ಟ್ಯಾಟೂ ಹಾಕಿಸಿಕೊಳ್ಳಲು ಪ್ಲ್ಯಾನ್​ ಮಾಡ್ತಿದ್ದೀರಾ? ಈ ಕೆಳಗಿನ ಅಂಶಗಳನ್ನು ನೆನಪಿಟ್ಟುಕೊಳ್ಳಿ...

ಟ್ಯಾಟೂ ಹಾಕಿಸಿಕೊಳ್ಳುವುದು ಫ್ಯಾಶನ್ ಪ್ರಿಯರಿಗೆ ಕಾಮನ್. ಚಿತ್ರನಟರಿಂದ ಹಿಡಿದು ಸಾಮಾನ್ಯರವರೆಗೆ ಎಲ್ಲರಿಗೂ ಟ್ಯಾಟೂ ಹಾಕಿಸಿಕೊಳ್ಳುವುದೆಂದರೇ ಇಷ್ಟ. ಆದರೆ ಟ್ಯಾಟೂ ಹಾಕಿಸಿಕೊಳ್ಳುವ ಮೊದಲು ಮತ್ತು ನಂತರ ಯಾವ ಯಾವ ವಿಷಯಗಳನ್ನು ಗಮನದಲ್ಲಿಟ್ಟುಕೊಳ್ಳಬೇಕು ಎಂಬುದು ಅಷ್ಟೇ ಮಹತ್ವದ್ದಾಗಿದೆ.

ಟ್ಯಾಟೂ ಎಂಬುದು ಇತ್ತೀಚೆಗೆ ಟ್ರೆಂಡ್​ ಆಗಿದೆ. ಈ ಹಿಂದೆ ಹಚ್ಚೆ ಹಾಕಿಕೊಳ್ಳುವ ಸಂಪ್ರದಾಯವಿತ್ತು. ಆದ್ರೆ, ಇದೀಗ ಕಾಲ ಬದಲಾದಂತೆ, ಹಚ್ಚೆ ಬದಲಿಗೆ ಟ್ಯಾಟೂ ಹಾಕಿಸಿಕೊಳ್ಳುವ ಟ್ರೆಂಡ್​ ಬಂದಿದೆ. ಇದು ತುಂಬಾ ಆಕರ್ಷಕವಾಗಿದ್ದು, ಶಕ್ತಿ, ಬಲ ಮತ್ತು ಬುದ್ಧಿವಂತಿಕೆಯ ಸಂಕೇತವಾಗಿದೆ. ಟ್ಯಾಟೂ ಎಂಬುದು ಗ್ರೀಕ್​ನ ಪುರಾಣಗಳಿಗೆ ಸಂಬಂಧಿಸಿದೆ. ಇದು ಕಳೆದ ಕೆಲ ವರ್ಷಗಳಿಂದ ತುಂಬಾ ಟ್ರೆಂಡ್​ ಆಗುತ್ತಿದೆ.

ಹೊಲೊಗ್ರಾಮ್ ಟ್ಯಾಟೂಗಳು ತಾತ್ಕಾಲಿಕವಾಗಿದ್ದು, ಮಳೆ ಬಿಲ್ಲಿನ ಬಣ್ಣದಲ್ಲಿ ಮಿನುಗುತ್ತಿರುತ್ತವೆ. ಆದ್ರೆ ಹೆಚ್ಚು ಜನಪ್ರಿಯವಾಗಿವೆ. ಏಕೆಂದರೆ ಈ ಟ್ಯಾಟೂ ಬೆಳಕಿಗೆ ತಕ್ಕಂತೆ ಬಣ್ಣವನ್ನು ಬದಲಿಸುತ್ತದೆ. ಇದು ಭಾರತದಲ್ಲಿ ಬಹಳ ಟ್ರೆಂಟ್​ ಆಗುತ್ತಿದೆ.

