ಮಾಲ್ಡೀವ್ಸ್: ಭಾರತವು ಮಾಲ್ಡೀವ್ಸ್ನ ಹುಲ್ಹುಮಾಲೆ ನಗರದಲ್ಲಿ 100 ಬೆಡ್ಗಳ ಕ್ಯಾನ್ಸರ್ ಆಸ್ಪತ್ರೆ ಮತ್ತು 22 ಸಾವಿರ ಸೀಟುಗಳ ಕ್ರಿಕೆಟ್ ಸ್ಟೇಡಿಯಂ ನಿರ್ಮಿಸಲಿದೆ. ಕಳೆದ ವರ್ಷ ಮಾಲ್ಡೀವ್ಸ್ಗೆ ವಿಸ್ತರಿಸಿದ 800 ಮಿಲಿಯನ್ ಯುಎಸ್ಡಿ ಸಾಲದ ಅಡಿಯಲ್ಲಿ ಭಾರತ ಈ ಕಾಮಗಾರಿಯನ್ನು ಹಮ್ಮಿಕೊಳ್ಳಲಿದೆ.
ಆರೋಗ್ಯ ಕ್ಷೇತ್ರದಲ್ಲಿ ದ್ವಿಪಕ್ಷೀಯ ಸಹಕಾರದ ಹಿನ್ನೆಲೆಯಲ್ಲಿ ಭಾರತದ ಕ್ಯಾನ್ಸರ್ ಆಸ್ಪತ್ರೆ ನಿರ್ಮಿಸುತ್ತಿದೆ. ಹಾಗೆಯೇ ಆಧುನಿಕ ತಂತ್ರಜ್ಞಾನ ಆಧಾರಿತ 22 ಸಾವಿರ ಸೀಟುಗಳ ಕ್ರಿಕೆಟ್ ಮೈದಾನವನ್ನ ಕೂಡ 800 ಮಿಲಿಯನ್ ಯುಎಸ್ಡಿ ಸಾಲದ ಯೋಜನೆ ಅಡಿ ನಿರ್ಮಿಸಲಿದೆ ಎಂದು ಭಾರತದ ರಾಯಭಾರ ಕಚೇರಿ ತಿಳಿಸಿದೆ.
ಇಲ್ಲಿನ ನಿವಾಸಿಗಳಿಗೆ ಮತ್ತು ಪ್ರವಾಸಿಗರಿಗೆ ಈ ಯೋಜನೆಗಳಿಂದ ಅನುಕೂಲವಾಗಲಿದೆ ಎಂದು ರಾಯಭಾರ ಕಚೇರಿ ತಿಳಿಸಿದೆ.
2019ರ ಮಾರ್ಚ್ನಲ್ಲಿ ಎಕ್ಸಿಮ್ ಬ್ಯಾಂಕ್, ಮಾಲ್ಡೀವ್ಸ್ಗೆ ಅಭಿವೃದ್ಧಿ ಯೋಜನೆಗಳಿಗಾಗಿ 800 ಮಿಲಿಯನ್ ಯುಎಸ್ಡಿ ಸಾಲ ನೀಡಿದೆ. ಇದರಲ್ಲಿ ಹಲವು ಯೋಜನೆಗಳು ಇವೆ.
