'ಲಾಲ್​ಸಿಂಗ್ ಚಡ್ಡಾ' ಶೂಟಿಂಗ್​​: ಲಾಲ್ ಭೇಟಿಯಾದ 'ಬಾಲಾ' ನಾಗಚೈತನ್ಯ

ಬಾಲಿವುಡ್​ನ ಬಹುನಿರೀಕ್ಷಿತ ಚಿತ್ರ ಲಾಲ್​ಸಿಂಗ್ ಚಡ್ಡಾ ಚಿತ್ರದ ಶೂಟಿಂಗ್ ಲಡಾಖ್​ನಲ್ಲಿ ನಡೆಯುತ್ತಿದೆ. ಟಾಲಿವುಡ್ ನಟ ನಾಗಚೈತನ್ಯ ಈ ಕುರಿತ ಫೋಟೋವೊಂದನ್ನು ಇನ್ಸ್​​ಟಾದಲ್ಲಿ ಹಂಚಿಕೊಂಡಿದ್ದಾರೆ.

ಹೈದರಾಬಾದ್: ಬಾಲಿವುಡ್ ನಟ ಅಮೀರ್ ಖಾನ್ ಅಭಿನಯದ ಮುಂಬರುವ ಚಿತ್ರ 'ಲಾಲ್ ಸಿಂಗ್ ಚಡ್ಡಾ'ದಲ್ಲಿ ತೆಲುಗು ನಟ ನಾಗಚೈತನ್ಯ ಕಾಣಿಸಿಕೊಂಡಿದ್ದು, ಚಿತ್ರದ ತಮ್ಮ ಫಸ್ಟ್​ ಲುಕ್​ ಅನ್ನು ಶುಕ್ರವಾರ ಇನ್ಸ್​ಟಾಗ್ರಾಮ್​ನಲ್ಲಿ ಹಂಚಿಕೊಂಡಿದ್ದಾರೆ.

ಅಮೀರ್ ಖಾನ್​ನೊಂದಿಗಿರುವ ಫೋಟೋವನ್ನು ಇನ್ಸ್​​ಟಾ, ಟ್ವಿಟರ್​ನಲ್ಲಿ ಪೋಸ್ಟ್​ ಮಾಡಿದ್ದು, ಇಬ್ಬರೂ ಸೈನಿಕರ ವೇಷದಲ್ಲಿ ಕಾಣಿಸಿಕೊಂಡಿದ್ದಾರೆ. ಚಿತ್ರದಲ್ಲಿ ಸಹನಿರ್ಮಾಪಕಿ ಕಿರಣ್ ರಾವ್ ಮತ್ತು ನಿರ್ದೇಶಕ ಅದ್ವೈತ್ ಚಂದನ್ ಕೂಡ ಇದ್ದಾರೆ.

• Grateful #Bala #LaalSinghChaddha pic.twitter.com/hLidCDCcyf

  — chaitanya akkineni (@chay_akkineni) July 9, 2021 " class="align-text-top noRightClick twitterSection" data="

Grateful #Bala #LaalSinghChaddha pic.twitter.com/hLidCDCcyf

— chaitanya akkineni (@chay_akkineni) July 9, 2021 ">

Grateful #Bala #LaalSinghChaddha pic.twitter.com/hLidCDCcyf

— chaitanya akkineni (@chay_akkineni) July 9, 2021

ಬಾಲಾ, ಲಾಲ್​ ಸಿಂಗ್ ಚಡ್ಡಾ ಎಂಬ ಹ್ಯಾಷ್​ಟ್ಯಾಗ್ ಅನ್ನು ಚೈತನ್ಯ ನೀಡಿದ್ದು, ಫೋಟೋ ಮೇಲೆ 'ಬಾಲಾ ಮೀಟ್ಸ್​ ಲಾಲ್​' ಎಂದು ಬರೆದುಕೊಂಡಿದ್ದಾರೆ. ಮೇಲ್ನೋಟಕ್ಕೆ ಈ ಚಿತ್ರ ಹಾಲಿವುಡ್​ನ 'ಫಾರೆಸ್ಟ್ ಗಂಪ್' ಎಂಬ ಚಿತ್ರದ ರಿಮೇಕ್ ಎಂದು ಹೇಳಲಾಗುತ್ತಿದ್ದು, ಸದ್ಯಕ್ಕೆ ಲಡಾಖ್​ನಲ್ಲಿ ಶೂಟಿಂಗ್ ನಡೆಯುತ್ತಿದೆ. ಚೈತನ್ಯ ಅವರ ಪತ್ನಿ, ನಟಿ ಸಮಂತಾ ಅಕ್ಕಿನೇನಿ, ಚಿತ್ರವನ್ನು ರೀಪೋಸ್ಟ್ ಮಾಡಿದ್ದಾರೆ.

ಮುಂದಿನ ದಿನಗಳಲ್ಲಿ ಆಲಿಯಾ ಭಟ್ ಮತ್ತು ರಣಬೀರ್ ಕಪೂರ್ ಅಭಿನಯದ ಬ್ರಹ್ಮಾಸ್ತ್ರ ಸಿನಿಮಾದಲ್ಲಿ ನಾಗಚೈತನ್ಯ ಕಾಣಿಸಿಕೊಳ್ಳಲಿದ್ದಾರೆ. ಈಗ ಲಾಲ್​ಸಿಂಗ್ ಚಡ್ಡಾ ಶೂಟಿಂಗ್​​​ ಬಯೋಬಬಲ್​ನಲ್ಲಿ ನಡೆಯಲಿದೆ.