ಕಡಿಮೆ ಡಿಸೈನ್​​ ಇರುವ ಟ್ಯಾಟೂಗಳು ಸಹ 2022 ರಲ್ಲಿ ಜನಪ್ರಿಯವಾಗಿ ಮುಂದುವರೆಯುತ್ತವೆ. ಇವುಗಳು ಸಣ್ಣ ಮತ್ತು ಉತ್ತಮವಾದ ಗೆರೆಗಳನ್ನು ಒಳಗೊಂಡಿರುತ್ತವೆ. ಆದ್ದರಿಂದ ಶಾಯಿ ಹಾಕಬೇಕೆ ಅಥವಾ ಬೇಡವೇ ಎಂಬುದನ್ನು ನಿರ್ಧರಿಸುವುದು ತುಂಬಾ ಸುಲಭವಾಗಿರುತ್ತದೆ. ಯಾವಾಗಲೂ ನಿಮಗೆ ಇಷ್ಟವಾಗುವ ಮತ್ತು ನಿಮ್ಮ ನಂಬಿಕೆಗಳಿಗೆ ಅನುಗುಣವಾಗಿ ಟ್ಯಾಟೂ ವಿನ್ಯಾಸವನ್ನು ಆರಿಸಿಕೊಳ್ಳಬೇಕು. ಡಾ. ವಿದುಷಿ ಜೈನ್, ವೈದ್ಯಕೀಯ ಮುಖ್ಯಸ್ಥೆ ಶಾಯಿಯನ್ನು ಹಾಕುವಾಗ ಯಾವ ರೀತಿ ಎಚ್ಚರಿಗೆ ವಹಿಸಬೇಕು ಎಂಬುದರ ಬಗ್ಗೆ ಹೇಳಿದ್ದಾರೆ.

ಟ್ಯಾಟೂ ಹಾಕಿಸಿಕೊಳ್ಳುವ ಮುನ್ನ ಏನೇನು ಮಾಡಬೇಕು ?

ಟ್ಯಾಟೂ ಹಾಕಿಸಿಕೊಳ್ಳುವ ಹಿಂದಿನ ರಾತ್ರಿ ಕೆಫೀನ್ ಅಥವಾ ಆಲ್ಕೋಹಾಲ್ ಸೇವಿಸಬೇಡಿ. ಇದು ರಕ್ತವನ್ನು ದುರ್ಬಲಗೊಳಿಸುತ್ತದೆ. ಇದರಿಂದ ಟ್ಯಾಟೂ ಹಾಕುವಾಗ ರಕ್ತಸ್ರಾವ ಆಗುವ ಅಪಾಯ ಹೆಚ್ಚಿದೆ.

ಕನಿಷ್ಠ ಒಂದು ವಾರದವರೆಗೆ, ಸಾಕಷ್ಟು ನೀರು ಕುಡಿಯಿರಿ. ಪ್ರತಿದಿನ ಕನಿಷ್ಠ ಎರಡು ಲೀಟರ್ ನೀರು ಕುಡಿದರೇ ಒಳ್ಳೆಯದು. ಸಾಕಷ್ಟು ನೀರು ಕುಡಿಯುವುದರಿಂದ ನಮ್ಮ ಚರ್ಮವು ನಯವಾಗಿ ಮತ್ತು ಆರೋಗ್ಯಕರವಾಗಿರುತ್ತದೆ.

ಇದನ್ನೂ ಓದಿ: ಉತ್ತಮ ಕೈಬರಹವು ಮೆದುಳಿನ ಆರೋಗ್ಯ ವೃದ್ಧಿಸುತ್ತದೆ.. ಹೇಗೆ ಗೊತ್ತಾ?

ಅಂತಿಮವಾಗಿ ಟ್ಯಾಟೂ ಹಾಕಿಸಿಕೊಳ್ಳುವ ಮೊದಲು, ಟ್ಯಾಟೂ ಕಲಾವಿದ ಹೊಸ ಸೂಜಿಗಳನ್ನು ಬಳಸುತ್ತಿದ್ದಾರೆಯೇ ಎಂಬುದನ್ನು ಖಚಿತಪಡಿಸಿಕೊಳ್ಳಿ. ಒಂದು ವೇಳೆ ಹೊಸ ಸೂಚಿಯನ್ನು ಬಳಸದಿದ್ದರೇ, ನಿಮ್ಮ ದೇಹದೊಳಗೆ ವೈರಸ್​​ಗಳು ಹೋಗಬಹುದು.

