ಲೋಕಸಭೆಯಲ್ಲಿ ಪ್ರತಿಧ್ವನಿಸಿದ ಪರಮ್ ಬೀರ್ ಸಿಂಗ್ ಪತ್ರದ ವಿಚಾರ

ಮುಂಬೈನ ಮಾಜಿ ಪೊಲೀಸ್ ಆಯುಕ್ತ ಪರಮ್ ಬೀರ್ ಸಿಂಗ್ ಅವರು ಗೃಹ ಸಚಿವ ಅನಿಲ್​​ ದೇಶ್​ಮುಖ್​ ವಿರುದ್ಧ ಮಾಡಿರುವ 100 ಕೋಟಿ ರೂ. ಆರೋಪ ಇಂದು ಲೋಕಸಭೆಯಲ್ಲಿ ಪ್ರತಿಧ್ವನಿಸಿತು.

ನವದೆಹಲಿ: ಮಹಾರಾಷ್ಟ್ರ ಗೃಹ ಸಚಿವ ಅನಿಲ್ ದೇಶ್​ಮುಖ್ ವಿರುದ್ಧ ಮುಂಬೈನ ಮಾಜಿ ಪೊಲೀಸ್ ಆಯುಕ್ತ ಪರಮ್ ಬೀರ್ ಸಿಂಗ್ ಮಾಡಿರುವ ಆರೋಪ ಸೋಮವಾರ ಲೋಕಸಭೆಯಲ್ಲಿ ಪ್ರತಿಧ್ವನಿಸಿತು.

ಅನಿಲ್​ ದೇಶ್​ಮುಖ್​​ 100 ಕೋಟಿ ರೂ. ವಸೂಲಿ ಮಾಡುವಂತೆ ಪೊಲೀಸ್​ ಆಯುಕ್ತರಾಗಿದ್ದ ವಾಜೆ ಅವರಿಗೆ ಸೂಚಿಸಿದ್ದರು ಎಂದು ಆರೋಪಿಸಿ, ಪರಮ್ ಬೀರ್ ಸಿಂಗ್ ಸಿಎಂಗೆ ಪತ್ರ ಬರೆದಿದ್ದರು.

ಈ ವಿಷಯದ ಬಗ್ಗೆ ಇಂದು ಸಂಸತ್ ಸದಸ್ಯರಾದ ರಾವ್ನೀತ್ ಸಿಂಗ್ (ಐಎನ್‌ಸಿ), ನವನೀತ್ ರವಿ ರಾಣಾ (ಐಎನ್‌ಡಿ), ಪಿಪಿ ಚೌಧರಿ (ಬಿಜೆಪಿ) ಮತ್ತು ಪೂನಂ ಮಹಾಜನ್ (ಬಿಜೆಪಿ) ಅವರು ಮಾತನಾಡಿದರು. ಅಲ್ಲದೇ ಮಹಾರಾಷ್ಟ್ರ ಸರ್ಕಾರದ ವಿರುದ್ಧ ಆಕ್ರೋಶವನ್ನು ವ್ಯಕ್ತಪಡಿಸಿದರು.