ಮಂಗಳೂರು: ದಕ್ಷಿಣ ಕನ್ನಡ ಜಿಲ್ಲೆಯಲ್ಲಿ ಗುರುವಾರದಂದು ಈದ್- ಉಲ್ - ಫಿತರ್ ನಡೆಯಲಿದೆ ಎಂದು ದಕ್ಷಿಣ ಕನ್ನಡ ಜಿಲ್ಲಾ ಅಕಾಜ್ ತ್ವಾಕ್ ಅಹ್ಮದ್ ಮುಸ್ಲಿಯಾರ್ ಘೋಷಿಸಿದ್ದಾರೆ.
ಇಂದು ಚಂದ್ರದರ್ಶನವಾಗದ ಹಿನ್ನೆಲೆಯಲ್ಲಿ ಗುರುವಾರ ಈದ್ -ಉಲ್ - ಫಿತರ್ ನಡೆಯಲಿದೆ. ಇಂದು ಚಂದ್ರದರ್ಶನವಾಗಿದ್ದರೆ ದಕ್ಷಿಣ ಕನ್ನಡ ಜಿಲ್ಲೆಯಲ್ಲಿ ನಾಳೆ ( ಬುಧವಾರ) ಈದ್-ಉಲ್ - ಫಿತರ್ ಆಚರಣೆ ನಡೆಯಬೇಕಿತ್ತು. ದಕ್ಷಿಣ ಕನ್ನಡ ಜಿಲ್ಲೆಯಲ್ಲಿ ಬುಧವಾರಕ್ಕೆ 30 ದಿನದ ರಂಜಾನ್ ಉಪವಾಸ ಪೂರ್ಣಗೊಳ್ಳಲಿದೆ.
ಸಾಧಾರಣವಾಗಿ ದಕ್ಷಿಣ ಕನ್ನಡ ಜಿಲ್ಲೆಯಲ್ಲಿ 29 ದಿನದ ಉಪವಾಸದಂದು ಚಂದ್ರದರ್ಶನವಾಗಿ ಮರುದಿನ ಹಬ್ಬ ಆಚರಣೆ ನಡೆಯುತ್ತದೆ. ಆದರೆ, ಇಂದು ಚಂದ್ರದರ್ಶನವಾಗದೇ ಇರುವುದರಿಂದ ಗುರುವಾರ ಈದ್ - ಉಲ್ - ಫಿತರ್ ಆಚರಣೆ ನಡೆಯಲಿದೆ.
