ನಾಗರಿಕ ಅಶಾಂತಿಯಿಂದಾಗಿ ಕಾಶ್ಮೀರದಂತಹ ಸ್ಥಳದಲ್ಲಿ ಮತದಾನ ಹಕ್ಕನ್ನು ಚಲಾಯಿಸುವುದು ಒಂದು ಸವಾಲಾಗಿದೆ. ಡಿಡಿಸಿ (ಜಿಲ್ಲಾ ಅಭಿವೃದ್ಧಿ ಮಂಡಳಿ) ಚುನಾವಣೆಗಳು ಸಮಾಜದಲ್ಲಿ ಚುನಾವಣಾ ರಾಜಕೀಯಕ್ಕೆ ಸ್ವೀಕಾರಾರ್ಹತೆಯನ್ನು ಗಳಿಸಿವೆ ಎಂದು ತೋರುತ್ತಿದೆ. ಚುನಾವಣಾ ರಾಜಕೀಯದ ನ್ಯಾಯಸಮ್ಮತತೆಯು 1987 ರಿಂದ ಕಾಶ್ಮೀರ ಸಂಘರ್ಷದ ಮೊದಲ ಭಾಗವಾಗಿದೆ. ಈ ಹಿಂದೆಲ್ಲಾ ಚುನಾಯಿತ ಪ್ರತಿನಿಧಿಗಳನ್ನು ವಿವಿಧ ಉಗ್ರಗಾಮಿ ಗುಂಪುಗಳು ಗುರಿಯಾಗಿಸಿಕೊಳ್ಳುತ್ತಿದ್ದವು.
ಸುಮಾರು 5,000 ರಾಜಕೀಯ ಕಾರ್ಯಕರ್ತರ ಹತ್ಯೆಗೆ ಜಮ್ಮು ಮತ್ತು ಕಾಶ್ಮೀರ ಸಾಕ್ಷಿಯಾಗಿದೆ. ಇದಕ್ಕೆ ಮತದಾನದ ಮೂಲಕ ಪರಿಹಾರ ಕಂಡುಕೊಳ್ಳಲು ವಿವಿಧ ಮುಖ್ಯವಾಹಿನಿಯ ರಾಜಕೀಯ ಪಕ್ಷಗಳ ಮೂಲಕ ಪ್ರಯತ್ನಿಸಲಾಗುತ್ತಿದೆ. ಜಮ್ಮು ಮತ್ತು ಕಾಶ್ಮೀರದ ಕೇಂದ್ರಾಡಳಿತ ಪ್ರದೇಶದಲ್ಲಿ ನಡೆಯುತ್ತಿರುವ ಜಿಲ್ಲಾ ಅಭಿವೃದ್ಧಿ ಚುನಾವಣೆಗಳು (ಡಿಡಿಸಿ) ಇಡೀ ರಾಜಕೀಯ ನಿರೂಪಣೆಯನ್ನು ಬದಲಿಸಿದಂತೆ ತೋರುತ್ತದೆ.
ದಶಕಗಳ ರಕ್ತಪಾತಕ್ಕೆ ಸಾಕ್ಷಿಯಾದ ಸಮಸ್ಯೆಗೆ ಮತದಾನ ಪ್ರಕ್ರಿಯೆಯು ರಾಜಕೀಯ ಪರಿಹಾರವನ್ನು ಹುಡುಕುವ ಕಾನೂನುಬದ್ಧ ಮಾರ್ಗವಾಗಿದೆ. ಆಗಸ್ಟ್ 5, 2019 ರಂದು ಜಮ್ಮು ಮತ್ತು ಕಾಶ್ಮೀರದ ಹಿಂದಿನ ರಾಜ್ಯವನ್ನು ಅದರ ವಿಶೇಷ ಸ್ಥಾನಮಾನದಿಂದ ತೆಗೆದುಹಾಕಿ, ಜಮ್ಮು ಮತ್ತು ಕಾಶ್ಮೀರ ಮತ್ತು ಲಡಾಖ್ ಎಂಬ ಎರಡು ಕೇಂದ್ರಾಡಳಿತ ಪ್ರದೇಶಗಳಾಗಿ ಬದಲಾಯಿಸಲಾಯಿತು. ಚುನಾವಣೆಗಳಲ್ಲಿ ಪಾಲ್ಗೊಳ್ಳುತ್ತಿದ್ದ ರಾಜಕೀಯ ಪಕ್ಷಗಳು ತಮ್ಮ ಪಕ್ಷಗಳ ಕಾರ್ಯಸೂಚಿಯಲ್ಲಿ ರದ್ದುಪಡಿಸಿದ ವಿಶೇಷ ಸ್ಥಾನಮಾನ ಮರಳಿ ಪಡೆಯುವ ಅಂಶವನ್ನು ಹಾಕಿಕೊಳ್ಳತೊಡಗಿದವು. ಆದರೆ ಕೇಂದ್ರ ಸರ್ಕಾರವು ಸಾರ್ವಜನಿಕ ಸುರಕ್ಷತಾ ಕಾಯ್ದೆಯಡಿ ಅಂತಹ ನಾಯಕರನ್ನು ಜೈಲಿಗೆ ಕಳುಹಿಸಿತು ಮತ್ತು ಕೆಲವರನ್ನು ಗೃಹಬಂಧನದಲ್ಲಿರಿಸಿತು ಎಂದು ಆರೋಪಿಸಲಾಗಿದೆ.
