ಬೆಹರಾಂಪುರ (ಒಡಿಶಾ): ತಮ್ಮ ಗ್ರಾಮದ ಕ್ವಾರಂಟೈನ್ ಕೇಂದ್ರಕ್ಕೆ ಸೇರಿಸಿಕೊಳ್ಳದ ಕಾರಣದಿಂದ ವ್ಯಕ್ತಿಯೋರ್ವ ಎರಡು ದಿನಗಳ ಕಾಲ ಕಾಡಿನಲ್ಲಿ ಕಳೆದ ಘಟನೆ ಒಡಿಶಾದ ಬೆಹರಾಂಪುರ ಜಿಲ್ಲೆಯ ಗ್ರಾಮವೊಂದರಲ್ಲಿ ನಡೆದಿದೆ.
ಕಾಡಿನ ಕ್ವಾರಂಟೈನ್
ಬರಿಕ್ ನಾಯಕ್ ಎಂಬಾತ ಚೆನ್ನೈನಿಂದ ವಾಪಸ್ಸಾಗಿದ್ದು, ಆತನನ್ನು ಗ್ರಾಮದ ಕ್ವಾರಂಟೈನ್ ಕೇಂದ್ರಕ್ಕೆ ಸೇರಿಸಿಕೊಳ್ಳಲು ಜನರು ವಿರೋಧ ವ್ಯಕ್ತಪಡಿಸಿದ್ದರು. ಇದರಿಂದಾಗಿ ಆತ ಸ್ಥಳೀಯ ಪೊಲೀಸರು ಹಾಗೂ ಬ್ಲಾಕ್ ಅಧಿಕಾರಿಗಳ ಮೊರೆ ಹೋಗಿದ್ದನು. ತದನಂತರ ಅವನು ಕಾಡಿಗೆ ತೆರಳಿದ್ದಾನೆ ಎಂದು ಸ್ಥಳೀಯರು ಮಾಹಿತಿ ನೀಡಿದ್ದಾರೆ.
ಕಾಡಿನಲ್ಲೇ ಎರಡು ದಿನ ಕಳೆದಿದ್ದ ಈತ, ತೀವ್ರ ಅಸ್ವಸ್ಥನಾಗಿದ್ದ, ಸದ್ಯಕ್ಕೆ ಆತನನ್ನು ಸ್ಥಳೀಯ ಕ್ವಾರಂಟೈನ್ ಕೇಂದ್ರಕ್ಕೆ ಕಳುಹಿಸಲಾಗಿದ್ದು, ಆರೈಕೆ ಮಾಡಲಾಗುತ್ತಿದೆ.
