ಮೊಹಾಲಿ ಕಾರ್ಖಾನೆಯಲ್ಲಿ ರಾಸಾಯನಿಕ ಸ್ಫೋಟದಿಂದ ಭೀಕರ ಅಗ್ನಿ ಅವಘಡ.. 8 ಮಂದಿಗೆ ತೀವ್ರ ಸುಟ್ಟ ಗಾಯ, ಇಬ್ಬರ ಸ್ಥಿತಿ ಗಂಭೀರ

ಪಂಜಾಬ್​ನ ಮೊಹಾಲಿಯ ರಾಸಾಯನಿಕ ಕಾರ್ಖಾನೆಯೊಂದರಲ್ಲಿ ಭೀಕರ ಬೆಂಕಿ ಹೊತ್ತಿಕೊಂಡಿದ್ದು, 8 ಮಂದಿ ಗಂಭೀರವಾಗಿ ಗಾಯಗೊಂಡಿದ್ದಾರೆ. ಇದರಲ್ಲಿ ಇಬ್ಬರ ಸ್ಥಿತಿ ಚಿಂತಾಜನಕವಾಗಿದೆ ಎಂದು ತಿಳಿದುಬಂದಿದೆ.

ಮೊಹಾಲಿ (ಪಂಜಾಬ್​): ಇಲ್ಲಿನ ರಾಸಾಯನಿಕ ಕಾರ್ಖಾನೆಯಲ್ಲಿ ಭೀಕರ ಬೆಂಕಿ ಅವಘಡ ಸಂಭವಿಸಿ, 8 ಮಂದಿ ತೀವ್ರ ಸುಟ್ಟ ಗಾಯಕ್ಕೀಡಾಗಿದ್ದಾರೆ. ಸಾವು ಬದುಕಿನ ಮಧ್ಯೆ ಹೋರಾಡುತ್ತಿರುವ ಗಾಯಾಳುಗಳನ್ನು ಸ್ಥಳೀಯ ಆಸ್ಪತ್ರೆಗೆ ದಾಖಲಿಸಲಾಗಿದೆ. ಕಾರ್ಖಾನೆಯಲ್ಲಿ ನಿರಂತರವಾಗಿ ಸ್ಫೋಟಗಳು ನಡೆಯುತ್ತಿದ್ದು, ಅಗ್ನಿಶಾಮಕ ದಳದ ಸಿಬ್ಬಂದಿ ಬೆಂಕಿ ನಂದಿಸಲು ಹರಸಾಹಸ ಪಡುತ್ತಿದ್ದಾರೆ.

ಮೊಹಾಲಿಯ ಕುರಲಿಯಲ್ಲಿರುವ ಕೆಮಿಕಲ್ ಫ್ಯಾಕ್ಟರಿ ಇದಾಗಿದ್ದು, ಬುಧವಾರ ಮಧ್ಯಾಹ್ನ ಏಕಾಏಕಿ ಬೆಂಕಿ ಹೊತ್ತಿಕೊಂಡಿದೆ. ಕಾರ್ಖಾನೆಯಲ್ಲಿ ಕೆಲಸ ಮಾಡುತ್ತಿರುವ 7 ರಿಂದ 8 ಮಂದಿಗೆ ಬೆಂಕಿಯ ಕೆನ್ನಾಲಿಗೆಗೆ ತುತ್ತಾಗಿದ್ದಾರೆ. ರಾಸಾಯನಿಕಕ್ಕೆ ಬೆಂಕಿ ತಾಗಿದ್ದರಿಂದ ಅಗ್ನಿಯ ನರ್ತನ ಹೆಚ್ಚಾಗಿದೆ. ವಿಷಯ ತಿಳಿದ ಅಗ್ನಿಶಾಮಕ ದಳ ವಾಹನಗಳು ಸ್ಥಳಕ್ಕೆ ತಲುಪಿದ್ದು, ನಂದಿಸುವ ಕಾರ್ಯ ನಡೆಸುತ್ತಿದ್ದಾರೆ. ಸ್ಥಳಕ್ಕೆ ಆಂಬ್ಯುಲೆನ್ಸ್ ಮತ್ತು ವೈದ್ಯರ ತಂಡವೂ ಆಗಮಿಸಿದೆ.

• #WATCH | Five labourers injured in fire in a chemical factory in Industrial Focal Point at Chanalon, in Punjab's Mohali
  
  Details awaited. pic.twitter.com/eIdqurP8bG

  — ANI (@ANI) September 27, 2023 " class="align-text-top noRightClick twitterSection" data="

  #WATCH | Five labourers injured in fire in a chemical factory in Industrial Focal Point at Chanalon, in Punjab's Mohali
  
  Details awaited. pic.twitter.com/eIdqurP8bG

  — ANI (@ANI) September 27, 2023

  ">

  #WATCH | Five labourers injured in fire in a chemical factory in Industrial Focal Point at Chanalon, in Punjab's Mohali
  
