ಹೈದರಾಬಾದ್: ಇಂಗ್ಲೆಂಡ್‌ನ ರಾಷ್ಟ್ರೀಯ ಆರೋಗ್ಯ ಸೇವೆಯ ಪ್ರಕಾರ, ಅಧಿಕ ಜ್ವರ ಅಥವಾ ನಿರಂತರ ಕೆಮ್ಮು ಕೊರೊನಾ ವೈರಸ್‌ನ ಮುಖ್ಯ ಲಕ್ಷಣ. ಇದು ಹೆಚ್ಚಿನ ರೋಗಿಗಳಲ್ಲಿ ಕಂಡುಬರುತ್ತದೆ. ಆದರೂ ಕೆಲ ಸಂದರ್ಭಗಳಲ್ಲಿ ರೋಗಿಗಳಲ್ಲಿ ಅನಾರೋಗ್ಯದ ಯಾವುದೇ ಲಕ್ಷಣಗಳಿಲ್ಲದೆಯೂ ಅವರಲ್ಲಿ ಸೋಂಕು ಪತ್ತೆಯಾಗಿದೆ.
ಕೋವಿಡ್-19 ವಿಭಿನ್ನ ಮುಖಗಳನ್ನು ಹೊಂದಿರುವುದು ಇತ್ತೀಚಿನ ಹಲವು ಪ್ರಕರಣಗಳಲ್ಲಿ ಪತ್ತೆಯಾಗಿದೆ. ಇದು ಜ್ವರಕ್ಕಿಂತ ಸಂಪೂರ್ಣವಾಗಿ ಭಿನ್ನವಾಗಿದ್ದು, ಒಂದು ರೀತಿಯ ಉಸಿರಾಟದ ಕಾಯಿಲೆಯಾಗಿದೆ. ಇದು ಈ ವೈರಸ್ ಅನ್ನು ಇನ್ನಷ್ಟು ಅಪಾಯಕಾರಿಯನ್ನಾಗಿ ಮಾಡುತ್ತದೆ.
ಕೊರೊನಾ ವೈರಸ್ ಲಕ್ಷಣಗಳು ಏಕೆ ಭಿನ್ನವಾಗಿವೆ ಎಂಬ ಪ್ರಶ್ನೆಯನ್ನೂ ಇದು ಹುಟ್ಟುಹಾಕುತ್ತದೆ. ಶೀತಜ್ವರ ವಿವಿಧ ವೈರಸ್‌ಗಳಿಂದ ಬರುವ ರೋಗವೆಂದು ಪರಿಗಣಿಸಲಾಗಿದೆ. ಆದರೆ, ಇದರ ರೋಗಲಕ್ಷಣಗಳು ಯಾವಾಗಲೂ ಒಂದೇ ಆಗಿರುತ್ತವೆ.
ಭಾರತದಲ್ಲಿ ಕೊರೊನಾ ವೈರಸ್ ಇರುವ ಸುಮಾರು 80 ಪ್ರತಿಶತದಷ್ಟು ಜನರು ಲಕ್ಷಣರಹಿತ(asymptomatic)ರಾಗಿದ್ದಾರೆ. ಅಂದರೆ ಅವರಲ್ಲಿ ಈ ಸೋಂಕಿನ ಲಕ್ಷಣಗಳೇ ಕಾಣಿಸಿಲ್ಲವಂತೆ.
ಅಮೆರಿಕದ ಮಿಚಿಗನ್‌ನ ಸೇಂಟ್ ಜೋಸೆಫ್ ಮರ್ಸಿ ಹೆಲ್ತ್ ಸಿಸ್ಟಂನ ಡಾ. ಆಂಥೋನಿ ಡಿಬಿನೆಡೆಟ್ ಅವರು, ಅಮೆರಿಕನ್ ಜರ್ನಲ್ ಆಫ್ ಗ್ಯಾಸ್ಟ್ರೋಎಂಟರಾಲಜಿಗೆ ತಿಳಿಸಿದಂತೆ, ಕಳೆದ ಮಾರ್ಚ್ನಲ್ಲಿ ತೀವ್ರ ಅತಿಸಾರದಿಂದ ಬಳಲುತ್ತಿರುವ 71 ವರ್ಷದ ಮಹಿಳೆಯೊಬ್ಬರು ಅವರ ಬಳಿ ಬಂದಿದ್ದರಂತೆ. ಡಾ. ಆಂಥೋನಿ ಹೇಳುವಂತೆ, ಅವರ ದೇಹದ ತಾಪಮಾನವು ಸಾಮಾನ್ಯವಾಗಿರುವುದರ ಜೊತೆಗೆ ಉಸಿರಾಟದ ತೊಂದರೆಗಳೂ ಇರಲಿಲ್ಲ. ಮಲ ಪರೀಕ್ಷೆಯಲ್ಲೂ ಯಾವುದೇ ಬ್ಯಾಕ್ಟೀರಿಯಾಗಳು ಕಂಡುಬಂದಿಲ್ಲ. ಆದರೆ, ಅನಾರೋಗ್ಯಕ್ಕೆ ಒಳಗಾದ 9 ದಿನಗಳ ನಂತರ, ಮಹಿಳೆ ಕಫ ಇರುವ ಬಗ್ಗೆ ತಿಳಿಸಿದ್ದಾರೆ. ನಂತರ ಆಕೆಗೆ ಕೊರೊನಾ ಪರೀಕ್ಷೆಯನ್ನು ಮಾಡಿದಾಗ ಆಕೆಗೆ ಸೋಂಕು ಇರುವುದು ದೃಢವಾಗಿತ್ತು. ಈಗ ಇದು ಒಂದು ವಿಶಿಷ್ಟವಾದ ಪ್ರಕರಣವಾಗಿಲ್ಲ. ಏಕೆಂದರೆ ಉಸಿರಾಟದ ತೊಂದರೆಯ ಜೊತೆಗೆ ಕೊರೊನಾ ರೋಗಿಗಳಲ್ಲಿ ಹೃದಯಾಘಾತದಿಂದ ಮೂತ್ರಪಿಂಡದ ಸೋಂಕಿನವರೆಗಿನ ರೋಗಲಕ್ಷಣಗಳನ್ನು ಹೊಂದಿರುತ್ತಾರೆ ಎಂದು ಡಾಕ್ಟರ್ ಹೇಳುತ್ತಾರೆ.
