ಭಿಂದ್ (ಮಧ್ಯಪ್ರದೇಶ): ಭಾರತೀಯ ವಾಯುಪಡೆಯ ಮಿರಾಜ್ 2000 ವಿಮಾನವು ಭಿಂದ್ನಿಂದ ಸುಮಾರು 6 ಕಿ.ಮೀ ದೂರದಲ್ಲಿರುವ ಮನಕಾಬಾದ್ ನಲ್ಲಿನ ರಾಗಿ ಹೊಲದಲ್ಲಿ ಪತನಗೊಂಡಿದೆ.
ಟ್ರೈನಿ ಪೈಲಟ್ ಈ ವಿಮಾನವನ್ನು ಹಾರಿಸುತ್ತಿದ್ದರು. ವಿಮಾನದಿಂದ ಅವರು ತಮ್ಮ ರಕ್ಷಣೆಗಾಗಿ ಜಿಗಿದು ಪ್ರಾಣ ಉಳಿಸಿಕೊಂಡಿದ್ದಾರೆ. ಪ್ಯಾರಾಚೂಟ್ ಮೂಲಕ ಇಳಿಯುವ ವೇಳೆ ಅವರನ್ನು ಸ್ಥಳೀಯ ಜನರು ಗುರುತಿಸಿದ್ದಾರೆ. ಹಾಗೆ ಕೆಲವರು ವಿಡಿಯೋ ಕೂಡ ಮಾಡಿಕೊಂಡಿದ್ದಾರೆ.
ವಾಯುಪಡೆ ವಿಮಾನ ಪತನ
ಪೈಲಟ್‌ಗಳು ಹೇಗೆ ಪ್ಯಾರಾಚೂಟ್ನ್ನು ಇಂತಹ ಸಂದರ್ಭದಲ್ಲಿ ಬಳಕೆ ಮಾಡಿಕೊಳ್ಳುತ್ತಾರೆ ಎಂಬುದನ್ನು ಈ ವಿಡಿಯೋದಲ್ಲಿ ಸ್ಪಷ್ಟವಾಗಿ ನೋಡಬಹುದಾಗಿದೆ. ಈ ವಿಡಿಯೋ ಸದ್ಯ ಸಾಮಾಜಿಕ ಜಾಲತಾಣದಲ್ಲಿ ಭಾರಿ ವೈರಲ್ ಆಗಿದೆ.
