ಸಾರ್ವಜನಿಕ ವಲಯದ ಆಸ್ತಿಗೆ ರಕ್ಷಣೆ ನೀಡುವ CISF ಸಂಸ್ಥಾಪನಾ ದಿನ

ಸಾರ್ವಜನಿಕ ವಲಯದ ಪ್ರಮುಖ ಸಂಸ್ಥೆಗಳಿಗೆ ಭದ್ರತೆ ಒದಗಿಸುವ ಸಲುವಾಗಿ ಮಾರ್ಚ್ 10, 1969ರಲ್ಲಿ ಅಸ್ತಿತ್ವಕ್ಕೆ ಬಂದ ಕೇಂದ್ರ ಕೈಗಾರಿಕಾ ಭದ್ರತಾ ಪಡೆ (ಸಿಐಎಸ್ಎಫ್) ಇಂದಿಗೆ 51 ವರ್ಷಗಳನ್ನು ಯಶಸ್ವಿಯಾಗಿ ಪೂರೈಸಿದೆ. 5 ದಶಕದ ಅವಧಿಯಲ್ಲಿ ಈ ವಿಶೇಷ ಪಡೆ ದೇಶದ ಅಮೂಲ್ಯ ಆಸ್ತಿಗಳನ್ನು ಸಂರಕ್ಷಿಸುವಲ್ಲಿ ತನ್ನನ್ನು ತಾನು ಸಂಪೂರ್ಣವಾಗಿ ತೊಡಗಿಸಿಕೊಂಡಿದೆ.

ಪರಿಚಯ : ರಾಂಚಿಯ ಹೆಚ್‌ಇಸಿಯಲ್ಲಿ ಸಂಭವಿಸಿದ ಪ್ರಮುಖ ಬೆಂಕಿ ಅವಘಡದ ನಂತರ 1969 ರಲ್ಲಿ ಕೇಂದ್ರ ಕೈಗಾರಿಕಾ ಭದ್ರತಾ ಪಡೆ ಅಸ್ತಿತ್ವಕ್ಕೆ ಬಂತು. ಕಳೆದ 50 ವರ್ಷಗಳಲ್ಲಿ ಈ ಪಡೆಯು ಅನೇಕ ಏರಿಳಿತಗಳನ್ನು ಕಂಡಿದೆ. ಸಾರ್ವಜನಿಕ ವಲಯದ ಸಂಸ್ಥೆಗಳ ನೌಕರರಿಗೆ ರಕ್ಷಣೆ ಮತ್ತು ಸುರಕ್ಷತೆ ನೀಡುವುದು ಮತ್ತು ಆಸ್ತಿಯನ್ನು ಸಂರಕ್ಷಿಸುವ ಸಲುವಾಗಿ ಈ ಪಡೆಯನ್ನು ಸ್ಥಾಪಿಸಲಾಗಿದೆ.

ಭದ್ರತೆಯ ಕ್ರಿಯಾತ್ಮಕ ಸ್ವರೂಪದ ಬದಲಾಗುತ್ತಿರುವ ಬೇಡಿಕೆಗಳಿಗೆ ಅನುಗುಣವಾಗಿ, ಈ ಪಡೆಯು ಕೈಗಾರಿಕಾ ಭದ್ರತಾ ಶಕ್ತಿಯಾಗಿರುವುದರಿಂದ ಬಹು-ಪ್ರತಿಭಾನ್ವಿತ, ಬಹು-ಕಾರ್ಯ ಮತ್ತು ಬಹುಮುಖಿ ಶಕ್ತಿಯಾಗಿ ರೂಪಾಂತರಗೊಂಡಿದೆ ಮತ್ತು ವೃತ್ತಿಪರ ಸೇವೆಗಳ ಸ್ವರೂಪವನ್ನು ವಿಕಸನಗೊಳಿಸಿದೆ. ನವೀಕರಿಣಗೊಂಡು ಭವಿಷ್ಯದಲ್ಲಿ ಹೊಸ ಸವಾಲುಗಳನ್ನು ಎದುರಿಸಲು ಸಿದ್ಧವಾಗಿದೆ.

