ತ್ರಿಶೂರ್ (ಕೇರಳ) : ಗುರುವಾಯೂರು ವೆಸ್ಟ್ ನಾಡಾ ಲಾಡ್ಜ್ನಲ್ಲಿ ವಾಸಿಸುವ ಎಂಟು ಮಲೇಷಿಯನ್ನರನ್ನು ಕೋವಿಡ್ - 19 ರೋಗಲಕ್ಷಣಗಳಿಂದಾಗಿ ತಪಾಸಣೆಗೆ ಒಳಪಡಿಸಲಾಗಿದೆ.
ಕಳೆದ ರಾತ್ರಿ ನೆಡುಂಬಸ್ಸೆರಿಗೆ ವಿಮಾನದ ಮೂಲಕ ಪ್ರಯಾಣ ಬೆಳೆಸಿ ಚೊಟ್ಟಾನಿಕರ ದೇವಸ್ಥಾನವನ್ನು ತಲುಪಿದ್ದರು. ದಾರಿ ಮಧ್ಯೆ ಎರ್ನಾಕುಲಂನಲ್ಲಿ ಉಳಿದುಕೊಂಡಿದ್ದರು. ಬಳಿಕ ಅವರು ಗುರುವಾಯೂರ್ ದೇವಸ್ಥಾನಕ್ಕೆ ಹೋಗಿ ಹತ್ತಿರದ ಲಾಡ್ಜ್ನಲ್ಲಿ ವಾಸ್ತವ್ಯ ಹೂಡಿದ್ದರು.
ಕೋವಿಡ್ 19 ರ ಹಿನ್ನೆಲೆ ಡಿಎಂಒ ನಿರ್ದೇಶನದ ಮೇರೆಗೆ ಪುರಸಭೆಯ ಆರೋಗ್ಯ ಇಲಾಖೆಯು ಆರು ಮಹಿಳೆಯರು ಮತ್ತು ಇಬ್ಬರು ಪುರುಷರನ್ನು ಕೊರೊನಾ ತಪಾಸಣೆಗೆ ಒಳಪಡಿಸಿದ್ದು, ನಿಗಾವಹಿಸಿದೆ. ಗುರುವಾಯೂರ್‌ಗೆ ಆಗಮಿಸಿದ 20 ವಿದೇಶಿಯರನ್ನು ಆರೋಗ್ಯ ಇಲಾಖೆ ಗಮನದಲ್ಲಿರಿಸಿದೆ.
