ಇಸ್ಲಾಮಾಬಾದ್: ಮುಂಬೈ ದಾಳಿಯ ಮಾಸ್ಟರ್ಮೈಂಡ್ ಹಾಗೂ ಲಷ್ಕರ್ ತೈಬಾ ಕಮಾಂಡರ್ ಝಾಕಿ - ಉರ್- ರೆಹಮಾನ್ ಲಖ್ವಿಗೆ ಜಾಮೀನು ರದ್ದುಗೊಳಿಸಬೇಕೆಂದು ಪಾಕ್ ತನಿಖಾ ದಳ ಇಸ್ಲಾಮಾಬಾದ್ ಹೈಕೋರ್ಟ್ಗೆ ಮನವಿ ಸಲ್ಲಿಸಿದೆ.
ಕಳೆದೊಂದು ದಶಕದಿಂದ ಲಷ್ಕರ್ ಉಗ್ರ ಕೃತ್ಯಗಳನ್ನು ಸಂಯೋಜನೆ ಮಾಡುತ್ತಿರುವ ಝಾಕಿ - ಉರ್- ರೆಹಮಾನ್ ಲಖ್ವಿ ಹಾಗೂ ಆರು ಮಂದಿಯನ್ನು ಭಯೋತ್ಪಾದನಾ ನಿಗ್ರಹ ಕೋರ್ಟ್ ವಿಚಾರಣೆ ನಡೆಸಿತ್ತು. 2015ರ ಏಪ್ರಿಲ್ನಲ್ಲಿ ಲಖ್ವಿಗೆ ಜಾಮೀನು ನೀಡಲಾಗಿತ್ತು.
ಇಸ್ಲಾಮಾಬಾದ್ ಹೈಕೋರ್ಟ್ ಈ ಪ್ರಕರಣದ ವಿಚಾರಣೆಯನ್ನು ಜನವರಿಯಲ್ಲಿ ನಿಲ್ಲಿಸಿತ್ತು.ಪಾಕ್ ತನಿಖಾ ದಳ, ಕೋರ್ಟ್ಗೆ ಸಾಕ್ಷ್ಯ ಒದಗಿಸಲು ಹೆಚ್ಚಿನ ಸಮಾಯಾವಕಾಶ ಕೇಳಿದ ಹಿನ್ನೆಲೆಯಲ್ಲಿ ವಿಚಾರಣೆ ನಿಲ್ಲಿಸಿತ್ತು.
