ಶಿವಸೇನೆ ಸಂಸದ ಸಂಜಯ್​ ರಾವತ್‌ಗೆ ಶಾಕ್; ಬೆಳ್ಳಂಬೆಳಗ್ಗೆಯೇ ಮನೆ ಮೇಲೆ ಇಡಿ ದಾಳಿ

ಶಿವಸೇನೆ ಸಂಸದ ಸಂಜಯ್​ ರಾವತ್​ಗೆ ಇಂದು ಬೆಳಗ್ಗೆಯೇ ಇಡಿ ಅಧಿಕಾರಿಗಳು ಶಾಕ್​ ನೀಡಿದ್ದಾರೆ. ಇದೀಗ ಅವರ ನಿವಾಸದಲ್ಲಿ ದಾಖಲೆಗಳ ಪರಿಶೀಲನೆ ನಡೆಯುತ್ತಿದೆ.

ಮುಂಬೈ(ಮಹಾರಾಷ್ಟ್ರ): ಶಿವಸೇನೆ ಸಂಸದ ಸಂಜಯ್​ ರಾವತ್​ ಅವರ ಮನೆಯ ಮೇಲೆ ಜಾರಿ ನಿರ್ದೇಶನಾಲಯ ಅಧಿಕಾರಿಗಳು(ಇಡಿ) ದಾಳಿ ನಡೆಸಿದ್ದು, 1,034 ಕೋಟಿ ಮೌಲ್ಯದ ಪತ್ರ ಚಾವಲ್​ ಭೂಹಗರಣದಲ್ಲಿ ಅವರನ್ನು ಬಂಧಿಸುವ ಸಾಧ್ಯತೆ ಇದೆ. ಮಹಾರಾಷ್ಟ್ರದಲ್ಲಿ ಶಿವಸೇನೆ ನಾಯಕರು ಬಂಡೆದ್ದಾಗ ಇವರಿಗೆ ಇಡಿ ಸಮನ್ಸ್​ ನೀಡಿ ವಿಚಾರಣೆ ನಡೆಸಿತ್ತು. ಇದೀಗ ಅದೇ ಪ್ರಕರಣಕ್ಕೆ ಸಂಬಂಧಿಸಿದಂತೆ ದಾಳಿ ನಡೆದಿದೆ.

ಪ್ರಕರಣವೇನು?: 1,034 ಕೋಟಿ ರೂಪಾಯಿ ವೆಚ್ಚದ ಪತ್ರಾ ಬಡಾವಣೆ ಅಭಿವೃದ್ಧಿಯಲ್ಲಿ ಅಕ್ರಮ ಹಣ ವರ್ಗಾವಣೆ ನಡೆಸಿದ ಗಂಭೀರ ಆರೋಪ ಸಂಜಯ್ ರಾವತ್​ ಮೇಲಿದೆ. ಇದಕ್ಕೆ ಸಂಬಂಧಿಸಿದಂತೆ ಅವರ ಬಹುಕೋಟಿ ಮೌಲ್ಯದ ಆಸ್ತಿಯನ್ನು ಇಡಿ ಜಪ್ತಿ ಮಾಡಿದೆ. ರಾವತ್​ ಅವರಿಗೆ ಸೇರಿದ ಆಲಿಭಾಗ್​ನಲ್ಲಿರುವ ಜಮೀನು, ದಾದರ್​ನಲ್ಲಿರುವ ಫ್ಲ್ಯಾಟ್​ ಸೇರಿದ ಹಲವು ಸ್ವತ್ತುಗಳನ್ನು ಇಡಿ ಮುಟ್ಟುಗೋಲು ಹಾಕಿಕೊಂಡಿದೆ.

ಇದನ್ನೂ ಓದಿ: "ಕೋಮುಗಲಭೆ ಸೃಷ್ಟಿಸುವ ಪಿಎಫ್​ಐ" ನಿಷೇಧಕ್ಕೆ ಸರ್ವಧರ್ಮ ಸಮ್ಮೇಳನ ಅಂಗೀಕಾರ