ಲಂಡನ್: ವಿಶ್ವಕಪ್ನ ಉದ್ಘಾಟನಾ ಪಂದ್ಯದಲ್ಲಿ ಆತಿಥೇಯ ಇಂಗ್ಲೆಂಡ್ ವಿರುದ್ಧ 104 ರನ್ಗಳಿಂದ ಸೋಲನುಭವಿಸುವ ಮೂಲಕ ಹಿನ್ನೆಡೆ ಅನುಭವಿಸಿರುವ ಹರಿಣಗಳು, ಬಾಂಗ್ಲಾ ವಿರುದ್ಧ ಗೆದ್ದು ಮತ್ತೆ ಗೆಲುವಿನ ಹಳಿಗೆ ಮರಳುವ ಆಲೋಚನೆಯಲ್ಲಿದ್ದಾರೆ.
ಮೊದಲ ಪಂದ್ಯದಲ್ಲಿ ಕಳಪೆ ಬ್ಯಾಟಿಂಗ್ ಪ್ರದರ್ಶನ ಹಾಗೂ ಅನುಭವಿ ಮಿಲ್ಲರ್ರನ್ನು ಕಡೆಗಣಿಸಿದ ದ.ಆಫ್ರಿಕಾ ತಂಡಕ್ಕೆ ಮಿಡ್ಲ್‌ ಆರ್ಡರ್ ಬ್ಯಾಟಿಂಗ್ ಕೊರತೆ ಎದ್ದು ಕಂಡಿತ್ತು. ಆರಂಭಿಕ ಆಟಗಾರ ಡಿಕಾಕ್ ಹಾಗೂ ಡಾಸ್ಸೆನ್ ಇಬ್ಬರೂ ಮಾತ್ರ ಅರ್ಧಶತಕ ಗಳಿಸಿ ಗೆಲುವಿಗಾಗಿ ಪ್ರಯತ್ನಿಸಿದರು. ಭರವೆಸೆಯ ಆಟಗಾರರಾದ ಪ್ಲೆಸಿಸ್, ಮ್ಯಾರ್ಕ್ರಮ್, ಆಮ್ಲ ವಿಫಲವಾಗಿದ್ದ ತಂಡದ ಸೋಲಿಗೆ ಕಾರಣವಾಗುತ್ತು. ಇದೀಗ ಬಾಂಗ್ಲಾ ವಿರುದ್ಧ ತಮ್ಮ ತಪ್ಪು ತಿದ್ದುಗೊಂಡು ಗೆಲುವು ಪಡೆಯುವ ಮೂಲಕ ಮುಂದಿನ ಪಂದ್ಯದಲ್ಲಿ ಬಲಿಷ್ಟ ಭಾರತವನ್ನು ಎದುರಿಸಲು ಸಜ್ಜಾಗುತ್ತಿದೆ.ಆದರೆ ಇಂದಿನ ಪಂದ್ಯದಲ್ಲೂ ಡೇಲ್ ಸ್ಟೈನ್ ಹಾಗೂ ಹಾಶಿಮ್ ಆಮ್ಲ ಇಲ್ಲದೇ ಕಣಕ್ಕಿಳಿಯಬೇಕಿದೆ. ಡೇವಿಡ್ ಮಿಲ್ಲರ್ ತಂಡಕ್ಕೆ ಆಗಮನ ಮಾಡಲಿದ್ದಾರೆ.
ಏಕದಿನ ಕ್ರಿಕೆಟ್ನಲ್ಲಿ ಕಳೆದ ವರ್ಷ ಹೆಚ್ಚು ಗೆಲುವಿನ ಸರಾಸರಿ ಕಂಡುಕೊಂಡಿರುವ ನಾಲ್ಕನೇ ತಂಡವಾದ ಬಾಂಗ್ಲಾ ಆಡಿದ 14 ಪಂದ್ಯಗಳಲ್ಲಿ 9 ಗೆಲುವು ಸಾಧಿಸಿದೆ. ಏಷ್ಯಾಕಪ್ ಫೈನಲ್ ಕೂಡ ತಲುಪಿ ಭಾರತದೆದುರು ಕೂದಲೆಳೆಯಂತರದಿಂದ ಸೋಲು ಕಂಡಿತ್ತು. ಇದಲ್ಲದೆ ಬಲಿಷ್ಟ ವಿಂಡೀಸ್ ಹಾಗೂ ಐರ್ಲೆಂಡ್ನೊಳಗೊಂಡ ತ್ರಿಕೋನ ಸರಣಿ ಗೆದ್ದ ಆತ್ಮವಿಶ್ವಾಸದಲ್ಲಿದೆ.
