ಕೋಲ್ಕತ್ತಾ: ಪಶ್ಚಿಮ ಬಂಗಾಳ ಅರಣ್ಯ ಇಲಾಖೆ ಗಂಡು ಹುಲಿಗೆ ರೇಡಿಯೋ ಕಾಲರ್ ಹಾಕಿ ಸುಂದರ್ಬನ್ ಟೈಗರ್ ರಿಸರ್ವ್ ಫಾರೆಸ್ಟ್ಗೆ ಬಿಟ್ಟಿದೆ ಎಂದು ಅರಣ್ಯದ ಉನ್ನತ ಅಧಿಕಾರಿಯೊಬ್ಬರು ತಿಳಿಸಿದ್ದಾರೆ.
'ಸೇಫ್ ಗಾರ್ಡ್ ಟೈಗರ್' ಅಭಿಯಾನದ ಭಾಗವಾಗಿರುವ ಈ ಉಪಕ್ರಮವು ಹುಲಿಗಳ ನಡವಳಿಕೆ, ಆವಾಸ ಸ್ಥಾನವನ್ನು ಗುರುತಿಸಲು ಸಹಾಯ ಮಾಡುತ್ತದೆ ಎಂದು ಮುಖ್ಯ ವನ್ಯಜೀವಿ ವಾರ್ಡನ್ ವಿ.ಕೆ.ಯಾದವ್ ಹೇಳಿದ್ದಾರೆ.
"ಡಿಸೆಂಬರ್ 26-27ರ ಅವಧಿಯಲ್ಲಿ ಗಂಡು ಹುಲಿಗೆ ಕಾಲರ್ ರೇಡಿಯೋ ಹಾಕಲಾಗಿದೆ. ಅದರಲ್ಲಿ ರೆಕಾರ್ಡ್ ಆಗುವ ರೇಡಿಯೋ-ಟೆಲಿಮೆಟ್ರಿ ಮೂಲಕ ಹುಲಿ-ಮಾನವ ಸಂವಹನಗಳನ್ನು ನಿರ್ಣಯಿಸಲು ಹುಲಿಯನ್ನು ಸುಂದರ್ಬನ್ ಟೈಗರ್ ರಿಸರ್ವ್‌ನಲ್ಲಿ ಬಿಡಲಾಯಿತು" ಎಂದು ಅವರು ಹೇಳಿದ್ದಾರೆ.
"ಸುಂದರ್ಬನ್ ಟೈಗರ್ ರಿಸರ್ವ್‌ನ ಬಶಿರಾತ್ ವ್ಯಾಪ್ತಿಯಲ್ಲಿ ಬರುವ ಹರಿಖಾಲಿ ಬೀಟ್‌ನಲ್ಲಿ ಈ ಕಾರ್ಯಾಚರಣೆ ನಡೆಸಲಾಯಿತು. ನಾವು ಇದನ್ನು ಉಪಗ್ರಹ ದತ್ತಾಂಶಗಳ ಮೂಲಕ ಮೇಲ್ವಿಚಾರಣೆ ಮಾಡಲಿದ್ದೇವೆ ಮತ್ತು ಡಬ್ಲ್ಯುಡಬ್ಲ್ಯುಎಫ್(ವಿಶ್ವ ವನ್ಯಜೀವಿ ನಿಧಿ) ಸಹ ಮೇಲ್ವಿಚಾರಣೆಯಲ್ಲಿ ತೊಡಗಿದೆ" ಎಂದು ಯಾದವ್ ಹೇಳಿದರು.
