ನವದೆಹಲಿ: ಸತತ 16ನೇ ದಿನವೂ ತೈಲಬೆಲೆಯಲ್ಲಿ ಏರಿಕೆಯಾಗಿದೆ. ಸರ್ಕಾರಿ ತೈಲ ಮಾರುಕಟ್ಟೆ ಕಂಪನಿಗಳು ಪೆಟ್ರೋಲ್ನ ಬೆಲೆಯಲ್ಲಿ 33 ಪೈಸೆ ಹಾಗೂ ಡೀಸೆಲ್ನ ಬೆಲೆಯಲ್ಲಿ 58 ಪೈಸೆಯನ್ನು ಹೆಚ್ಚಿಸಿವೆ.
ಇದರಿಂದಾಗಿ ಡೀಸೆಲ್ನ ಬೆಲೆ 16 ದಿನಗಳಲ್ಲಿ ಡೀಸೆಲ್ನ ಬೆಲೆ 9 ರೂಪಾಯಿ 46ಪೈಸೆಯಷ್ಟು ಹೆಚ್ಚಳ ಕಂಡಿದೆ. ಪೆಟ್ರೋಲ್ನ ಬೆಲೆ 8 ರೂಪಾಯಿ 30 ಪೈಸೆಯಷ್ಟು ಹೆಚ್ಚಳವಾಗಿದೆ. ಇದು ವಾಹನ ಸವಾರಿಗೆ ತಲೆಬಿಸಿಯಾಗಿದ್ದು, ಕೇಂದ್ರ ಸರ್ಕಾರದ ವಿರುದ್ಧ ಆಕ್ರೋಶ ವ್ಯಕ್ತಪಡಿಸುತ್ತಿದ್ದಾರೆ.
ಸದ್ಯಕ್ಕೆ ಪೆಟ್ರೋಲ್ನ ಬೆಲೆ ದೆಹಲಿಯಲ್ಲಿ ಲೀಟರ್ಗೆ 79.56 ರೂಪಾಯಿ ಹಾಗೂ ಡೀಸೆಲ್ಗೆ 78.85 ರೂಪಾಯಿಯಷ್ಟಿದೆ. ಮುಂದಿನ ದಿನಗಳಲ್ಲೂ ಕೂಡಾ ಇಂಧನ ಬೆಲೆ ಏರುಗತಿಯಲ್ಲಿ ಸಾಗುವ ಎಲ್ಲಾ ಲಕ್ಷಣಗಳು ಕಂಡುಬಂದಿವೆ.
ಭಾನುವಾರವಷ್ಟೇ ಪೆಟ್ರೋಲ್‌ಗೆ 79.23 ರೂಪಾಯಿ, ಡೀಸೆಲ್ನ ಬೆಲೆ 78.27 ರೂಪಾಯಿಗಳಷ್ಟಿತ್ತು.
