ಜೋಧಪುರ್/ರಾಜಸ್ಥಾನ : ಅರವಿಂದ್ ಕೇಜ್ರಿವಾಲ್ ದೆಹಲಿ ಮುಖ್ಯಮಂತ್ರಿಯಾಗಿ ಮೂರನೇ ಬಾರಿಗೆ ರಾಮ್ಲೀಲಾ ಮೈದಾನದಲ್ಲಿ ಪ್ರಮಾಣ ವಚನ ಸ್ವೀಕರಿಸಲಿದ್ದಾರೆ. ಇದರೊಂದಿಗೆ ಕೇಜ್ರಿವಾಲ್ ಅವರ ಜನಪ್ರಿಯತೆಯೂ ಹೆಚ್ಚುತ್ತಿದೆ. ಯಾವ ಮಟ್ಟಿಗೆ ಎಂದರೆ ಕೇಜ್ರಿವಾಲ್ ಅಭಿಮಾನಿಯೋರ್ವ ತನ್ನ ಮದುವೆ ಕಾರ್ಡ್‌ನಲ್ಲಿ'' ಐ ಲವ್ ಕೇಜ್ರಿವಾಲ್'' ಎಂದು ಪ್ರಿಂಟ್‌ ಹಾಕಿಸಿದ್ದಾನೆ.
ಜೋಧಪುರ್ದ ಬಾಲೇಸರ್ ನಿವಾಸಿಯಾದ ನೀಲೇಶ್ ಖಾಸಗಿ ಆಸ್ಪತ್ರೆಯೊಂದರಲ್ಲಿ ನರ್ಸ್ ಆಗಿದ್ದು, ಇದೇ 21 ರಂದು ಹಸೆಮಣೆ ಏರಲಿದ್ದಾರೆ. ಈ ಹಿನ್ನೆಲೆ ಕೇಜ್ರಿವಾಲ್ರ ದೊಡ್ಡ ಅಭಿಮಾನಿಯಾಗಿರುವ ನೀಲೇಶ್ ತನ್ನ ಲಗ್ನ ಪತ್ರಿಕೆಯಲ್ಲಿ ಐ ಲವ್ ಕೇಜ್ರಿವಾಲ್ ಎಂದು ಬರೆಸುವ ಮೂಲಕ ತಮ್ಮ ಅಭಿಮಾನ ಮೆರೆದಿದ್ದಾರೆ.
ಅಣ್ಣಾ ಹಜಾರೆ ನಡೆಸಿದ ಭ್ರಷ್ಟಾಚಾರ ವಿರೋಧಿ ಚಳವಳಿಯಲ್ಲಿ ಕೇಜ್ರಿವಾಲ್ ಪ್ರಮುಖ ಪಾತ್ರ ವಹಿಸಿದ್ದರು. ಮಾತ್ರವಲ್ಲದೇ ದೆಹಲಿಯಲ್ಲಿ ಎರಡನೇ ಬಾರಿಗೆ ಮುಖ್ಯಮಂತ್ರಿಯಾದ ನಂತರ, ಅವರು ಜನಸಾಮಾನ್ಯ ಜನರ ಯೋಗಕ್ಷೇಮಾಭಿವೃದ್ಧಿಗಾಗಿ ಮಾಡಿದ ಕೆಲಸಗಳು ಶ್ಲಾಘನೀಯ. ಹೀಗಾಗಿ ನಾನು ಅವರ ದೊಡ್ಡ ಫ್ಯಾನ್ ಆದೆ ಎಂದು ನೀಲೇಶ್ ತಿಳಿಸಿದ್ದಾರೆ.
ಈ ಬಾರಿಯ ಚುನಾವಣೆಯಲ್ಲಿ ಆಮ್ ಆದ್ಮಿ ಪಕ್ಷವು ಎಲ್ಲಾ 70 ಸ್ಥಾನಗಳನ್ನು ಗೆಲ್ಲಲು ಸಾಧ್ಯವಾಗಲಿಲ್ಲ ಎಂಬುದರ ಬಗ್ಗೆ ನನಗೆ ಬೇಸರವಿದೆ ಎಂದು ನೀಲೇಶ್ ಹೇಳಿದ್ದಾರೆ. ಅಲ್ಲದೇ ನೀಲೇಶ್ ಕೇಜ್ರಿವಾಲ್ ಅವರನ್ನು ದೇಶದ ಭವಿಷ್ಯದ ಪ್ರಧಾನಿ ಎಂದು ಪರಿಗಣಿಸುತ್ತಾರೆ. ಆದರೆ ಇದುವರೆಗೂ ಕೇಜ್ರಿವಾಲ್ ಅವರನ್ನು ಭೇಟಿ ಮಾಡದ ನೀಲೇಶ್, ಹೋಳಿ ಹಬ್ಬದ ನಂತರ ದೆಹಲಿಗೆ ಹೋಗಿ ಕೇಜ್ರಿವಾಲ್ ಭೇಟಿ ಮಾಡಲಿದ್ದೇನೆ ಎಂದು ತಿಳಿಸಿದ್ರು. ಇನ್ನು ನೀಲೇಶ್ ಅವರ ಸ್ನೇಹಿತರು ನೀಲೇಶ್ಗೆ ಕೇಜ್ರಿವಾಲ್ ಎಂದು ಅಡ್ಡ ಹೆಸರು ಇಟ್ಟಿದ್ದಾರಂತೆ.
