ವಿಶಾಖಪಟ್ಟಣಂ(ಆಂಧ್ರಪ್ರದೇಶ): ಇಲ್ಲಿನ ಬಂಗಾಳಕೊಲ್ಲಿ ಸಮುದ್ರದಲ್ಲಿ ಭಾರತದ ವಾಯುಪಡೆ ಮತ್ತು ನೌಕಾಪಡೆಗಳು ಮಿಲನ್ -22 ಹೆಸರಲ್ಲಿ ಮಂಗಳವಾರ ಯುದ್ಧಾಭ್ಯಾಸ ನಡೆಸಿದವು. ಈ ಬಹುಪಕ್ಷೀಯ ತಾಲೀಮಿನಲ್ಲಿ 26 ಹಡಗುಗಳು, 21 ವಿಮಾನಗಳು ಮತ್ತು ಒಂದು ಜಲಾಂತರ್ಗಾಮಿ ನೌಕೆ ಭಾಗವಹಿಸಿವೆ.
ಮಾರ್ಚ್ 4 ರವರೆಗೂ ಈ ತಾಲೀಮು ನಡೆಯಲಿದ್ದು, ಸಮುದ್ರ ಕಾರ್ಯಾಚರಣೆಗಳ ಎಲ್ಲ ಮೂರು ಆಯಾಮಗಳಲ್ಲಿ (ನೀರಿನ ಒಳಗೆ, ಮೇಲೆ ಮತ್ತು ವಾಯು) ಸುಧಾರಿತ ಮತ್ತು ಪ್ರಬಲ ಯುದ್ಧತಂತ್ರದ ಅಭ್ಯಾಸವನ್ನು ಒಳಗೊಂಡಿದೆ. ಈ ತಾಲೀಮು ಪರಸ್ಪರ ಎರಡು ಪಡೆಗಳ ಮಧ್ಯೆ ಕಾರ್ಯಕ್ಷಮತೆ ಮತ್ತು ಕಡಲ ಸಹಕಾರ ಹೆಚ್ಚಿಸುವ ಗುರಿಯನ್ನು ಹೊಂದಿದೆ.
ಇದಕ್ಕೂ ಮೊದಲು, ಪೂರ್ವ ನೌಕಾ ತಾಲೀಮಿನ ನೇತೃತ್ವವನ್ನು ನೌಕಾಪಡೆಯ ಹಿಂದಿನ ಅಡ್ಮಿರಲ್ ಸಂಜಯ್ ಭಲ್ಲಾ ವಹಿಸಿದ್ದರು. ಈಸ್ಟರ್ನ್ ಫ್ಲೀಟ್ ಕಮಾಂಡಿಂಗ್ ಫ್ಲ್ಯಾಗ್ ಆಫೀಸರ್ ಮತ್ತು ಹಿರಿಯ ಅಧಿಕಾರಿಗಳು, ಕಮಾಂಡಿಂಗ್ ಅಧಿಕಾರಿಗಳು ಮತ್ತು ಮಿತ್ರರಾಷ್ಟ್ರಗಳ ಎಲ್ಲ ಘಟಕಗಳ ಯೋಜನಾ ತಂಡಗಳು ಭಾಗವಹಿಸಿದ್ದವು
ಓದಿ; ಜಿ.ಪಂ. ಚುನಾವಣೆ: 851 ರಲ್ಲಿ 766 ಕ್ಷೇತ್ರ ಗೆದ್ದು ಬೀಗಿದ ಪಟ್ನಾಯಕ್ ಪಡೆ.. ಬಿಜೆಪಿಗೆ ದೊಡ್ಡ ಮುಖಭಂಗ