ಕೋಟಾ(ರಾಜಸ್ಥಾನ): ಸರಕು ಮತ್ತು ವಾಹನಗಳು ಸೇರಿದಂತೆ 30ಕ್ಕೂ ಹೆಚ್ಚು ಜನರನ್ನು ಸಾಗಿಸುತ್ತಿದ್ದ ದೋಣಿ ಮಗುಚಿರುವ ಘಟನೆ ಜಿಲ್ಲೆಯ ಖಟೋಲಿ ಪ್ರದೇಶದ ಗೋಥಾಕಲಾ ಗ್ರಾಮದ ಬಳಿಯ ಚಂಬಲ್ ನದಿಯಲ್ಲಿ ನಡೆದಿದೆ.
ಚಂಬಲ್ ನದಿಯಲ್ಲಿ ಮುಳುಗಿದ ದೋಣಿ
ಜನರು ದೋಣಿ ಮೂಲಕ ಕಮಲೇಶ್ವರ ಧಾಮ್ ಬುಂಡಿ ಪ್ರದೇಶಕ್ಕೆ ತೆರಳುತ್ತಿದ್ದರು. ಈ ವೇಳೆ ಇದ್ದಕ್ಕಿದ್ದಂತೆ ದೋಣಿ ಮಗುಚಿದ್ದು, ಜನರೆಲ್ಲರೂ ನೀರಿಗೆ ಬಿದ್ದಿದ್ದಾರೆ. ಘಟನೆಯಲ್ಲಿ ಅಸುನೀಗಿರುವ 12 ಜನರ ಮೃತದೇಹಗಳನ್ನು ಹೊರ ತೆಗೆಯಲಾಗಿದ್ದು, 20ಕ್ಕೂ ಅಧಿಕ ಜನರನ್ನು ರಕ್ಷಣೆ ಮಾಡಲಾಗಿದೆ.
ಈ ಘಟನೆ ಬೆಳಗ್ಗೆ 8 ಗಂಟೆ ಸುಮಾರಿಗೆ ಸಂಭವಿಸಿದೆ. ಘಟನೆಯ ಬಗ್ಗೆ ಲೋಕಸಭಾ ಸ್ಪೀಕರ್ ಓಂ ಬಿರ್ಲಾ ಜಿಲ್ಲಾಡಳಿತವನ್ನು ಸಂಪರ್ಕಿಸಿ ಮಾಹಿತಿ ಕಲೆಹಾಕಿದ್ದಾರೆ. ಎಸ್‌ಡಿಆರ್‌ಎಫ್ ತಂಡ ರಕ್ಷಣಾ ಕಾರ್ಯಾಚರಣೆಯಲ್ಲಿ ತೊಡಗಿದೆ.
ಘಟನೆಯ ಕುರಿತು ಸ್ಥಳೀಯರು ಆಕ್ರೋಶ ಹೊರ ಹಾಕಿದ್ದಾರೆ. ಈ ಸ್ಥಳದಲ್ಲಿ ಕಾನೂನು ಬಾಹಿರವಾಗಿ ದೋಣಿಗಳನ್ನು ಚಲಾಯಿಸಲಾಗುತ್ತಿದೆ. ಅವಘಡಗಳು ಸಂಭವಿಸಿದರೂ ಇಲ್ಲಿ ಸುರಕ್ಷತಾ ಸಾಧನಗಳು ಇಲ್ಲ ಎಂದು ಆರೋಪಿಸಿದ್ದಾರೆ.