ನೀತಿಗಳು:

ದೃಷ್ಟಿಕೋನ - ಆಂತರಿಕ ಭದ್ರತೆಯನ್ನು ಎತ್ತಿಹಿಡಿಯುವ ಮತ್ತು ರಾಷ್ಟ್ರದ ನಿರ್ಣಾಯಕ ಮೂಲಸೌಕರ್ಯ ಮತ್ತು ಸ್ವತ್ತುಗಳನ್ನು ಭದ್ರಪಡಿಸುವ ಪ್ರಧಾನ ಬಹುಮುಖಿ ಶಕ್ತಿಯಾಗಿರುವುದು.

ಕಾರ್ಯ - ಸಂಪನ್ಮೂಲಗಳ ಅತ್ಯುತ್ತಮ ಬಳಕೆ, ಕೌಶಲ್ಯಗಳನ್ನು ನಿರಂತರವಾಗಿ ನವೀಕರಿಸುವುದು ಮತ್ತು ಪ್ರಮುಖ ಸಾಮರ್ಥ್ಯಗಳನ್ನು ಅಭಿವೃದ್ಧಿಪಡಿಸುವುದು. ಅತ್ಯಾಧುನಿಕ ತಂತ್ರಜ್ಞಾನಗಳನ್ನು ಅಳವಡಿಸಿಕೊಳ್ಳುವುದು ಮತ್ತು ಸಮಗ್ರ ಭದ್ರತಾ ಪರಿಹಾರಗಳನ್ನು ಒದಗಿಸುವ ಮೂಲಕ ಸಂಸ್ಥೆಯ ಉದ್ದೇಶವನ್ನು ಕಡಿಮೆ ವೆಚ್ಚದಲ್ಲಿ ನಿರ್ವಹಿಸುವುದು.

ಧ್ಯೇಯವಾಕ್ಯ - ರಕ್ಷಣೆ ಮತ್ತು ಭದ್ರತೆ

ಇಥೋಸ್ - ಇಥೋಸ್​ ಮುಖ್ಯವಾಗಿ ವ್ಯಕ್ತಿ, ಗುಂಪು, ಸಂಘಟನೆಯ ಮಾರ್ಗದರ್ಶನ ನಂಬಿಕೆಗಳನ್ನು ಸೂಚಿಸುತ್ತದೆ. ಉದಾ: ರಾಷ್ಟ್ರಕ್ಕೆ ಸೇವೆ, ತಾರತಮ್ಯರಹಿತವಾಗಿರುವುದು ಇತ್ಯಾದಿ. ಇಥೋಸ್ “ಜೀವನ ಮಾರ್ಗ” ವನ್ನು ವ್ಯಾಖ್ಯಾನಿಸುತ್ತದೆ. ಇದು ಜನರ ಗುಂಪಿನ ಜೀವಂತ ಮನೋಭಾವ.

ನೈತಿಕತೆ - ಎತಿಕ್ಸ್ ಅಥವಾ ನೈತಿಕತೆ ಎಂಬ ಪದವು ಗ್ರೀಕ್ ಪದ “ಇಥೋಸ್” ನಿಂದ ಬಂದಿದೆ. ಇದು ಒಂದು ಗುಂಪು, ಸಮುದಾಯ ಅಥವಾ ಜನರನ್ನು ವ್ಯಾಪಿಸಿರುವ ಪಾತ್ರ, ಮಾರ್ಗದರ್ಶನ ನಂಬಿಕೆಗಳು, ಮಾನದಂಡಗಳು ಅಥವಾ ಆದರ್ಶಗಳನ್ನು ಸೂಚಿಸುತ್ತದೆ. ಸರಳ ಪದಗಳಲ್ಲಿ ನೈತಿಕತೆಯು ಮಾನದಂಡಗಳ ಒಂದು ಗುಂಪು ಅಥವಾ ಒಂದು ಕೋಡ್ ಅಥವಾ ಮೌಲ್ಯ ವ್ಯವಸ್ಥೆ. ಇದರ ಮೂಲಕ ಮಾನವ ಕ್ರಿಯೆಗಳನ್ನು ಸರಿ ಅಥವಾ ತಪ್ಪು, ಒಳ್ಳೆಯದು ಅಥವಾ ಕೆಟ್ಟದು ಎಂದು ನಿರ್ಧರಿಸಲಾಗುತ್ತದೆ.