ಹೈದರಾಬಾದ್: ಕೊರೊನಾ ವೈರಸ್ ಎಂಬ ಕರಾಳ ರಕ್ಕಸನ ನಡುವೆ ಬ್ಲಾಕ್ ಫಂಗಸ್ ಮತ್ತು ವೈಟ್ ಫಂಗಸ್ ಜನರಲ್ಲಿ ಇನ್ನಷ್ಟು ಭೀತಿಗೆ ಕಾರಣವಾಗಿದೆ. ವೈದ್ಯರ ಪ್ರಕಾರ ಈ ಶಿಲೀಂದ್ರಗಳು ರೋಗಿಯ ಹೃದಯ, ಮೂಗು ಮತ್ತು ಕಣ್ಣುಗಳಿಗೆ ಹಾನಿಯುಂಟು ಮಾಡುತ್ತದೆ.
ಅಲ್ಲದೇ ಶ್ವಾಸಕೋಶದ ಮೇಲೂ ಹಾನಿ ಮಾಡುತ್ತದೆ. ಮತ್ತೊಂದೆಡೆ ವೈಟ್ ಫಂಗಸ್ ಬ್ಲಾಕ್ ಫಂಗಸ್ಗಿಂತಲೂ ಹೆಚ್ಚು ಅಪಾಯಕಾರಿ. ಇಷ್ಟಾದರೂ ಈ ಎರಡೂ ಫಂಗಸ್ಗಳಿಗೆ ವೈದ್ಯಕೀಯ ಕ್ಷೇತ್ರದಲ್ಲಿ ಚಿಕಿತ್ಸೆ ಲಭ್ಯವಿದೆ ಎನ್ನತ್ತಾರೆ ವೈದ್ಯರು.
ವೈಟ್ ಫಂಗಸ್ ಪ್ರಕರಣವು ಪೂರ್ವಾಂಚಲ್‌ನ ಮೌ ಜಿಲ್ಲೆಯ ಜನರಲ್ಲಿ ಕಳವಳ ಉಂಟುಮಾಡುತ್ತಿದೆ. ಇದು ಕೊರೊನಾದಂತೆಯೆ ರೋಗಲಕ್ಷಣಗಳನ್ನು ಹೊಂದಿರುವ ಸೋಂಕಾಗಿದೆ ಎಂದು ಹೇಳಲಾಗುತ್ತದೆ. ವೈಟ್ ಫಂಗಸ್ ರೋಗವು ಶ್ವಾಸಕೋಶಕ್ಕೆ ಸೋಂಕು ತಗುಲಿಸುತ್ತದೆ ಮತ್ತು ಅವುಗಳ ಹಾನಿಗೆ ಕಾರಣವಾಗಿದೆ. ಇದಲ್ಲದೇ ರೋಗಿಯಲ್ಲಿ ಉಸಿರಾಟ ಸಮಸ್ಯೆ ಕಂಡು ಬರುತ್ತದೆ. ಜೊತೆಗೆ ನಿರಂತರ ಎದೆನೋವು ಕಾಣಿಸಿಕೊಳ್ಳುತ್ತದೆ.
ಕಪ್ಪು ಶಿಲೀಂದ್ರ ಎನ್ನುವುದ್ಯಾಕೆ?
ಕೆಜಿಎಂಯು ವೈದ್ಯಕೀಯ ಅಧ್ಯಯನ ಕೇಂದ್ರ ಮತ್ತು ಆಸ್ಪತ್ರೆಯ ಸಹಾಯಕ ಪ್ರಾಧ್ಯಾಪಕಿ ಡಾ.ಜೋತಿ ಬಾಜ್ಪೈ ಹೇಳುವಂತೆ, ಈ ಫಂಗಸ್ ಇತರ ಸಾಮಾನ್ಯ ಫಂಗಸ್ಗಳಂತೆ ಇದೆ. ಇದು ವೈಟ್ ಅಥವಾ ಬ್ಲಾಕ್ ಎಂಬುದಲ್ಲ. ಮ್ಯೂಕೋರ್ಮೈಕೋಸಿಸ್ ಒಂದು ಸೋಂಕಿನ ಫಂಗಸ್ ಅಷ್ಟೇ. ಇದು ಕಪ್ಪು ಬಣ್ಣದ್ದಾಗಿರುವುದರಿಂದ ಇದಕ್ಕೆ ಕಪ್ಪು ಶಿಲೀಂಧ್ರ ಎಂದು ಹೆಸರಿಡಲಾಗಿದೆ.
ಇದು ಕಪ್ಪು ಕಲೆಗಳಿಂದಾಗಿ ರೂಪುಗೊಳ್ಳುವ ಸೋಂಕಾಗಿರುವುದರಿಂದ ಬ್ಲಾಕ್ ಫಂಗಸ್ ಎಂದು ಕರೆಯಲಾಗಿದೆ. ವೈದ್ಯಕೀಯ ಕ್ಷೇತ್ರದಲ್ಲಿ ಬ್ಲಾಕ್ ವೈಟ್ ಎಂಬ ಬಣ್ಣದ ಫಂಗಸ್ಗಳಿಲ್ಲ. ಜನರಿಗೆ ಅರ್ಥವಾಗಲೆಂದು ಕಪ್ಪು ಮತ್ತು ಬಿಳಿ ಫಂಗಸ್ ಎಂಬ ಹೆಸರುಗಳನ್ನು ನೀಡಲಾಗಿದೆ. ವೈಟ್ ಫಂಗಸ್ ಅಥವಾ ಕ್ಯಾಂಡಿಡಿಯಾಸಿಸ್ (ಕ್ಯಾಂಡಿಡಾ) ಕಣ್ಣು, ಮೂಗು ಮತ್ತು ಗಂಟಲಿನ ಮೇಲೆ ಕಡಿಮೆ ಪರಿಣಾಮ ಬೀರಲಿದೆ. ಇದು ಶ್ವಾಸಕೋಶದ ಮೇಲೆ ನೇರವಾಗಿ ಪರಿಣಾಮ ಬೀರುತ್ತದೆ ಎಂದಿದ್ದಾರೆ ತಜ್ಞರು.
