ನವದೆಹಲಿ : ಭಾನುವಾರ ಬೆಳಗ್ಗೆ ಚಮೋಲಿ ಜಿಲ್ಲೆಯಲ್ಲಿ ಸಂಭವಿಸಿದ ಭೀಕರ ಪ್ರವಾಹಕ್ಕೆ ಕಾರಣವೇನು ಎಂಬುದು ಸ್ಪಷ್ಟವಾಗಿ ತಿಳಿದಿಲ್ಲವಾದ್ರೂ ಚಳಿಗಾಲದ ಸಮಯದಲ್ಲಿ ಕಡಿಮೆ ತಾಪಮಾನವಿದ್ರೂ ನಂದಾ ದೇವಿ ಹಿಮನದಿಗೆ ಹಿಮವು ಹೇಗೆ ಜಾರಿಬಿದ್ದಿರಬಹುದು ಎಂಬುದೇ ಇದೀಗ ದೊಡ್ಡ ಪ್ರಶ್ನೆಯಾಗಿದೆ.
ಚಮೋಲಿಯಲ್ಲಿ ನಡೆದ ಹಿಮ ಪ್ರವಾಹಕ್ಕೆ ಹಲವಾರು ಕಾರಣಗಳನ್ನು ಇದೀಗ ಹೇಳಲಾಗುತ್ತಿದೆ. ಅದರಲ್ಲಿ ಒಂದು 1965ರಲ್ಲಿ ನಂದಾ ದೇವಿ ಹಿಮನದಿಯ ಮೇಲೆ ಪರಮಾಣು ಸಾಧನವನ್ನು ಸಿಐಎ-ಇಂಟೆಲಿಜೆನ್ಸ್ ಬ್ಯೂರೋ (ಐಬಿ)-ಸ್ಪೆಷಲ್ ಫ್ರಾಂಟಿಯರ್ ಫೋರ್ಸ್ (ಎಸ್‌ಎಫ್‌ಎಫ್) ತಂಡದ ಭಾಗವಾಗಿದ್ದ ಪರ್ವತಾರೋಹಿ ಕ್ಯಾಪ್ಟನ್ ಎಂ ಎಸ್ ಕೊಹ್ಲಿ ನೆಟಲು ಮುಂದಾಗಿದ್ದರು. ಇದು ಕೂಡ ಈ ಅವಘಡಕ್ಕೆ ಕಾರಣ ಎಂದು ಹೇಳಲಾಗ್ತಿದೆ.
100 ವರ್ಷಗಳ ಜೀವಿತಾವಧಿಯನ್ನು ಕಳೆದುಕೊಂಡ ಕಳೆದುಹೋದ ಪರಮಾಣು ಸಾಧನವು ಘಟನೆಗೆ ಕಾರಣವಾಗಬಹುದು. ಇದನ್ನು ನಾವು ತಳ್ಳಿಹಾಕಲು ಸಾಧ್ಯವಿಲ್ಲ. ಪರಮಾಣು ಶಕ್ತಿ ಇನ್ನೂ ಇರುವುದರಿಂದ ಸಾಧನವು ಬಂಡೆಯ ಕೆಳಭಾಗವನ್ನು ಒಡೆಯುವ ಸಾಧ್ಯತೆ ಅನ್ವೇಷಿಸಲು ಹಿರಿಯ ವಿಜ್ಞಾನಿಗಳ ಸಮಿತಿಯನ್ನು ಸರ್ಕಾರ ವೇಗವಾಗಿ ನೇಮಿಸಬೇಕು. ಆಧುನಿಕ ಮೆಟಲ್ ಡಿಟೆಕ್ಟಿಂಗ್ ಉಪಕರಣಗಳೊಂದಿಗೆ ಹುಡುಕಾಟವನ್ನು ಸಹ ಮಾಡಬೇಕು ”ಎಂದು 89 ವರ್ಷದ ಕ್ಯಾಪ್ಟನ್ ಕೊಹ್ಲಿ ಫೋನ್‌ನಲ್ಲಿ ಈಟಿವಿ ಭಾರತಕ್ಕೆ ತಿಳಿಸಿದ್ದಾರೆ.
1964ರಲ್ಲಿ ಚೀನಾ ಪಶ್ಚಿಮ ಪ್ರಾಂತ್ಯದ ಕ್ಸಿನ್‌ಜಿಯಾಂಗ್‌ನಲ್ಲಿ ಪರಮಾಣು ಬಾಂಬ್ನ ಪರೀಕ್ಷಿಸಿತು. ಇದು ಪಾಶ್ಚಿಮಾತ್ಯ ಜಗತ್ತನ್ನು ಆಶ್ಚರ್ಯಚಕಿತಗೊಳಿಸಿತ್ತು. ಯಾಕೆಂದರೆ, ಚೀನಾ ಇನ್ನೂ ಆ ಮಟ್ಟದ ಪರಮಾಣು ತಾಂತ್ರಿಕ ಪರಿಣತಿ ಸಾಧಿಸಿರಲಿಲ್ಲ.
