ಸ್ಯಾನ್ ಫ್ರಾನ್ಸಿಸ್ಕೋ: ಇಂಗಾಲ ತಡೆಯುವ ಯಂತ್ರವನ್ನು ಪರಿಶೋಧಿಸುವ ಸಲುವಾಗಿ ಎಕ್ಸ್‌ಪ್ರೈಜ್ ಫೌಂಡೇಶನ್ ಸ್ಪರ್ಧೆಯನ್ನು ಏರ್ಪಡಿಸಿದೆ. ಈ ಸ್ಫರ್ಧೆಗೆ ಟೆಸ್ಲಾ ಸಿಇಒ ಎಲಾನ್ ಮಸ್ಕ್ 100 ಮಿಲಿಯನ್ ಯುಸ್ ಡಾಲರ್ ಹಣವನ್ನು ಹೂಡಿಕೆ ಮಾಡಿದ್ದಾರೆ.
'ಕಾರ್ಬನ್ ರಿಮೂವಲ್ ಕಂಟೆಸ್ಟ್' (ಇಂಗಾಲ ಹೊರಸೂಸುವಿಕೆ ತಡೆ) ಸ್ಪರ್ಧೆಯೂ ನಾಲ್ಕು ವರ್ಷಗಳ ಕಾಲ ನಡೆಯಲಿದೆ. ಈ ಸ್ಪರ್ಧೆಗೆ ಯಾರು ಬೇಕಾದರೂ ಭಾಗವಹಿಸಬಹುದಾಗಿದೆ. 18 ತಿಂಗಳೊಳಗೆ ಹದಿನೈದು ತಂಡಗಳನ್ನು ಸ್ಪರ್ಧೆಗೆ ಆಯ್ಕೆ ಮಾಡಲಾಗುವುದು ಮತ್ತು ಅವರಿಗೆ ತಲಾ $ 1 ಮಿಲಿಯನ್ ಮತ್ತು ಪ್ರವೇಶಿಸುವ ವಿದ್ಯಾರ್ಥಿ ತಂಡಗಳಿಗೆ ಪ್ರತ್ಯೇಕ $ 200,000 ವಿದ್ಯಾರ್ಥಿವೇತನ ನೀಡಲಾಗುವುದು.
ಬಹುಮಾನ ವಿಜೇತರಿಗೆ 50 ಮಿಲಿಯನ್ ಯುಎಸ್ ಡಾಲರ್, ಎರಡನೇ ಸ್ಥಾನಕ್ಕೆ 20 ಮಿಲಿಯನ್ ಮತ್ತು ಮೂರನೇ ಸ್ಥಾನಕ್ಕೆ 10 ಮಿಲಿಯನ್ ಯುಡ್ ಡಾಲರ್ ನೀಡಲಾಗುವುದು ಎಂದು ದಿ ವರ್ಜ್ ವರದಿ ಮಾಡಿದೆ.
ಓದಿ:ಡೌನ್‌ಗ್ರೇಡ್ ವಾಹನಗಳ ಮಾರಾಟ ನಿಲ್ಲಿಸಿ: ವಾಹನ ತಯಾರಕರಿಗೆ ಸರ್ಕಾರದ ಸೂಚನೆ
ನಾವು ಅರ್ಥಪೂರ್ಣವಾದ ನೆರವು ನೀಡಲು ಬಯಸುತ್ತೇವೆ. ಕಾರ್ಬನ್ನ ಪರಿಣಾಮಗಳು ಯಾವಾಗಲೂ ಒಂದೇ ರೀತಿ ಇರುವುದಿಲ್ಲ. ಇದು ಸೈದ್ಧಾಂತಿಕ ಸ್ಪರ್ಧೆಯಲ್ಲ. ನೈಜ ವ್ಯವಸ್ಥೆಗಳನ್ನು ನಿರ್ಮಿಸುವ ತಂಡಗಳನ್ನು ನಾವು ಕಟ್ಟ ಬಯಸುತ್ತೇವೆ ಎಂದು ಮಸ್ಕ್ ಹೇಳಿದ್ದಾರೆ.
ಎಕ್ಸ್‌ಪ್ರೈಜ್ ಫೌಂಡೇಶನ್‌ನ ಪ್ರಕಾರ ವಿಜೇತರು "ವಾತಾವರಣದಿಂದ ಅಥವಾ ಸಾಗರಗಳಿಂದ ನೇರವಾಗಿ ಇಂಗಾಲದ ಡೈಆಕ್ಸೈಡ್ನನ್ನು ಹೀರುವ ಮತ್ತು ಅದನ್ನು ಪರಿಸರಕ್ಕೆ ಹಾನಿಕರವಲ್ಲದ ರೀತಿಯಲ್ಲಿ ಶಾಶ್ವತವಾಗಿ ಹಿಡಿದಿಟ್ಟುಕೊಳ್ಳುವ ಯಂತ್ರವನ್ನು ಕಂಡುಹಿಡಿಯಬೇಕಾಗುತ್ತದೆ" ಎಂದು ಇದೇ ವೇಳೆ ಅವರು ಪ್ರತಿಪಾದಿಸಿದ್ದಾರೆ.
