ನವದೆಹಲಿ/ಗಾಜಿಯಾಬಾದ್: ಬೈಕ್ನಲ್ಲಿ ನಾಲ್ವರು ಪಯಣಿಸುತ್ತಿದ್ದಾಗ, ಮತ್ತೊಬ್ಬ ಲಿಫ್ಟ್ ಕೇಳಿದ. ಯುವಕರು ಅವನನ್ನೂ ಎತ್ತಿಕೊಂಡು ಹೋಗಿರುವ ವಿಡಿಯೋ ಜಾಲತಾಣಗಳಲ್ಲಿ ವೈರಲ್ ಆಗಿದೆ. ವೈರಲ್ ವಿಡಿಯೋ ಆಧರಿಸಿ ಪೊಲೀಸರು ಕ್ರಮ ಕೈಗೊಂಡಿದ್ದು, ಆರೋಪಿಗಳಿಗೆ 12 ಸಾವಿರ ರೂಪಾಯಿ ದಂಡ ವಿಧಿಸಿದ್ದಾರೆ.
ಈ ಪ್ರಕರಣವು ಗಾಜಿಯಾಬಾದ್ನ ವಿಜಯನಗರದಲ್ಲಿ ನಡೆದಿದ್ದು, ಕೆಲ ಯುವಕರು ಆ್ಯಪ್ನಲ್ಲಿ ಅಪ್ಲೋಡ್ ಮಾಡುವ ಸಲುವಾಗಿ ವಿಡಿಯೋ ಮಾಡಿದ್ದಾರೆ. ಬೈಕ್ ನೋಂದಣಿ ಸಂಖ್ಯೆ ಯುಪಿ-14 ಆಗಿದ್ದು, ಅದರ ಮಾಲೀಕ ಸುನಿಲ್ ಎಂದು ತಿಳಿದು ಬಂದಿದೆ.
ಯುವಕರು ಚಿತ್ರೀಕರಣದ ವೇಳೆ ಕೋವಿಡ್ ನಿಯಮಗಳನ್ನು(ಮಾಸ್ಕ್ ಧರಿಸಿಲ್ಲ, ಸಾಮಾಜಿಕ ಅಂತರವಿಲ್ಲ) ಪಾಲಿಸಿಲ್ಲ. ಸಾಮಾನ್ಯವಾಗಿ ಜನರು ಟಿಕ್ಟಾಕ್ ರೀತಿಯ ಆ್ಯಪ್ಗಳಿಗೆ ಅಪ್ಲೋಡ್ ಮಾಡಲು ಇಂಥ ವಿಡಿಯೋಗಳನ್ನು ಮಾಡುತ್ತಾರೆ. ಆದರೆ, ಅಪಾಯದ ಬಗ್ಗೆ ಗಮನಹರಿಸುವುದಿಲ್ಲ ಎಂದು ಪೊಲೀಸರು ತಿಳಿಸಿದ್ದಾರೆ.
ಇದಕ್ಕೂ ಮುಂಚೆಯೇ ಪೊಲೀಸರು, ಇಂಥ ವಿಡಿಯೋಗಳನ್ನು ಮಾಡುವವರ ಮೇಲೆ ಕ್ರಮ ಕೈಗೊಳ್ಳುತ್ತಿದ್ರು. ಆದರೂ, ಜನತೆ ಎಚ್ಚೆತ್ತುಕೊಂಡಿರಲಿಲ್ಲ. ಮನೋರಂಜನೆಗಾಗಿ ಯುವಕರು ಟ್ರಾಫಿಕ್, ಕೋವಿಡ್ ನಿಯಮಗಳನ್ನು ಉಲ್ಲಂಘಿಸಿದ್ದಾರೆ.