ಓದಿ: ಉತ್ತರಾಖಂಡ ಹಿಮ ದುರಂತ: ಸಾವಿನ ಸಂಖ್ಯೆ 29ಕ್ಕೆ ಏರಿಕೆ
ಚೀನಾ ಇನ್ನೂ ಪರಮಾಣು ಪರೀಕ್ಷೆ ನಡೆಸುತ್ತಿದೆಯೇ ಎಂಬುದನ್ನು ಖಚಿತಪಡಿಸಿಕೊಳ್ಳಲು ನಂದಾ ದೇವಿ ಶಿಖರದ ಬಳಿ ಇರುವ ಸಾಧನಗಳನ್ನು ಹುಡುಕಲು ಸಿಐಎ ಮುಂದಾಗಿದೆ. ಈ ಪ್ರಯತ್ನವನ್ನು ವಿಸ್ತಾರವಾಗಿ ಹೇಳುತ್ತಾ, ಕ್ಯಾಪ್ಟನ್ ಕೊಹ್ಲಿ ಹೀಗೆ ಹೇಳುತ್ತಾರೆ.
“1965ರಲ್ಲಿ ನಂದಾ ದೇವಿ ಶಿಖರದ ಬಳಿ 25,000 ಅಡಿಗಳವರೆಗೆ ಸಾಧನವನ್ನು ತೆಗೆದುಕೊಂಡು ಹೋಗುವಾಗ, ಹವಾಮಾನವು ಹದಗೆಟ್ಟಿತು ಮತ್ತು ಹಿಮಪಾತವಿತ್ತು. ಸಾಧನವನ್ನು ಕೆಳಕ್ಕೆ ಇಳಿಸಲು ಸಾಧ್ಯವಾಗದ ಕಾರಣ, ಸಾಧನವನ್ನು ಅಲ್ಲಿಯೇ ಬಿಟ್ಟ ನಂತರ ನಾವು ಕೆಳಗೆ ಇಳಿಯಲು ನಿರ್ಧರಿಸಿದೆವು” ಎಂದರು.
“ಹಿಮದಲ್ಲಿ ರಂಧ್ರವನ್ನು ಅಗೆದು ಸಾಧನವನ್ನು ಅಲ್ಲಿ ಇಡಲಾಯಿತು. ನಾವು ಮತ್ತೆ ಹಿಂತಿರುಗಿ ನಂದಾ ದೇವಿ ಶಿಖರಕ್ಕೆ ಕೊಂಡೊಯ್ಯುತ್ತೇವೆ ಎಂದು ಭಾವಿಸಿದೆವು. 1966ರಲ್ಲಿ ನಾವು ಕ್ಯಾಂಪ್-4 ಬಳಿಯ ಅದೇ ಸ್ಥಳಕ್ಕೆ ಹೋದೆವು. ಆದರೆ, ಜನರೇಟರ್ ಕಾಣೆಯಾಗಿದೆ. ಆಂಟೆನಾಗಳು ಮತ್ತು ಇತರ ಭಾಗಗಳು ಇದ್ದವು.
ಮುಖ್ಯ ವಿಷಯ-ಪರಮಾಣು ಚಾಲಿತ ಜನರೇಟರ್ ಕಾಣೆಯಾಗಿದೆ. ಜನರೇಟರ್ ಏಳು ಪರಮಾಣು ಚಾಲಿತ ಕ್ಯಾಪ್ಸುಲ್ಗಳನ್ನು ಹಿರೋಷಿಮಾದ ಮೇಲೆ ಸ್ಫೋಟಿಸಿದ ಪರಮಾಣು ಬಾಂಬ್ನ ಅರ್ಧದಷ್ಟು ಶಕ್ತಿ ಹೊಂದಿದ್ದರಿಂದ ಆತಂಕ ಉಂಟಾಯಿತು.”
"ನಾವು ಸಾಧನವನ್ನು ಕಂಡುಹಿಡಿಯಲು ಮೂರು ವರ್ಷಗಳ ಕಾಲ ತುಂಬಾ ಶ್ರಮಿಸಿದ್ದೇವೆ ಆದರೆ ವ್ಯರ್ಥವಾಯಿತು. ಕೆಲವು ವರ್ಷಗಳ ನಂತರ, ನನ್ನನ್ನು ಬಾಂಬೆಯಲ್ಲಿರುವ ಪರಮಾಣು ಶಕ್ತಿ ಆಯೋಗದ (ಎಇಸಿ) ಮುಖ್ಯಸ್ಥರು ಕರೆದರು.
ಏಳು ಕ್ಯಾಪ್ಸುಲ್ಗಳೊಂದಿಗಿನ ಜನರೇಟರ್ ಸಾಕಷ್ಟು ಬಿಸಿಯಾಗಿರುತ್ತದೆ ಮತ್ತು ಸುಮಾರು 30 ಮೀಟರ್ ಹಿಮವನ್ನು ಕರಗಿಸಿದ ನಂತರ ಹಿಮನದಿಯೊಳಗೆ ಅಗೆದಿರಬಹುದು ಮತ್ತು ಬಂಡೆಯ ಕೆಳಭಾಗವನ್ನು ಹೊಡೆದಿರಬಹುದು ಎಂದು ನಾನು ಅವನಿಗೆ ಹೇಳಿದೆ.
ಸಾಧನವನ್ನು ಮರುಪಡೆಯುವ ಸಾಧ್ಯತೆಯಿಲ್ಲ ಎಂದು ನಾವು ಒಪ್ಪಿದ್ದೇವೆ. ಏನೂ ಆಗುವುದಿಲ್ಲ ಎಂದು ನಾವು ಭಾವಿಸಿದ್ದೇವೆ ”ಎಂದು ಕ್ಯಾಪ್ಟನ್ ಕೊಹ್ಲಿ ಹೇಳಿದರು.
