ಪ್ಯಾರಿಸ್: ಮಹಾಮಾರಿ ಕೊರೊನಾಗೆ ವಿಶ್ವದಾದ್ಯಂತ ಬರೋಬ್ಬರಿ 15 ಸಾವಿರ ಮಂದಿ ಅಸುನೀಗಿದ್ದಾರೆ. ಈ ಸಂಖ್ಯೆ ಏರುತ್ತಲೇ ಇದೆ. ಭಾರತದಲ್ಲಿ ಇದುವರೆಗೂ 8 ಮಂದಿ ಮೃತಪಟ್ಟಿದ್ದಾರೆ. ಸುಮಾರು 415 ಜನರಿಗೆ ಸೋಂಕು ತಗುಲಿದ್ದು, ಲಕ್ಷಾಂತರ ಜನ ಕೊರೊಂಟೈನ್ ಮನೆಯಲ್ಲಿ ಬಂಧಿಯಾಗಿದ್ದಾರೆ.
ಇನ್ನು ಜಾಗತಿಕವಾಗಿ ಕೋಟಿ ಕೋಟಿ ಮಂದಿ ಕೊರೊನಾ ಭೀತಿಯಿಂದ ಮನೆ ಬಿಟ್ಟು ಹೊರಗೆ ಬಾರದೆ ಒದ್ದಾಡುತ್ತಿದ್ದಾರೆ. ಇನ್ನು ಸೋಂಕು ಹರಡಿಸಿದ ಚೀನಾದಲ್ಲಿ 3,270 ಜನ ಮೃತಪಟ್ಟರೆ, ಇಟಲಿಯಲ್ಲಿ ಸಾವಿನ ಸಂಖ್ಯೆ 5,476 ರನ್ನೂ ದಾಟಿ ಮುನ್ನುಗ್ಗುತ್ತಿದ್ದು, ಮರಣ ಮೃದಂಗವನ್ನೇ ಸೃಷ್ಟಿಸಿದೆ. ಇನ್ನೊಂದೆಡೆ ಇಟಲಿ ಪಕ್ಕದ ಸ್ಪೇನ್ನಲ್ಲಿ 2182 ಜನ ಮಹಾಮಾರಿಗೆ ಬಲಿಯಾಗಿದ್ದಾರೆ.
