ಮುಂಬೈ: ದೇಶಾದ್ಯಂತ ಈಗಾಗಲೇ ಜಿಯೋ ಫೈಬರ್ ಲಾಂಚ್ ಮಾಡಿರುವ ರಿಲಿಯನ್ಸ್ ಜಿಯೋ, ಹೆಚ್ಚು ಹೆಚ್ಚು ಗ್ರಾಹಕರನ್ನ ತನ್ನತ್ತ ಸೆಳೆಯಲು ಮುಂದಾಗಿದೆ. ಆದರೆ ಇದೀಗ ಹೊಸ ಚಂದಾದಾರರಿಗೆ ಮತ್ತೊಂದು ಬಂಪರ್ ಯೋಜನೆ ಘೋಷಣೆ ಮಾಡಿದೆ.
ಯಾವುದೇ ಕಂಡಿಷನ್ ಇಲ್ಲದೇ 30 ದಿನಗಳ ಕಾಲ ಅನಿಯಮಿತ 150 ಎಂಬಿಪಿಎಸ್ ಇಂಟರ್ನೆಟ್ ಹಾಗೂ 4,000 ಸೆಟ್ಆಪ್ ಬಾಕ್ಸ್ ನೀಡುವುದಾಗಿ ಘೋಷಣೆ ಮಾಡಿದೆ. ಪ್ರತಿಯೊಬ್ಬ ಭಾರತೀಯನ ಮನೆಗೆ ಈ ಕೊಡುಗೆ ನೀಡುವ ಉದ್ದೇಶದಿಂದ ಯೋಜನೆ ಜಾರಿಗೊಳಿಸುತ್ತಿರುವುದಾಗಿ ಜಿಯೋ ಹೇಳಿಕೊಂಡಿದೆ.
ಹೊಸ ಜಿಯೋ ಫೈಬರ್ ಯೋಜನೆ ಇಂತಿವೆ
- ಅನಿಯಮಿತ ಇಂಟರ್ನೆಟ್ ಸೇವೆ
- ಯೋಜನೆ ತಿಂಗಳಿಗೆ ಕೇವಲ 399 ರೂ. ಮಾತ್ರ
- ಯಾವುದೇ ಹೆಚ್ಚುವರಿ ಶುಲ್ಕವಿಲ್ಲದೇ ಟಾಪ್ 12 paid OTT ಅಪ್ಲಿಕೇಶನ್ ಚಂದಾದಾರಿಕೆ
- ಯಾವುದೇ ಷರತ್ತು ಇಲ್ಲದೇ 30 ದಿನ ಉಚಿತ ಪ್ರಯೋಗ
- 150 Mbps ಅನಿಯಮಿತ ಇಂಟರ್ನೆಟ್, ಡೌನ್ಲೋಡ್ & ಅಪ್ಲೋಡ್
- ಇಷ್ಟವಿಲ್ಲದೇ ಹೋದರೆ ಯಾವುದೇ ಷರತ್ತು ಇಲ್ಲದೇ ವಾಪಸ್
- ಹೊಸ ಗ್ರಾಹಕರಿಗೆ 30 ದಿನಗಳ ಕಾಲ ಉಚಿತ ಸೇವೆ
ಸೆಪ್ಟೆಂಬರ್ 1ರಿಂದ ಈ ಹೊಸ ಯೋಜನೆ ಜಾರಿಗೊಳ್ಳಲಿದ್ದು, ಈಗಾಗಲೇ ಜಿಯೋ ಫೈಬರ್ ಬಳಕೆ ಮಾಡುತ್ತಿರುವ ಗ್ರಾಹಕರಿಗೂ ಪರಿಷ್ಕೃತ ಯೋಜನೆ ಜಾರಿಗೊಳಿಸಿದೆ.
