ಮುಂಬೈ: ಭಾರತ ಸೇರಿದಂತೆ ಪ್ರಪಂಚದಾದ್ಯಂತ ಕೋಟ್ಯಂತರ ಜನರು ಇನ್ಸ್ಟಾಗ್ರಾಂ, ಟ್ವಿಟರ್, ಫೇಸ್ಬುಕ್ ಸೇರಿದಂತೆ ಅನೇಕ ಸಾಮಾಜಿಕ ಜಾಲತಾಣ ಬಳಕೆ ಮಾಡ್ತಿದ್ದಾರೆ. ಆದರೆ, ಅನೇಕ ಸಲ ಸೋಷಿಯಲ್ ಮೀಡಿಯಾಗಳಿಂದ ಅನೇಕರು ವಂಚನೆಗೊಳಗಾಗಿದ್ದಾರೆ.
ಇದರ ಮಧ್ಯೆ ಇನ್ಸ್ಟಾಗ್ರಾಂನಲ್ಲಿನ ಸಮಸ್ಯೆವೊಂದನ್ನ ಕಂಡು ಹಿಡಿದಿರುವುದಕ್ಕಾಗಿ ಭಾರತೀಯ ಹ್ಯಾಕರ್ಗೆ ಫೇಸ್ಬುಕ್ ಸಂಸ್ಥೆ ದಾಖಲೆಯ 22 ಲಕ್ಷ ರೂ.($30000) ಬಹುಮಾನ ಘೋಷಣೆ ಮಾಡಿದ್ದು, ಇದರ ಬಗ್ಗೆ ತನ್ನ ಅಕೌಂಟ್ನಲ್ಲಿ ಮಾಹಿತಿ ಹಂಚಿಕೊಂಡಿದೆ.
ಮಹಾರಾಷ್ಟ್ರದ ಸೋಲಾಪುರ ಮೂಲದ ಮಯೂರ್ಗೆ ಫೇಸ್ಬುಕ್ ಈ ಬಹುಮಾನ ನೀಡಿದೆ. ಇನ್ಸ್ಟಾಗ್ರಾಂನಲ್ಲಿನ ದೋಷ ಕಂಡು ಹಿಡಿದಿರುವುದಕ್ಕಾಗಿ ಈ ಬಹುಮಾನ ನೀಡಿರುವುದಾಗಿ ಅದು ಹೇಳಿಕೊಂಡಿದೆ. C++, ಫೈಥಾನ್ನಂತಹ ಕೌಶಲ್ಯ ಹೊಂದಿರುವ ಸೋಲಾಪುರ ಮೂಲದ ಮಯೂರ್, ಏಪ್ರಿಲ್ 16ರಂದು ಫೇಸ್ಬುಕ್ಗೆ ಇನ್ಸ್ಟಾಗ್ರಾಂ ದೋಷದ ಬಗ್ಗೆ ಮಾಹಿತಿ ನೀಡಿದ್ದರು.
ಇದಕ್ಕೆ ಏಪ್ರಿಲ್ 19ರಂದು ಪ್ರತಿಕ್ರಿಯೆ ಸಹ ಬಂದಿತ್ತು. ಜತೆಗೆ ಹೆಚ್ಚಿನ ಮಾಹಿತಿ ನೀಡುವಂತೆ ತಂಡ ಆತನ ಬಳಿ ಮನವಿ ಮಾಡಿಕೊಂಡಿತ್ತು. ಸಂಪೂರ್ಣ ಮಾಹಿತಿ ನೀಡಿದ ಬಳಿಕ ಅದರ ಮೇಲೆ ಕೆಲಸ ಮಾಡಿರುವ ತಂಡ ಇನ್ಸ್ಟಾಗ್ರಾಂ ಬಗ್ ಸಮಸ್ಯೆಗೆ ಜೂನ್ 15ರಂದು ಮುಕ್ತಿ ಹೇಳಿದೆ.
ಇದನ್ನೂ ಓದಿರಿ: ಭಾರತಕ್ಕೆ ಚೋಕ್ಸಿ ಕರೆತರಲು ಡೊಮಿನಿಕಾದೊಂದಿಗೆ ನಿರಂತರ ಮಾತುಕತೆ: ವಿದೇಶಾಂಗ ಸಚಿವಾಲಯ
ಏನಿದು ದೋಷ?
ಇನ್ಸ್ಟಾಗ್ರಾಂ ಪ್ರೊಫೈಲ್ನಲ್ಲಿ ಖಾಸಗಿಯಾಗಿ ಇಟ್ಟುಕೊಂಡಿರುವ ಅನೇಕ ಫೋಟೋ, ಪೋಸ್ಟ್, ದಾಖಲೆ ಸೇರಿದಂತೆ ಅನೇಕ ಮಹತ್ವದ ಮಾಹಿತಿ ಇತರರು ಸುಲಭವಾಗಿ ಕಳ್ಳತನ ಮಾಡುವ ಬಗ್ಗೆ ಮಾಹಿತಿ ನೀಡಿದ್ದರು. ಸೆಲಿಬ್ರೆಟಿಗಳನ್ನ ಫಾಲೋ ಮಾಡದೇ ಅವರ ಅಕೌಂಟ್ನಲ್ಲಿನ ವಿಡಿಯೋ, ಫೋಟೋ ಕಳ್ಳತನ ಮಾಡುವ ಮೂಲಕ ಅನೇಕರು ಸಾವಿರಾರು ರೂಪಾಯಿಗಳಿಕೆ ಮಾಡುತ್ತಿದ್ದರು.
ವಿಶೇಷವಾಗಿ ಹ್ಯಾಕರ್ಸ್ಗಳು ಇನ್ಸ್ಟಾಗ್ರಾಂನಲ್ಲಿನ ಖಾಸಗಿ ಚಿತ್ರ, ವಿಡಿಯೋಗಳನ್ನ ಅಕ್ರಮವಾಗಿ ಹೇಗೆ ಪಡೆದುಕೊಳ್ಳುತ್ತಾರೆ ಎಂಬುದನ್ನ ಅವರು ತಿಳಿಸಿದ್ದರಿಂದ ಫೇಸ್ಬುಕ್ ಫುಲ್ ಖುಷ್ ಆಗಿತ್ತು. ಹೀಗಾಗಿ ಮಯೂರ್ಗೆ ಫೇಸ್ಬುಕ್ ಸಂಸ್ಥೆ ಬಹುಮಾನ ಘೋಷಣೆ ಮಾಡಿದೆ.
