ತೆಲಂಗಾಣದ ಟಿಆರ್​ಎಸ್​​ ಶಾಸಕ ನೋಮುಲಾ ನರಸಿಂಹಯ್ಯ ನಿಧನ

ತೆಲಂಗಾಣ ರಾಜ್ಯದ ಟಿಆರ್​ಎಸ್​​ ಶಾಸಕ ನೋಮುಲಾ ನರಸಿಂಹಯ್ಯ ಇಂದು ಮುಂಜಾನೆ ಆಸ್ಪತ್ರೆಯಲ್ಲಿ ನಿಧನರಾಗಿದ್ದಾರೆ. ಹೃದಯಸ್ತಂಭನದಿಂದ ಅವರು ಕೊನೆಯುಸಿರೆಳೆದಿದ್ದಾರೆ.

ಹೈದರಾಬಾದ್​: ತೆಲಂಗಾಣ ರಾಷ್ಟ್ರ ಸಮಿತಿ(ಟಿಆರ್​ಎಸ್​) ನಾಗಾರ್ಜುನ ಸಾಗರ್ ಕ್ಷೇತ್ರದ ಶಾಸಕ ನೋಮುಲಾ ನರಸಿಂಹಯ್ಯ (64) ಅವರು ಇಂದು ಮುಂಜಾನೆ ನಿಧನರಾಗಿದ್ದಾರೆ.

ಹೃದಯಸ್ತಂಭನ ಉಂಟಾಗಿದ್ದರಿಂದ ಅವರನ್ನ ಆಸ್ಪತ್ರೆಗೆ ಸೇರಿಸಲಾಗಿತ್ತು. ಆದರೆ ಚಿಕತ್ಸೆ ಫಲಕಾರಿಯಾಗಿದೆ ಇಂದು ಮುಂಜಾನೆ ಅವರು ಸಾವನ್ನಪ್ಪಿರುವುದಾಗಿ ಆಸ್ಪತ್ರೆಯ ವೈದ್ಯರು ಸ್ಪಷ್ಟಪಡಿಸಿದ್ದಾರೆ.

ನೋಮುಲಾ ನರಸಿಂಹಯ್ಯ 1956 ರ ಜನವರಿ 9 ರಂದು ನಲ್ಗೊಂಡ ಜಿಲ್ಲೆಯ ಪಾಲೆಮ್ ಗ್ರಾಮದಲ್ಲಿ ಜನಿಸಿದರು. ಅವರು 1999 ಮತ್ತು 2004 ರಲ್ಲಿ ಸಿಪಿಎಂ ಪಕ್ಷದಿಂದ ನಾಗಾರ್ಜುನ ಸಾಗರ್​ದಿಂದ ಶಾಸಕರಾಗಿ ಆಯ್ಕೆಯಾಗಿದ್ದರು.

2013 ಅವರು ಟಿಆರ್​ಎಸ್​​ ಪಕ್ಷ ಸೇರಿದ್ದ ನೋಮುಲಾ, 2018 ರ ಚುನಾವಣೆಯಲ್ಲಿ ನಾಗಾರ್ಜುನ ಸಾಗರ್ ಕ್ಷೇತ್ರದಿಂದ ಟಿಆರ್​ಎಸ್​​​ ಪಕ್ಷದಿಂದ ಮತ್ತೊಮ್ಮೆ ಶಾಸಕರಾಗಿದ್ದರು.