ಉನ್ನಾವೋ: ಬಾಂಬ್ ಸ್ಫೋಟಿಸಿ ನನ್ನನ್ನು ಕೊಲೆ ಮಾಡುವುದಾಗಿ ಪಾಕಿಸ್ತಾನದ ನಂಬರ್ನಿಂದ ಕರೆ ಬಂದಿದೆ ಎಂದು ಬಿಜೆಪಿ ಸಂಸದ ಸಾಕ್ಷಿ ಮಹಾರಾಜ್ ದೂರು ದಾಖಲಿಸಿದ್ದಾರೆ.
ಪಾಕ್ನ ಉಗ್ರ ಸಂಘಟನೆಗಳಿಂದ ನನಗೆ ಎರಡು ಕರೆ ಬಂದಿದ್ದು, ನನ್ನ ಮನೆ ಜೊತೆ ನನ್ನನ್ನೂ ಸ್ಫೋಟಿಸುವುದಾಗಿ ಬೆದರಿಕೆ ಹಾಕಿದ್ದಾರೆ ಎಂದು ಉನ್ನಾವೋ ಸಂಸದರು ದೂರು ನೀಡಿದ್ದಾರೆ.
ಶೀಘ್ರದಲ್ಲಿ ಕಾಶ್ಮೀರವು ಪಾಕ್ನ ಭಾಗವಾಗಲಿದೆ. ಅಯೋಧ್ಯೆಯ ರಾಮ ಮಂದಿರ ಭೂಮಿ ಪೂಜೆಯ ಕುರಿತು ಕೆಟ್ಟದಾಗಿ ಮಾತನಾಡಿದ್ದಾನೆ. ಜೊತೆಗೆ ಪ್ರಧಾನಿ ಮೋದಿ, ಗೃಹ ಸಚಿವ ಅಮಿತ್ ಶಾ, ಆರ್ಎಸ್ಎಸ್ ಮುಖ್ಯಸ್ಥ ಮೋಹನ್ ಭಾಗವತ್ ಮತ್ತು ಉತ್ತರ ಪ್ರದೇಶ ಸಿಎಂ ಯೋಗಿ ಆದಿತ್ಯನಾಥ್ ಅವರ ಬಗ್ಗೆಯೂ ಕೆಟ್ಟದಾಗಿ ಮಾತನಾಡಿದ್ದಾನೆ. ನಾನು ಮತ್ತು ನನ್ನ ಮುಜಾಹಿದ್ದೀನ್ ಸಂಘಟನೆಯವರು ನಿನ್ನ ಮೇಲೆ ಗುರಿ ಇಟ್ಟಿದ್ದೇವೆ ಎಂದು ಕರೆ ಮಾಡಿದವ ಬೆದರಿಕೆ ನೀಡಿದ್ದಾನೆ ಎಂದು ಸಂಸದರು ದೂರಿದ್ದಾರೆ.
ನನ್ನ ರಕ್ಷಣೆಗೆ ಸೂಕ್ತ ಕ್ರಮ ಕೈಗೊಳ್ಳುವಂತೆ ಸಂಸರು ಆಗ್ರಹಿಸಿದ್ದಾರೆ. ಸಂಸದರ ದೂರಿನ ಮೇರೆಗೆ ಎಸ್ಪಿ ರೋಹನ್ ಅವರು ಮಾತನಾಡಿ, ಪ್ರಕರಣ ದಾಖಲಾಗಿದೆ. ಈ ಕುರಿತು ತನಿಖೆಗೆ ಆದೇಶಿಸಿದ್ದೇನೆ. ಈಗಾಗಲೇ ಸಂಸದರಿಗೆ ಭದ್ರತೆ ನೀಡಲಾಗಿದೆ ಎಂದು ತಿಳಿಸಿದ್ದಾರೆ.
