ನವದೆಹಲಿ: ಚೀನಾದ ಸ್ಮಾರ್ಟ್‌ಫೋನ್ ತಯಾರಕ ವಿವೋದ ಭಾರತೀಯ ವಿಭಾಗವು ತೆರಿಗೆ ಪಾವತಿಸುವುದನ್ನು ತಪ್ಪಿಸಲು ತನ್ನ ವಹಿವಾಟಿನ ಸುಮಾರು 50 ಪ್ರತಿಶತವನ್ನು ಚೀನಾಕ್ಕೆ. ರವಾನೆ ಮಾಡಿದೆ ಎಂದು ಇಡಿ ಹೇಳಿದೆ, ಇದು 62,476 ಕೋಟಿ ರೂಪಾಯಿಯಾಗಿದೆ.
ತನಿಖಾ ಸಂಸ್ಥೆಯು ವಿವೋ ಮೊಬೈಲ್ ವಿರುದ್ಧ ಈ ವಾರದ ಆರಂಭದಲ್ಲಿ ಪ್ರಾರಂಭವಾದ ದಾಳಿಗಳ ನಂತರ ದೇಶದ ವಿವಿಧ 23 ಘಟಕಗಳು ಹಾಗೂ 119 ಬ್ಯಾಂಕ್ ಖಾತೆಗಳಲ್ಲಿ ಇರಿಸಲಾಗಿದ್ದ 465 ಕೋಟಿ ರೂಪಾಯಿ ಮತ್ತು 2 ಕೆಜಿ ಚಿನ್ನದ ಗಟ್ಟಿಯನ್ನು ವಶಪಡಿಸಿಕೊಂಡಿದೆ ಎಂದು ಹೇಳಿದೆ.
ವಿವೋದ ಮಾಜಿ ನಿರ್ದೇಶಕ ಬಿನ್ ಲೌ ಅವರು 2018 ರಲ್ಲಿ ಭಾರತವನ್ನು ತೊರೆದಿದ್ದಾರೆ ಎನ್ನಲಾಗಿದೆ. ಕೆಲವು ಚೀನೀ ಪ್ರಜೆಗಳು ಸೇರಿದಂತೆ ವಿವೋ ಇಂಡಿಯಾದ ಉದ್ಯೋಗಿಗಳು ಶೋಧ ಕಾರ್ಯಗಳಿಗೆ ಸಹಕರಿಸಿಲ್ಲ. ಪರಿಶೀಲನೆ ವೇಳೆ ಡಿಜಿಟಲ್ ಸಾಧನಗಳನ್ನು ಮರೆಮಾಡಲು ಪ್ರಯತ್ನಿಸಿದರು ಎಂದು ತನಿಖಾ ಸಂಸ್ಥೆ ಹೇಳಿದೆ.
ಇದನ್ನೂ ಓದಿ: ನಾವ್ಯಾರಿಗೂ ಕಮ್ಮಿ ಇಲ್ಲ.. ಈ ಸ್ವಾಮೀಜಿಗಳ ರೀಲ್ಸ್ಗೆ ಭಕ್ತರು ಫಿದಾ!
