ನವದೆಹಲಿ: ಕೋವಿಡ್ ವ್ಯಾಕ್ಸಿನೇಷನ್‌ ಬಗ್ಗೆ ಸುಳ್ಳು ಅಥವಾ ದಾರಿ ತಪ್ಪಿಸುವ ಟ್ವೀಟ್ಗಳನ್ನು ಟ್ವಿಟರ್ನಿಂದ ತೆಗೆದುಹಾಕಲಾಗುವುದು ಎಂದು ಟ್ವಿಟರ್ ವಕ್ತಾರರು ತಿಳಿಸಿದ್ದಾರೆ.
ಈಗಾಗಲೇ ಭಾರತದಲ್ಲಿ ಕೊರೊನಾ ಕುರಿತು ಮಾಡಿರುವ ಹಲವಾರು ಟ್ವೀಟ್ಗಳನ್ನು ಮೈಕ್ರೋ ಬ್ಲಾಗಿಂಗ್ ಸೈಟ್‌ನಿಂದ ತೆಗೆದುಹಾಕಲಾಗಿದೆ. ವ್ಯಾಕ್ಸಿನ್ ಕುರಿತು ಆಧಾರ ರಹಿತ ವದಂತಿಗಳು ಮತ್ತು ಲಸಿಕೆಗಳ ಬಗ್ಗೆ ಅಪೂರ್ಣ ಮಾಹಿತಿಯನ್ನು ನೀಡುವ ಟ್ವೀಟ್‌ಗಳ ಬಗ್ಗೆ ನಾವು ಎಚ್ಚರಿಕೆ ವಹಿಸುತ್ತೇವೆ. ಅಂತಹ ಟ್ವೀಟ್ಗಳನ್ನು ತೆಗೆದುಹಾಕಲಾಗುವುದು ಎಂದು ವಕ್ತಾರರು ತಿಳಿಸಿದ್ದಾರೆ.
ಅನಧಿಕೃತ ಮಾಹಿತಿ ನೀಡುವ ಟ್ವೀಟ್ಗಳನ್ನ ತೆಗೆದು ಹಾಕುವಂತೆ ಕೇಳಿಕೊಂಡಿರುವ ಕೇಂದ್ರದ ಮನವಿಯನ್ನು ನಾವು ಸ್ವೀಕರಿಸಿದ್ದೇವೆ. ಅದನ್ನು ಟ್ವಿಟರ್ ನಿಯಮಗಳು ಮತ್ತು ಸ್ಥಳೀಯ ಕಾನೂನು ಎರಡರ ಅಡಿಯಲ್ಲಿ ಪರಿಶೀಲಿಸಲಾಗುತ್ತದೆ ಎಂದು ವಕ್ತಾರರು ಹೇಳಿದ್ದಾರೆ. ಉಲ್ಲಂಘನೆ ಕಂಡುಬಂದಲ್ಲಿ ಆ ಟ್ವಿಟರ್ ಖಾತೆ ತೆಗೆದು ಹಾಕಲಾಗುವುದು. ಅದಕ್ಕೂ ಮುನ್ನ ಈ ಬಗ್ಗೆ ಖಾತೆ ಹೊಂದಿರುವವರಿಗೆ ಮಾಹಿತಿ ನೀಡಲಾಗುವುದು ಎಂದು ಟ್ವಿಟರ್ ಹೇಳಿದೆ.
ಒಂದು ಸ್ಟ್ರೈಕ್ ಖಾತೆ ಮಟ್ಟದ ಕ್ರಿಯೆಗೆ ಕಾರಣವಾಗುವುದಿಲ್ಲ, ಎರಡು ಸ್ಟ್ರೈಕ್‌ಗಳು ಮತ್ತು ಮೂರು ಸ್ಟ್ರೈಕ್‌ಗಳು 12 ಗಂಟೆಗಳ ಖಾತೆ ಲಾಕ್ಅನ್ನು ಜಾರಿಗೊಳಿಸುತ್ತವೆ. ನಾಲ್ಕು ಸ್ಟ್ರೈಕ್‌ಗಳನ್ನು ಏಳು ದಿನಗಳ ಖಾತೆ ಲಾಕ್‌ನೊಂದಿಗೆ ಪೂರೈಸಲಾಗುವುದು ಮತ್ತು ಐದು ಅಥವಾ ಹೆಚ್ಚಿನ ಸ್ಟ್ರೈಕ್‌ಗಳನ್ನು ಹೊಂದಿರುವ ವ್ಯಕ್ತಿಯ ಟ್ವಿಟರ್ ಅಕೌಂಟ್ಅನ್ನು ಶಾಶ್ವತವಾಗಿ ತೆಗೆದುಹಾಕಲಾಗುವುದು ಎಂದು ಟ್ವಿಟರ್ ಹೇಳಿದೆ.
ಕೋವಿಡ್ ಲಸಿಕೆ ಬಗ್ಗೆ ಜನರಿಗೆ ಅಧಿಕೃತ ಮಾಹಿತಿಯನ್ನು ಒದಗಿಸುವುದು ನಮ್ಮ ಗುರಿ. ಟ್ವಿಟರ್ ತತ್ವಗಳಿಗೆ ಬದ್ಧವಾಗಿದೆ ಎಂದು ಹೇಳಿಕೊಂಡಿದೆ.