  Details awaited. pic.twitter.com/eIdqurP8bG

  — ANI (@ANI) September 27, 2023

ಭೀಕರ ಬೆಂಕಿಯ ವಿಡಿಯೋ : ಬೆಂಕಿ ಹೊತ್ತಿಕೊಂಡು ರಾಸಾಯನಿಕ ಕಾರ್ಖಾನೆಯಿಂದ ಈವರೆಗೆ 5 ಮಂದಿಯನ್ನು ರಕ್ಷಿಸಲಾಗಿದೆ. ಗಾಯಗೊಂಡ 8 ಮಂದಿಯನ್ನು ಮೊಹಾಲಿಯ ಫೇಸ್ ಆಸ್ಪತ್ರೆಗೆ ಕಳುಹಿಸಲಾಗಿದೆ. ಕಾರ್ಖಾನೆಯಲ್ಲಿ ಬೆಂಕಿ ತೀವ್ರತೆ ಎಷ್ಟಿದೆಯೆಂದರೆ ಅದರೊಳಗಿನ ರಾಸಾಯನಿಕದಿಂದಾಗಿ ನಿರಂತರವಾಗಿ ಸ್ಫೋಟಗಳು ಸಂಭವಿಸುತ್ತಿವೆ. ಇದರ ಎರಡು ವಿಡಿಯೋಗಳು ಕೂಡ ಹೊರಬಿದ್ದಿವೆ. ಮೊದಲ ವಿಡಿಯೋವನ್ನು ಹತ್ತಿರದಿಂದ ಚಿತ್ರೀಕರಿಸಲಾಗಿದೆ. ಅಗ್ನಿ ಜ್ವಾಲೆಗಳು ಮೇಲಕ್ಕೆ ಚಿಮ್ಮುತ್ತಿರುವುದು ನೋಡಬಹುದಾಗಿದೆ.

ಎರಡನೇ ವಿಡಿಯೋವನ್ನು ದೂರದಿಂದ ಚಿತ್ರೀಕರಿಸಲಾಗಿದ್ದು, ಬೆಂಕಿಯಿಂದಾಗಿ ಆಕಾಶದಲ್ಲಿ ದಟ್ಟ ಕಪ್ಪು ಹೊಗೆ ಕಾಣುತ್ತಿದೆ. ಪೊಲೀಸ್ ಅಧಿಕಾರಿಗಳು ಮತ್ತು 2 ಡಜನ್‌ಗೂ ಹೆಚ್ಚು ಅಗ್ನಿಶಾಮಕ ದಳದ ವಾಹನಗಳು ಸ್ಥಳದಲ್ಲಿ ಕಾರ್ಯಾಚರಣೆ ನಡೆಸುತ್ತಿವೆ ಎಂದು ಪೊಲೀಸರು ತಿಳಿಸಿದ್ದಾರೆ.

ಸ್ಫೋಟ ಸಂಭವಿಸಿದ್ದು ಹೇಗೆ?: ಕಾರ್ಖಾನೆಯಲ್ಲಿ ಕೆಲಸ ಮಾಡುವ ಸಿಬ್ಬಂದಿಯೊಬ್ಬರು ನೀಡಿದ ಮಾಹಿತಿಯಂತೆ, ಬೆಳಗ್ಗೆ 11 ಗಂಟೆ ಸುಮಾರಿನಲ್ಲಿ 12 ಮಹಿಳೆಯರು ಸೇರಿದಂತೆ 25 ಮಂದಿ ನೌಕರರು ಕಾರ್ಖಾನೆಯಲ್ಲಿ ಕೆಲಸ ಮಾಡುತ್ತಿದ್ದೆವು. ಟರ್ಪಂಟೈನ್​ ಎಣ್ಣೆಯನ್ನು ಡಂಪಿಂಗ್​ ಮಾಡುವ ವೇಳೆ ಇದ್ದಕ್ಕಿಂದ್ದಂತೆ ಸ್ಫೋಟ ಸಂಭವಿಸಿತು. ಇದರಿಂದ ಐವರು ಮಹಿಳೆಯರು ಬೆಂಕಿಗೆ ಸಿಲುಕಿಕೊಂಡರು. ಅವರು ಡ್ರಮ್​ನ ಪಕ್ಕದಲ್ಲೇ ಇದ್ದರು. ಶಬ್ದ ಕೇಳಿ ನಾವುಗಳೆಲ್ಲಾ ಹೊರಗೆ ಓಡಿ ಬಂದೆವು. ಗಾಯಾಳುಗಳು ಶೇಕಡಾ 70 ರಷ್ಟು ಸುಟ್ಟು ಹೋಗಿದ್ದಾರೆ. ಇಬ್ಬರ ಸ್ಥಿತಿ ಚಿಂತಾಜನಕವಾಗಿದೆ. ಗಾಯಾಳುಗಳು ಆಸ್ಪತ್ರೆಯಲ್ಲಿ ಚಿಕಿತ್ಸೆ ಪಡೆಯುತ್ತಿದ್ದಾರೆ. ಆಂಬ್ಯುಲೆನ್ಸ್​ಗಳು ಸ್ಥಳಕ್ಕೆ ಆಗಮಿಸಿದ್ದು, ಉಳಿದ ಗಾಯಾಳುಗಳಿಗೆ ಚಿಕಿತ್ಸೆ ಮುಂದುವರಿಸಲಾಗಿದೆ ಎಂದು ತಿಳಿಸಿದರು.

ಇದನ್ನೂ ಓದಿ: ರಕ್ತಸ್ರಾವವಾಗಿ ಬೀದಿ ಅಲೆಯುತ್ತಿದ್ದರೂ ಅತ್ಯಾಚಾರಕ್ಕೊಳಗಾದ ಬಾಲಕಿಗೆ ನೆರವಾಗದ ಜನರು: ಮರೆಯಾದ ಮಾನವೀಯತೆ