿದೆ. ಇವುಗಳ ಬೆಲೆ ಕ್ರಮವಾಗಿ 1.57 ಕೋಟಿ ರೂ ಮತ್ತು 1.62 ಕೋಟಿ ರೂಪಾಯಿ ಇರಲಿದೆ ಎಂದು ಕಂಪನಿ ಹೇಳಿದೆ. ಈ ಹೊಸ ಎಸ್​ ಕ್ಲಾಸ್ ಕಾರುಗಳನ್ನು ಪುಣೆಯ ಚಕನ್​ನಲ್ಲಿರುವ ಬೆಂಜ್ ಯುನಿಟ್​ನಿಂದ ಹೊರತರಲಾಗಿದೆ.

'ಹೊಸ ತಲೆಮಾರಿಗಾಗಿ ಎಸ್​ ಕ್ಲಾಸ್ ಕಾರುಗಳನ್ನು ವಿಶೇಷವಾಗಿ ತಯಾರಿಸಲಾಗಿದೆ. ಹೆಚ್ಚಿನ ಬೇಡಿಕೆಯನ್ನು ಪೂರೈಸುವ ಸಲುವಾಗಿ ಈಗಾಗಲೇ ಸ್ಥಳೀಯವಾಗಿ ಕಾರುಗಳ ಉತ್ಪಾದನೆಯನ್ನು ಆರಂಭಿಸಲಾಗಿದೆ' ಎಂದು ಮರ್ಸಿಡಿಸ್ ಬೆಂಜ್ ಇಂಡಿಯಾದ ವ್ಯವಸ್ಥಾಪಕ ನಿರ್ದೇಶಕ ಮತ್ತು ಸಿಇಒ ಮಾರ್ಟಿನ್ ಶ್ವೆಂಕ್ ಮಾಹಿತಿ ನೀಡಿದ್ದಾರೆ.

ಇದರ ಜೊತೆಗೆ, ಈಗ ತಯಾರಿಸಿರುವ ಎಸ್​ ಕ್ಲಾಸ್ ಕಾರು ಭಾರತದಲ್ಲಿನ ನಮ್ಮ ಗ್ರಾಹಕರ ಆಕಾಂಕ್ಷೆಗಳನ್ನು ಪೂರೈಸುವುದು ಮಾತ್ರವಲ್ಲದೇ, ಗ್ರಾಹಕರೊಂದಿಗಿನ ನಿಷ್ಠೆಯನ್ನು ಉಳಿಸಿಕೊಳ್ಳಲಿದೆ ಎಂಬ ವಿಶ್ವಾಸವಿದೆ ಎಂದು ಮಾರ್ಟಿನ್ ಶ್ವೆಂಕ್ ಅಭಿಪ್ರಾಯಪಟ್ಟಿದ್ದಾರೆ.

ಇದನ್ನೂ ಓದಿ: ಗುಜರಾತ್​ನ ಸೂರತ್​​ನಲ್ಲಿ ವಿಶ್ವದ ಅತಿದೊಡ್ಡ 'ಡೈಮಂಡ್ ಬೌರ್ಸ್'.. ಉದ್ಘಾಟನಾ ಕಾರ್ಯಕ್ರಮದಲ್ಲಿ ರಷ್ಯಾ ಅಧ್ಯಕ್ಷ?