ವಲ್ಸಾದ್‌ (ಗುಜರಾತ್): ಪಾರ್ಟಿಯೊಂದರಲ್ಲಿ ಮದ್ಯ ಸೇವಿಸುತ್ತಿದ್ದ ಪೊಲೀಸರನ್ನು ವಲ್ಸಾದ್‌ ಪೊಲೀಸರು ಬಂಧಿಸಿದ್ದಾರೆ. ವಲ್ಸಾದ್‌ನ ಅತುಲ್ ಗ್ರಾಮದ ಯುವಕನ ಹುಟ್ಟುಹಬ್ಬದ ಪಾರ್ಟಿ ನಡೆಯುತ್ತಿತ್ತು. ಈ ವೇಳೆ ಓರ್ವ ಪಿಎಸ್ಐ, ಮೂವರು ಕಾನ್ಸ್ಟೇಬಲ್‌ಗಳು ಸೇರಿದಂತೆ 19 ಮಂದಿ ಮದ್ಯ ಸೇವಿಸಿ ಸಿಕ್ಕಿಬಿದ್ದಿದ್ದಾರೆ.
ಶಾನಿ ಬಾವಿಸ್ಕರ್ ಎಂಬ ಯುವಕ ಅತುಲ್‌ನ ಮುಕುಂದ್ ಪ್ರದೇಶದ ಬಂಗಲೆಯಲ್ಲಿ ಹುಟ್ಟುಹಬ್ಬದ ಪಾರ್ಟಿ ನಡೆಸಿದ್ದಾನೆ. ನಾನಾಪೋದ ಪೊಲೀಸ್ ಠಾಣೆಯ ಪಿಎಸ್ಐ, 3 ಕಾನ್ಸ್ಟೇಬಲ್ ಸೇರಿ 19 ಮಂದಿ ಮದ್ಯ ಸೇವಿಸುತ್ತಿದ್ದರು. ಮಾಹಿತಿ ಆಧರಿಸಿ ವಲ್ಸಾದ್‌ ಎಸ್ಪಿ ರಾಜದೀಪ್ ಸಿಂಗ್ ಝಾಲಾ ಇಲ್ಲಿ ದಾಳಿ ನಡೆಸಿ, ಪೊಲೀಸರು ಸೇರಿ ಎಲ್ಲರನ್ನೂ ಬಂಧಿಸಲಾಯಿತು.
ಎಣ್ಣೆ ಪಾರ್ಟಿಯಲ್ಲಿ ತೊಡಗಿದ್ದ ಪೊಲೀಸರು ಅರೆಸ್ಟ್!
ವಿಶೇಷ ಎಂದರೆ ಗುಜರಾತ್ನಲ್ಲಿ ಮದ್ಯಪಾನ ನಿಷೇಧ ಇದೆ. ಆದರೂ ಕಾನೂನು ಕಾಪಾಡಬೇಕಾದ ಪೊಲೀಸರೇ ಇಂತಹ ಕೃತ್ಯದಲ್ಲಿ ಭಾಗಿಯಾಗಿರುವುದು ಚರ್ಚೆಗೆ ಕಾರಣವಾಗಿದೆ.
ಇದನ್ನೂ ಓದಿ: ಉಮೇಶ್ ಕೊಲ್ಹೆ ಹತ್ಯೆ ಪ್ರಕರಣ: ಜೈಲಿನಲ್ಲಿ ಆರೋಪಿ ಪಠಾಣ್‌ಗೆ ಥಳಿಸಿದ ಕೈದಿಗಳು!