ಬಾಂಗ್ಲಾ ತಂಡಕ್ಕೆ ಆರಂಭಿಕ ತಮೀಮ್ ಇಕ್ಬಾಲ್ ಗಾಯಗೊಂಡಿರುವುದು ದೊಡ್ಡ ತಲೆನೋವಾಗಿದೆ. ಈ ಪಂದ್ಯದಲ್ಲೂ ತಮೀಮ್ ಬದಲು ಲಿಟ್ಟನ್ ದಾಸ್ ಆಡುವ ಸಾಧ್ಯತೆ ಇದೆ. ಸೌಮ್ಯ ಸರ್ಕಾರ್ ಇನ್ನಿಂಗ್ಸ್ ಆರಂಭಿಸಲಿದ್ದು, ರಹೀಮ್, ಶಕೀಬ್, ಮಹಮದ್ದುಲ್ಹಾ ಹಾಗೂ ರಹಮಾನ್ ಮಧ್ಯಮ ಕ್ರಮಾಂಕದಲ್ಲಿ ಕಣಕ್ಕಿಳಿಯಲಿದ್ದಾರೆ.
ಮುಖಾಮುಖಿ:
ಬಾಂಗ್ಲಾದೇಶ ಹಾಗೂ ದ.ಆಫ್ರಿಕಾ ತಂಡಗಳು ಇದುವರೆಗೆ ವಿಶ್ವಕಪ್ನಲ್ಲಿ 3 ಪಂದ್ಯಗಳನ್ನಾಡಿದ್ದು, 2ರಲ್ಲಿ ದ.ಆಫ್ರಿಕಾ 1ರಲ್ಲಿ ಬಾಂಗ್ಲಾ ಗೆಲುವು ಸಾಧಿಸಿದೆ. 2007ರ ವಿಶ್ವಕಪ್ನಲ್ಲಿ'ಕ್ರಿಕೆಟ್ ಶಿಶು' ಎಂದೇ ಕರೆಸಿಕೊಳ್ಳುತ್ತಿದ್ದ ಬಾಂಗ್ಲಾ ಹರಿಣಗಳಿಗೆ ಸೋಲಿನ ಕಹಿ ಉಣಿಸಿದ್ದರು.
ಸಂಭಾವ್ಯ ತಂಡಗಳು
ದಕ್ಷಿಣ ಆಫ್ರಿಕಾ: ಫಾಫ್ ಡುಪ್ಲೆಸಿ (ನಾಯಕ), ಐಡೆನ್ ಮ್ಯಾರ್ಕ್ರಮ್, ಕ್ವಿಂಟನ್ ಡಿ ಕಾಕ್,ರಾಸ್ಸೀ ವ್ಯಾನ್ ಡೇರ್ ಡಸ್ಸನ್, ಡೇವಿಡ್ ಮಿಲ್ಲರ್, ಕ್ರಿಸ್ ಮೋರಿಸ್, ಆಂಡೈಲ್ ಫೆಹ್ಲುಕ್ವಾಯೋ, ಜೆಪಿ ಡುಮಿನಿ, ಡ್ವೇನ್ ಪ್ರಿಟೋರಿಯಸ್, ಕಾಗಿಸೋ ರಬಾಡಾ, ಲುಂಗಿ ಎಂಗಿಡಿ, ಇಮ್ರಾನ್ ತಾಹೀರ್, ತಬ್ರೇಜ್ ಶಂಸಿ, ಹಾಶಿಮ್ ಆಮ್ಲ, ಡೇಲ್ ಸ್ಟೇಯ್ನ್,
ಬಾಂಗ್ಲಾದೇಶ: ಮುಶ್ರಫೆ ಮೊರ್ತಾಜಾ (ನಾಯಕ), ಅಬು ಜಯೇದ್, ಲಿಟನ್ ದಾಸ್ , ಮಹಮದ್ದುಲ್ಲಾ, ಮೆಹಿದಿ ಹಸನ್, ಮೊಹಮ್ಮದ್ ಮಿಥುನ್ (ವಿಕೀ), ಮೊಹಮ್ಮದ್ ಸೈಫುದ್ದಿನ್, ಮೊಸಾದಿಕ್ ಹುಸೇನ್, ಮುಷ್ಫಿಕರ್ ರಹೀಂ, ಮುಸ್ತಫಿಜುರ್ ರಹಮಾನ್, ರುಬೆಲ್ ಹುಸೇನ್, ಸಬ್ಬೀರ್ ರಹಮಾನ್, ಶಕಿಬ್ ಅಲ್ ಹಸನ್, ಸೌಮ್ಯ ಸರ್ಕಾರ್, ತಮೀಮ್ ಇಕ್ಬಾಲ್.
