ಹೈದರಾಬಾದ್: ಸೈಬರ್ ವಂಚಕರು ಹೈದರಾಬಾದ್ ಮೂಲದ ವ್ಯಕ್ತಿಗೆ ಸುಮಾರು 25 ಲಕ್ಷ ರೂ. ವಂಚಿಸಿರುವ ಪ್ರಕರಣ ಬೆಳಕಿಗೆ ಬಂದಿದೆ. ಸೈಬರ್ ಕ್ರೈಂ ಪೊಲೀಸರ ಪ್ರಕಾರ, ಅವರ ಮೊಬೈಲ್ ಹ್ಯಾಕ್ ಮಾಡಿದ ನಂತರ ವಂಚಕರು ಆತನ ಇ ಮೇಲ್ಗೆ ಸಂದೇಶ ಕಳುಹಿಸಿದ್ದಾರೆ. ಸಂತ್ರಸ್ತನ ದೂರಿನ ಆಧಾರದ ಮೇಲೆ ಕೇಂದ್ರ ಅಪರಾಧ ಠಾಣೆ (ಸಿಸಿಎಸ್) ಪೊಲೀಸರು ವಂಚಕರು ಸೆಲ್ಫೋನ್ ಅನ್ನು ಹ್ಯಾಕ್ ಮಾಡಿ ವಂಚನೆ ಮಾಡಿದ್ದಾರೆ ಎಂಬುದನ್ನು ಕಂಡುಕೊಂಡಿದ್ದಾರೆ.
ಸೈಬರ್ ವಂಚಕರು ಮೊದಲು ಸೆಲ್ಫೋನ್ ಮೂಲಕ ಡಿಜಿಟಲ್ ವಹಿವಾಟು ನಡೆಸಿದವರ ವಿವರಗಳನ್ನು ಸಂಗ್ರಹಿಸಿದ್ದಾರೆ. ಅವರು ತಮ್ಮ ಫೋನ್‌ಗಳಿಗೆ ಲಾಟರಿ ಮತ್ತು ಬಹುಮಾನಗಳ ಹೆಸರಿನಲ್ಲಿ ಆಮಿಷವೊಡ್ಡಿ ಸಂದೇಶ ಕಳುಹಿಸಿದ್ದಾರೆ. ಈ ಸಂದರ್ಭದಲ್ಲಿ, ಸಂತ್ರಸ್ತ SMS ಗಳನ್ನು ತೆರೆದಿದ್ದಾರೆ. ತಕ್ಷಣವೇ, ಅವನ ಎಲ್ಲ ವಿವರಗಳು ಸೈಬರ್ ವಂಚಕರಿಗೆ ಸೋರಿಕೆಯಾಗಿದೆ. ಆಗ, ವಂಚಕರು ಸಂತ್ರಸ್ತನ ಮೊಬೈಲ್ ಅನ್ನು ಹ್ಯಾಕ್ ಮಾಡಿದ್ದಾರೆ.
ಅವರು ಬಿಟ್ ಕಾಯಿನ್ಗಳಲ್ಲಿ ಹೂಡಿಕೆ ಮಾಡಿದ 35,000 ಯುಎಸ್ ಡಾಲರ್ (ಅಂದಾಜು 25 ಲಕ್ಷ ರೂ.) ಗಳನ್ನು ಸಂತ್ರಸ್ತನ ಖಾತೆಯಿಂದ ತಮ್ಮ ಖಾತೆಗೆ ವರ್ಗಾಯಿಸಿಕೊಂಡಿದ್ದಾರೆ. ನಂತರ, ಅವರು ಫೋನ್‌ನಿಂದ ವಹಿವಾಟಿಗೆ ಸಂಬಂಧಿಸಿದ ಸಂದೇಶಗಳನ್ನು ಅಳಿಸಿದ್ದಾರೆ.
ಸೈಬರ್ ಕ್ರೈಂ ಪೊಲೀಸರು ಆತನಿಗೆ ಅಮೆರಿಕದಿಂದ ಮತ್ತು ಇನ್ನೊಂದು ಆಸ್ಟ್ರೇಲಿಯಾದಿಂದ ಸಂದೇಶ ಬಂದಿರುವುದನ್ನು ಪತ್ತೆ ಮಾಡಿದ್ದಾರೆ. ಆದ್ದರಿಂದ, ಪೊಲೀಸ್ ಅಧಿಕಾರಿಗಳು ಜನರಿಗೆ ಮೊಬೈಲ್ ಮತ್ತು ಇ ಮೇಲ್ ಗಳಿಗೆ ಕಳುಹಿಸುವ ಸಂದೇಶಗಳಿಗೆ ಪ್ರತಿಕ್ರಿಯಿಸದಂತೆ ಸಲಹೆ ನೀಡಿದ್ದಾರೆ.
ಓದಿ: 'ಸಿನಿಮೀಯ ಸ್ಟೈಲ್'ನಲ್ಲಿ ಬ್ಯಾಂಕ್ ದರೋಡೆ.. ಕಳ್ಳರ ಕೈಚೆಳಕ ಸಿಸಿಟಿವಿಯಲ್ಲಿ ಸೆರೆ..