ರೋಗಲಕ್ಷಣಗಳಲ್ಲಿ ಇಂತಹ ವ್ಯತ್ಯಾಸ ಏಕೆ?
ಕೋವಿಡ್-19ನಲ್ಲಿ ಅನೇಕ ರೋಗಲಕ್ಷಣಗಳಿರಲು ಸ್ಪಷ್ಟ ಕಾರಣಗಳಿಲ್ಲ, ಆದರೆ ಈ ಬಗ್ಗೆ ಅನೇಕ ಸಿದ್ಧಾಂತಗಳನ್ನು ಹೊರಬಂದಿವೆ...
ಮೊದಲ ಸಿದ್ಧಾಂತ:
ಅಮೆರಿಕದ ಲೋವಾ ವಿಶ್ವವಿದ್ಯಾಲಯದ ರೋಗನಿರೋಧಕ ತಜ್ಞ ಸ್ಟಾನ್ಲಿ ಪರ್ಲ್ಮನ್ ಅವರ ಪ್ರಕಾರ, ಇದು ಹೊಸ ರೋಗ ಮತ್ತು ಅಪಾಯಕಾರಿಯಾದ್ದರಿಂದ ಈ ರೀತಿ ಆಗುತ್ತಿದೆ. ಆದ್ದರಿಂದ ಈ ಬಗ್ಗೆ ವೇಗದ ಅಧ್ಯಯನ ಮಾಡಲಾಗುತ್ತಿದೆ. ಸಾಮಾನ್ಯ ಶೀತಜ್ವರವನ್ನು ಒಂದೇ ತೀವ್ರತೆಯೊಂದಿಗೆ ಅಧ್ಯಯನ ಮಾಡಿದರೆ ವಿಭಿನ್ನ ಲಕ್ಷಣಗಳು ಕಂಡುಬರುತ್ತದೆ. ಉದಾಹರಣಗೆ ಸಾಮಾನ್ಯ ಹೊಟ್ಟೆಯ ಸೋಂಕು ಎಂದು ಸ್ಟಾನ್ಲಿ ಪರ್ಲ್ಮನ್ ಹೇಳಿದ್ದಾರೆ.
ಎರಡನೆಯ ಸಿದ್ಧಾಂತ
ಕೊರೊನಾ ಉಸಿರಾಟ ವ್ಯವಸ್ಥೆಯಲ್ಲಿ ಪ್ರಾರಂಭವಾಗುತ್ತದೆ. ನಂತರ ಶ್ವಾಸಕೋಶದಲ್ಲಿ ಆಳವಾಗಿ ಸೇರುತ್ತದೆ ಎಂದು ಆಕ್ಸ್‌ಫರ್ಡ್ ವಿಶ್ವವಿದ್ಯಾಲಯದ ವೈರಾಲಜಿಸ್ಟ್ ವಿಲಿಯಂ ಜೇಮ್ಸ್ ಹೇಳುತ್ತಾರೆ. ಶ್ವಾಸಕೋಶಗಳು ರಕ್ತನಾಳಗಳ ಮೂಲಕ ಅನಿಲವನ್ನು ಸಾಗಿಸುವಾಗ ವೈರಸ್ ದೇಹದ ಇತರ ಭಾಗಗಳನ್ನು ತಲುಪುತ್ತದೆ.
ಮೂರನೇ ಸಿದ್ಧಾಂತ
ದೇಹದ ಹಲವು ಅಂಗಗಳಲ್ಲಿ ಏಸ್ 2 (ACE2) ಎಂಬ ಕಿಣ್ವ ಕಂಡುಬರುತ್ತದೆ. ಏಸ್ 2 ಕೂಡಾ ಕೋಶ-ಮೇಲ್ಮೈ ಪ್ರೋಟೀನ್ ಆಗಿದ್ದು, ಇದರಿಂದ ಕೊರೊನಾ ವೈರಸ್ ಅಂಟಿಕೊಳ್ಳುತ್ತದೆ. ಇದು ಶ್ವಾಸಕೋಶದಲ್ಲಿ ಮಾತ್ರವಲ್ಲದೇ ಹೊಟ್ಟೆ, ಮೂತ್ರಪಿಂಡ ಮತ್ತು ಹೃದಯದಲ್ಲಿಯೂ ಕಂಡುಬರುತ್ತದೆ. ಆದ್ದರಿಂದ, ವೈರಸ್ ಈ ಅಂಗಗಳನ್ನು ಸಹ ತಲುಪುತ್ತಿದೆ. ಹೊಟ್ಟೆಯ ಆಮ್ಲದಲ್ಲೂ ಈ ವೈರಸ್ ಹೇಗೆ ಬದುಕುಳಿಯುತ್ತದೆ ಎಂಬುದನ್ನು ತಿಳಿಯಲು ವೈದ್ಯರು ಇನ್ನೂ ಸಂಶೋಧನೆ ನಡೆಸುತ್ತಿದ್ದಾರೆ.