ಅವರಲ್ಲಿ ಮೂವರು ಮಾಜಿ ಮುಖ್ಯಮಂತ್ರಿಗಳು, ರಾಜ್ಯ ಕ್ಯಾಬಿನೆಟ್ ಮಂತ್ರಿಗಳು ಮತ್ತು ಮಾಜಿ ಸಂಸತ್ತಿನ ಸದಸ್ಯರು ಇದ್ದರು. ಅವರ ಬಿಡುಗಡೆಯ ನಂತರ, ಬಿಜೆಪಿ ನೇತೃತ್ವದ ಸರ್ಕಾರವು ಕಾಶ್ಮೀರದಲ್ಲಿ ಮತ ಚಲಾಯಿಸಲು ಪ್ರಾರಂಭಿಸಿತು. ಪ್ರಾದೇಶಿಕ ಪಕ್ಷಗಳು ತಮ್ಮ ಚುನಾವಣಾ ಬಹಿಷ್ಕಾರದ ಕಾರ್ಯತಂತ್ರದಲ್ಲಿ ಪ್ರತ್ಯೇಕತಾವಾದಿಗಳೊಂದಿಗೆ ಕೈಜೋಡಿಸುತ್ತವೆ ಎಂದು ಭಾವಿಸಲಾಗಿತ್ತು. ಆದರೆ ಪಕ್ಷಗಳು ಬಿಜೆಪಿ ವಿರುದ್ಧ ಕೈಜೋಡಿಸಿ ಆಡಳಿತ ಪಕ್ಷದ ವಿರುದ್ಧ ತಿರುಗಿ ಬಿದ್ದವು. ಇದು ಬಿಜೆಪಿಗೆ ತೊಂದರೆಯಾಗಿಲ್ಲ ಎಂದು ತೋರುತ್ತದೆ.
ಈಗ ನಡೆಯುತ್ತಿರುವ ಡಿಡಿಸಿ ಚುನಾವಣೆಯಲ್ಲಿ ಬಿಜೆಪಿ ವಿರುದ್ಧ ಕಣಕ್ಕಿಳಿದ ಅಭ್ಯರ್ಥಿಗಳ ಸಂಚಾರವನ್ನು ಸರ್ಕಾರ ನಿರ್ಬಂಧಿಸಿದೆ ಎಂದು ಆರೋಪಿಸಲಾಗಿದೆ. ಕಾಶ್ಮೀರದಲ್ಲಿ ಡಿಡಿಸಿ ಚುನಾವಣೆಯ ಮೊದಲ ಹಂತದ ಸಮಯದಲ್ಲಿ ಮತದಾರರು ನಿರ್ಭೀತಿಯಿಂದ ಮತದಾನದಲ್ಲಿ ಭಾಗವಹಿಸಿದರು. ಪ್ರತ್ಯೇಕತಾವಾದಿ ಗುಂಪುಗಳ ಚುನಾವಣಾ ಬಹಿಷ್ಕಾರ ಕರೆ ಮತ್ತು ನಂತರದ ವಿವಿಧ ಉಗ್ರಗಾಮಿ ಗುಂಪುಗಳ ಅನುಮೋದನೆ ಅಥವಾ ಬೆಂಬಲವು ಈ ಹಿಂದೆ ಕಂಡುಬರುವಂತೆ ಈ ಪ್ರದೇಶದ ಸಂಪೂರ್ಣ ಪ್ರಜಾಪ್ರಭುತ್ವ ಪ್ರಕ್ರಿಯೆಯನ್ನು ನಿಯೋಜಿಸುತ್ತದೆ. ಅದೇ ಪ್ರಕ್ರಿಯೆಯನ್ನು ಸಮಸ್ಯೆಯೊಂದಕ್ಕೆ ಪರಿಹಾರವನ್ನು ಕಂಡುಕೊಳ್ಳುವ ಸಾಧನವಾಗಿ ನೋಡಲಾಗುತ್ತದೆ.
ಚುನಾವಣೆಗೆ ಸ್ಪರ್ಧಿಸುವ ಪಕ್ಷಗಳು ತಮ್ಮ ಕಾರ್ಯಸೂಚಿಗಳಲ್ಲಿ 370 ರದ್ದು ವಿರೋಧವನ್ನೇ ಒತ್ತಿ ಹೇಳುತ್ತಿವೆ. ಬಿಜೆಪಿ ಮತ್ತು ಅದರ ತಂಡ ಬಿ.ಅಲ್ತಾಫ್ ಬುಖಾರಿ ನೇತೃತ್ವದ ಅಪ್ನಿ ಪಕ್ಷವು 370 ನೇ ವಿಧಿಯನ್ನು ಮರು ಸ್ಥಾಪಿಸದಂತೆ ನೋಡಿಕೊಳ್ಳುತ್ತಿದ್ದರೆ, ಗುಪ್ಕರ್ ಅಲೈಯನ್ಸ್ ವಿಶೇಷ ಸ್ಥಾನಮಾನವನ್ನು ಪುನಃಸ್ಥಾಪಿಸುವ ಗುರಿ ಹೊಂದಿದೆ.
ಕಣಿವೆ ರಾಜ್ಯದ ಜನ ವಿಶೇಷ ಸಾಂವಿಧಾನಿಕ ಸ್ಥಾನಮಾನ 370 ವಿಧಿಯನ್ನು ರದ್ದುಪಡಿಸಿದ್ದಕ್ಕೆ ತಮ್ಮ ಅಭಿಪ್ರಾಯವನ್ನು ಮತದಾನದ ಮೂಲಕ ವ್ಯಕ್ತಪಡಿಸುವರೇ? ಎಂಬುದನ್ನು ಕಾದು ನೋಡಬೇಕಿದೆ.
- ಬಿಲಾಲ್ ಭಟ್
