ರೈತ ಹೋರಾಟ ಬೆಂಬಲಿಸಿ ಟ್ವೀಟ್​ : ಗ್ರೇಟಾ ​ವಿರುದ್ಧ ಎಫ್​ಐಆರ್​ ದಾಖಲು, ರೈತರ ಹೋರಾಟಕ್ಕೆ ನನ್ನ ಬೆಂಬಲ ಎಂದ ಥನ್ಬರ್ಗ್

ಭಾರತದಲ್ಲಿ ನಡೆಯುತ್ತಿರುವ ರೈತ ಚಳವಳಿಯನ್ನು ಬೆಂಬಲಿಸಿ ಟ್ವೀಟ್ ಮಾಡಿದ್ದ ಸ್ವೀಡನ್ ಪರಿಸರ ಕಾರ್ಯಕರ್ತೆ ಗ್ರೇಟಾ ಥನ್ಬರ್ಗ್​ ವಿರುದ್ಧ ದೆಹಲಿ ಪೊಲೀಸರು ಎಫ್​ಐಆರ್ ದಾಖಲಿಸಿದ್ದಾರೆ.​

ನವದೆಹಲಿ : ರೈತ ಚಳವಳಿಯ ಬಗ್ಗೆ ಟ್ವೀಟ್ ಮಾಡಿದಕ್ಕಾಗಿ ಪರಿಸರ ಕಾರ್ಯಕರ್ತೆ ಗ್ರೇಟಾ ಥನ್ಬರ್ಗ್ ವಿರುದ್ಧ ದೆಹಲಿ ಪೊಲೀಸರು ಎಫ್​ಐಆರ್ ದಾಖಲಿಸಿದ್ದಾರೆ.

ಪರಿಸರ ಹೋರಾಟದ ಮೂಲಕ ಗ್ರೇಟಾ ಥನ್ಬರ್ಗ್​ ಸಣ್ಣ ವಯಸ್ಸಿನಲ್ಲೇ ಪ್ರಖ್ಯಾತಿ ಗಳಿಸಿದವರು. ಜನವರಿ 3, 2003 ರಂದು ಸ್ವೀಡನ್​ನಲ್ಲಿ ಜನಿಸಿದ ಗ್ರೇಟಾ, ಈಗಾಗಲೇ ವಿಶ್ವ ಸಂಸ್ಥೆ ಸೇರಿದಂತೆ ಹಲವು ದೊಡ್ಡ ದೊಡ್ಡ ಜಾಗತಿಕ ವೇದಿಕೆಗಳಲ್ಲಿ ಭಾಷಣ ಮಾಡಿದ್ದಾರೆ. ಸಾಮಾಜಿಕ ಮಾಧ್ಯಮಗಳಲ್ಲೂ ಸಕ್ರಿಯರಾಗಿರುವ ಗ್ರೇಟಾ, ಈ ಹಿಂದೆ ಹಲವು ದೇಶಗಳ ಹೋರಾಟಗಳನ್ನು ಬೆಂಬಲಿಸಿ ಟ್ವೀಟ್ ಮಾಡಿದ್ದಾರೆ. ಈ ಹಿಂದೆ ಜಾಗತಿಕ ತಾಪಮಾನದ ಬಗ್ಗೆ ಗ್ರೇಟಾ ಮಾಡಿದ ಭಾಷಣ ಜಾಗತಿಕ ನಾಯಕ ಗಮನ ಸೆಳೆದಿತ್ತು. ವಿಶ್ವ ಸಂಸ್ಥೆ ಈ ನಿಟ್ಟಿನಲ್ಲಿ ಕೆಲವೊಂದು ನಿರ್ಣಯಗಳನ್ನು ತೆಗೆದುಕೊಂಡಿದೆ.

ಭಾರತದಲ್ಲಿ ನಡೆಯುತ್ತಿರುವ ರೈತ ಚಳವಳಿಯನ್ನು ಬೆಂಬಲಿಸಿ, ಕಳೆದ ಬುಧವಾರ ಗ್ರೇಟಾ ಟ್ವೀಟ್​ ಮಾಡಿದ್ದರು. ಇದಕ್ಕೆ , ದೇಶ ವಿದೇಶಗಳಿಂದ ಬಹುದೊಡ್ಡ ಪರ-ವಿರೋಧ ಪ್ರತಿಕ್ರಿಯೆಗಳು ವ್ಯಕ್ತವಾಗಿದ್ದವು. ಈ ಟ್ವೀಟ್​ಗೆ ಸಂಬಂಧಪಟ್ಟಂತೆ ದೆಹಲಿ ಪೊಲೀಸರು ಗ್ರೇಟಾ ವಿರುದ್ಧ ಎಫ್​ಐಆರ್​ ದಾಖಲಿಸಿದ್ದಾರೆ.

• I still #StandWithFarmers and support their peaceful protest.
  No amount of hate, threats or violations of human rights will ever change that. #FarmersProtest

  — Greta Thunberg (@GretaThunberg) February 4, 2021 " class="align-text-top noRightClick twitterSection" data="

  I still #StandWithFarmers and support their peaceful protest.
  No amount of hate, threats or violations of human rights will ever change that. #FarmersProtest

  — Greta Thunberg (@GretaThunberg) February 4, 2021

  ">

  I still #StandWithFarmers and support their peaceful protest.
  No amount of hate, threats or violations of human rights will ever change that. #FarmersProtest

  — Greta Thunberg (@GretaThunberg) February 4, 2021

ಈ ಕುರಿತು ಪ್ರತಿಕ್ರಿಯಿಸಿರುವ ಗ್ರೇಟಾ, ನಾನು ಈಗಲೂ ಕೂಡ ರೈತರ ಹೋರಾಟದೊಂದಿಗೆ ಇದ್ದೇನೆ, ಅವರ ಶಾಂತಿಯುತ ಪ್ರತಿಭಟನೆಯನ್ನು ಬೆಂಬಲಿಸುತ್ತೇನೆ. ಯಾವುದೇ ರೀತಿಯ ದ್ವೇಷ, ಬೆದರಿಕೆಗಳು ಅಥವಾ ಮಾನವ ಹಕ್ಕುಗಳ ಉಲ್ಲಂಘನೆಯು ಅದನ್ನು ಎಂದಿಗೂ ಬದಲಾಯಿಸಲು ಸಾಧ್ಯವಿಲ್ಲ ಎಂದಿದ್ದಾರೆ.