ಬಿಎಸ್​​​ಎಫ್​​​ ಡಿಜಿ ಆಗಿ ರಾಕೇಶ್​ ಅಸ್ತಾನ ನೇಮಕ

ಸಿಬಿಐನ ವಿಶೇಷ ನಿರ್ದೇಶರಾಗಿದ್ದ ಐಪಿಎಸ್ ಅಧಿಕಾರಿ ರಾಕೇಶ್ ಅಸ್ತಾನಾ ಅವರನ್ನು ಗಡಿ ಭದ್ರತಾ ಪಡೆ ಮುಖ್ಯಸ್ಥರಾಗಿ ನೇಮಕ ಮಾಡಲಾಗಿದೆ. ಸಿಬಿಐ ಮಾಜಿ ನಿರ್ದೇಶಕ ಅಲೋಕ್​ ವರ್ಮಾ ಮತ್ತು ರಾಕೇಶ್​ ಅಸ್ತಾನ ನಡುವಣ ಜಗಳ ಸುಪ್ರೀಂಕೋರ್ಟ್​ ಮೆಟ್ಟಿಲೇರಿ ಭಾರಿ ವಿವಾದಕ್ಕೀಡಾಗಿತ್ತು.

ನವದೆಹಲಿ: ಸಿಬಿಐನ ಮಾಜಿ ವಿಶೇಷ ನಿರ್ದೇಶಕ ರಾಕೇಶ್ ಅಸ್ತಾನಾ ಅವರನ್ನು ಗಡಿ ಭದ್ರತಾ ಪಡೆ (ಬಿಎಸ್‌ಎಫ್) ಮಹಾನಿರ್ದೇಶಕರಾಗಿ ನೇಮಕ ಮಾಡಲಾಗಿದೆ.

ಈಗಾಗಲೇ ಬ್ಯೂರೋ ಆಫ್ ಸಿವಿಲ್ ಏವಿಯೇಷನ್ ಸೆಕ್ಯುರಿಟಿ (ಬಿಎಸ್ಎಎಸ್) ನ ಉನ್ನತ ಹುದ್ದೆಯಲ್ಲಿ ಕಾರ್ಯ ನಿರ್ವಹಿಸುತ್ತಿರುವ ಅಸ್ತಾನ, ಗುಜರಾತ್ ಕೇಡರ್​​​ನ 1984ನೇ ಬ್ಯಾಚ್​​​​ನ ಐಪಿಎಸ್ ಅಧಿಕಾರಿಯಾಗಿದ್ದಾರೆ.

ನಾರ್ಕೋಟಿಕ್ಸ್ ಕಂಟ್ರೋಲ್ ಬ್ಯೂರೋ (ಎನ್‌ಸಿಬಿ) ಮಹಾನಿರ್ದೇಶಕರಾಗಿಯೂ (ಡಿಜಿ)ಅಸ್ತಾನ ಹೆಚ್ಚುವರಿ ಉಸ್ತುವಾರಿ ವಹಿಸಲಿದ್ದಾರೆ. ಮಾರ್ಚ್ 11 ರಿಂದ ಬಿಎಸ್ಎಫ್ ಡಿಜಿ ಆಗಿ ಹೆಚ್ಚುವರಿ ಜವಾಬ್ದಾರಿ ನಿರ್ವಹಿಸುತ್ತಿದ್ದ ಎಸ್.ಎಸ್. ದೇಸ್ವಾಲ್ ಅವರ ಸ್ಥಾನವನ್ನ ಅಸ್ತಾನ ತುಂಬಲಿದ್ದಾರೆ.