ಟ್ಯಾಟೂ ಹಾಕಿದ ನಂತರ ಏನು ಮಾಡಬೇಕು:

ಟ್ಯಾಟೂಗಳಿಂದ ಚರ್ಮ ರೋಗಗಳು ಸುಲಭವಾಗಿ ಹರಡುತ್ತವೆ. ಹಾಗಾಗಿ ಸೋಂಕನ್ನು ತಡೆಗಟ್ಟಲು, ಅವುಗಳನ್ನು ಆಗಾಗ್ಗೆ ಬ್ಯಾಂಡೇಜ್​ನಿಂದ ಸುತ್ತಿಡುವುದು ಒಳ್ಳೆಯದು.

ಬ್ಯಾಂಡೇಜ್‌ನಿಂದ ಮುಚ್ಚಿದ ಕೆಲವು ಗಂಟೆಗಳ ನಂತರ ಟ್ಯಾಟೂವನ್ನು ಸ್ವಚ್ಛಗೊಳಿಸುವ ಮೊದಲು ಆಂಟಿಬ್ಯಾಕ್ಟೀರಿಯಲ್ ಸೋಪಿನಿಂದ ನಿಮ್ಮ ಕೈಗಳನ್ನು ಸ್ವಚ್ಛಗೊಳಿಸಿ.

ಟ್ಯಾಟೂವನ್ನು ಉಗುರು ಬೆಚ್ಚಗಿನ ನೀರು ಮತ್ತು ಮೃದುವಾದ ಟವೆಲ್‌ನಿಂದ ತೊಳೆಯಿರಿ. ಆದರೆ ಅದನ್ನು ಬಲವಾಗಿ ಉಜ್ಜಬೇಡಿ.

ಟ್ಯಾಟೂವನ್ನು ಹಾಕಿಸಿಕೊಂಡ ನಂತರ, ಲೋಷನ್ ಕ್ರೀಮ್ ಅಥವಾ ಪೆಟ್ರೋಲಿಯಂ ಜೆಲ್ಲಿಯನ್ನು ಅನ್ವಯಿಸಿ. ಕನಿಷ್ಠ ಎರಡು ವಾರಗಳವರೆಗೆ ಈ ಮಾಯಿಶ್ಚರೈಸರ್​ನನ್ನು ವಾಡಿಕೆಯಂತೆ ಹಚ್ಚಲು ಮರೆಯದಿರಿ.

ನಿಮ್ಮ ಸೂಕ್ತ ಸಂಗಾತಿ ಹುಡುಕುತ್ತಿರುವಿರಾ? ಕನ್ನಡ ಮ್ಯಾಟ್ರಿಮೋನಿಯಲ್ಲಿ ನೋಂದಣಿ ಉಚಿತ

ಮುಖ್ಯವಾದ ವಿಷಯವೆಂದರೆ ಅಪಾಯಕಾರಿ ರಾಸಾಯನಿಕಗಳು ಮತ್ತು ಸೂರ್ಯನ ನೇರಳಾತೀತ ಕಿರಣಗಳಿಂದ ಟ್ಯಾಟೂವನ್ನು ದೂರವಿಡಿ. ಹೊರಗೆ ಹೋಗುವ ಮೊದಲು ನಿಮ್ಮ ಟ್ಯಾಟೂಗೆ ನೀವು ಸನ್‌ಸ್ಕ್ರೀನ್​​ನನ್ನು ಸಮರ್ಪಕವಾಗಿ ಹಚ್ಚಿ.

ನಿಮ್ಮ ಹಚ್ಚೆ ಒದ್ದೆಯಾಗಿದ್ದರೆ ಚಿಂತಿಸಬೇಡಿ. ಆದರೆ ಕನಿಷ್ಠ ಮೂರು ವಾರಗಳವರೆಗೆ ಈಜಬೇಡಿ ಅಥವಾ ಬಿಸಿನೀರಿನಿಂದ ತೊಳೆಯಬೇಡಿ.

ಟ್ಯಾಟೂ ಹಾಕಿಸಿಕೊಳ್ಳುವ ಎರಡು ದಿನದ ಮೊದಲು ಯಾವುದೇ ನೋವು ನಿವಾರಕ ಮಾತ್ರೆಗಳನ್ನು ಸೇವಿಸಬೇಡಿ. ಇಂತಹ ಮಾತ್ರೆಗಳನ್ನು ಸೇವಿಸುವುದರಿಂದ ರಕ್ತಸ್ರಾವವಾಗುವ ಸಂಭವವಿದೆ.