ನವದೆಹಲಿ: ವೈಬ್ರಂಟ್ ಗುಜರಾತ್ ಜಾಹೀರಾತುಗಳನ್ನೊಳಗೊಂಡ ಬೋರ್ಡಿಂಗ್ ಪಾಸ್ಗಳನ್ನು ರದ್ದುಗೊಳಿಸಲು ಸರ್ಕಾರಿ ಮಾಲಿಕತ್ವದ ಏರ್ ಇಂಡಿಯಾ ತೀರ್ಮಾನಿಸಿದೆ.
ಏರ್ ಇಂಡಿಯಾ ವಿಮಾನ ಸಂಸ್ಥೆಯು ಮಾದರಿ ನೀತಿ ಸಂಹಿತೆ ಜಾರಿ ನಂತರವೂ ಪ್ರಧಾನಿ ನರೇಂದ್ರ ಮೋದಿ, ಗುಜರಾತ್ ಮುಖ್ಯಮಂತ್ರಿ ವಿಜಯ್ ರೂಪಾನಿ ಮತ್ತು ವೈಬ್ರಂಟ್ ಗುಜರಾತ್ ಅಭಿಯಾನದ ಜಾಹೀರಾತುಗಳನ್ನೊಳಗೊಂಡ ಬೋರ್ಡಿಂಗ್ ಪಾಸ್ಗಳನ್ನು ಸ್ವೀಕರಿಸುತ್ತಿದೆ ಎಂದು ಮಾಜಿ ಪೊಲೀಸ್ ಮಹಾನಿರ್ದೇಶಕ ಶಶಿ ಕಾಂತ್ ದೂರು ನೀಡಿದ್ದರು. ಅಲ್ಲದೇ "ನಾವೇಕೆ ಹೀಗೆ ಇವುಗಳ ಮೇಲೆ ಸಾರ್ವಜನಿಕ ಹಣವನ್ನು ವ್ಯಯ ಮಾಡುತ್ತಿದ್ದೇವೆ ಎಂದು ಆಶ್ಚರ್ಯವಾಗುತ್ತಿದೆ" ಎಂದು ಶಶಿ ಕಾಂತ್ ತಮ್ಮ ಟ್ವಟರ್ನಲ್ಲಿ ಹೇಳಿದ್ದರು.
ಜನವರಿಯಲ್ಲಿ ನಡೆದ ವೈಬ್ರಂಟ್ ಗುಜರಾತ್ ಶೃಂಗಸಭೆಯಲ್ಲಿ ಈ ಬೋರ್ಡಿಂಗ್ ಪಾಸ್ಗಳನ್ನು ಮುದ್ರಿಸಲಾಗಿತ್ತು. ಇದೀಗ ಎಚ್ಚೆತ್ತುಕೊಂಡ ಏರ್ ಇಂಡಿಯಾ, ವೈಬ್ರಂಟ್ ಗುಜರಾತ್ ಜಾಹೀರಾತುಗಳನ್ನೊಳಗೊಂಡ ಬೋರ್ಡಿಂಗ್ ಪಾಸ್ಗಳನ್ನು ರದ್ದುಗೊಳಿಸಿದೆ.