ರೋಗ ಪತ್ತೆ ಮಾಡುವುದು ಹೇಗೆ?
ಎದೆನೋವು ಹಾಗೂ ಮೂಗಿನ ಸೋರುವಿಕೆಯಿಂದ ಈ ರೋಗವನ್ನ ಬಹುಬೇಗ ಪತ್ತೆ ಮಾಡಬಹುದು. ಕೊರೊನಾದಂತೆಯೇ ಶ್ವಾಸಕೋಶದಲ್ಲಿ ಕಲೆ ಉಂಟುಮಾಡುತ್ತವೆ. ಮೊದಲ ಅಲೆಯಲ್ಲಿ ಈ ಫಂಗಸ್ಗಳು ಅಷ್ಟಾಗಿ ಕಂಡುಬರಲಿಲ್ಲ. ಆದರೆ 2ನೇ ಅಲೆಯಲ್ಲಿ ವೈರಸ್‌ನ ರೂಪಾಂತರವು ಬದಲಾಗಿದೆ. ಪ್ರಸ್ತುತ ಅಲೆಯಲ್ಲಿ, ಹೆಚ್ಚಿನ ಯುವಕರು ಬಲಿಪಶುಗಳಾಗಿದ್ದಾರೆ.
ಇದು ಕಡಿಮೆ ಅವಧಿಯಲ್ಲಿ ವೇಗವಾಗಿ ಹರಡುತ್ತಿದೆ. ಜನರು ಹೆಚ್ಚಾಗಿ ಆಸ್ಪತ್ರೆಗೆ ದಾಖಲಾಗಲು ಇದು ಕಾರಣವಾಗಿದೆ. ಇದಲ್ಲದೆ ಸ್ಟೀರಾಯ್ಟ್ ಅಥವಾ ಮಧುಮೇಹ ಹೊಂದಿರುವ ರೋಗಿಗಳು ಈ ಫಂಗಸ್ಗೆ ಬಹುಬೇಗ ಒಳಗಾಗುತ್ತಿದ್ದಾರೆ.
ರೋಗದಿಂದ ದೂರ ಇರೋದಕ್ಕೆ ಏನೇನು ಮಾಡಬೇಕು
ಮೊದಲಿಗೆ ಆಕ್ಸಿಜನ್ ಪೈಪ್ಗಳು ಹಾಗೂ ಕೃತಕ ಗಾಳಿಯ ಸಾಧನ ಬಳಸುತ್ತಿದ್ದರೆ ಶುಚಿಯಾಗಿಡಬೇಕು. ದೇಹದಲ್ಲಿ ಸಕ್ಕರೆಯ ಮಟ್ಟ ನಿಯಂತ್ರಣದಲ್ಲಿಡಬೇಕು. ಶ್ವಾಸಕೋಶ ತಲುಪುವ ಆಮ್ಲಜನಕವು ಶುದ್ಧ ಗಾಳಿ ಜೊತೆ ಫಂಗಸ್ ಮುಕ್ತವಾಗಿರಬೇಕು. ಇದಲ್ಲದೆ ಈ ಫಂಗಸ್ಗೆ ಒಳಗಾಗುತ್ತಿರುವ ಜನರು ಕಡಿಮೆ ರೋಗನಿರೋಧಕ ಶಕ್ತಿಯನ್ನ ಹೊಂದಿರುವುದು ಸಹ ತಿಳಿದುಬಂದಿದೆ. ಆದರೆ ಆರೋಗ್ಯವಂತ ಜನರಲ್ಲಿ ಈ ಫಂಗಸ್ ಕಂಡುಬರುವುದು ತೀರ ಅಪರೂಪ. ಅ್ಲಲದೆ ಕೃತಕ ಆಮ್ಲಜನಕ ಬಳಕೆ ಮಾಡುವವರಲ್ಲಿ ಹೆಚ್ಚಾಗಿ ಈ ಫಂಗಸ್ ಹರಡುವ ಭೀತಿ ಇರುತ್ತದೆ ಎಂದು ವೈದ್ಯರು ಅಭಿಪ್ರಾಯಪಟ್ಟಿದ್ದಾರೆ.
ಸ್ಟೀರಾಯ್ಡ್ಗಳನ್ನು ಸರಿಯಾದ ಸಮಯಕ್ಕೆ ಹಾಗೂ ಸರಿಯಾದ ಪ್ರಮಾಣದಲ್ಲಿ ನೀಡಿದರೆ ಬ್ಲಾಕ್ ಫಂಗಸ್ನಿಂದ ಯಾವುದೇ ಸಮಸ್ಯೆಯಿಲ್ಲ. ಈ ಫಂಗಸ್ನಿಂದ ಮರಣ ಪ್ರಮಾಣವು ಶೇ.50ರಿಂದ 80ರಷ್ಟಿದೆ. ಇವುಗಳಿಗೆ ಆ್ಯಂಟಿ ಫಂಗಸ್ ಔಷಧಿಗಳು ಲಭ್ಯವಿದೆ. ವೈದ್ಯಕೀಯ ಶಸ್ತ್ರಚಿಕಿತ್ಸೆಯ ಮೂಲಕವೂ ಈ ಫಂಗಸ್ಗಳಿಗೆ ಸೂಕ್ತ ಚಿಕಿತ್ಸೆ ಇದೆ.
