ನವದೆಹಲಿ: ಸಶಸ್ತ್ರ ಸೀಮಾಬಲದ 25ನೇ ಬೆಟಾಲಿಯನ್ಗೆ ಸೇರಿದ ಒಟ್ಟು 13 ಸಿಬ್ಬಂದಿಯಲ್ಲಿ ಕೊರೊನಾ ಸೋಂಕು ದೃಢಪಟ್ಟಿದೆ. 8 ಮಂದಿಯಲ್ಲಿ ಕೊರೊನಾ ಸೋಂಕು ಇಂದು ದೃಢಪಟ್ಟಿದ್ದು, ಹಿಂದಿನ ವಾರ ನಾಲ್ವರಿಗೆ ಸೋಂಕು ಪತ್ತೆಯಾಗಿತ್ತು.
ಎಸ್ಎಸ್ಬಿಯ 25 ಬೆಟಾಲಿಯನ್ನಲ್ಲಿದ್ದ ದೆಹಲಿಯ ಹೊರವಲಯದಲ್ಲಿರುವ ಘಿತೋರ್ನಿ ಮೂಲದ ಪೇದೆಯಲ್ಲಿ 10 ದಿನಗಳ ಹಿಂದೆ ಸೋಂಕು ಪತ್ತೆಯಾಗಿತ್ತು ಎಂದು ಸಶಸ್ತ್ರ ಸೀಮಾಬಲದ ವಕ್ತಾರ ವಿನಯ್ ಓಜಾ ಸ್ಪಷ್ಟನೆ ನೀಡಿದ್ದಾರೆ.
ಓರ್ವ ಅಸಿಸ್ಟೆಂಟ್ ಸಬ್ ಇನ್ಸ್ಪೆಕ್ಟರ್ ಸೇರಿದಂತೆ 13 ಮಂದಿಯಲ್ಲಿ ಸೋಂಕು ಪತ್ತೆಯಾಗಿದ್ದು, ಎಲ್ಲರನ್ನೂ ದೆಹಲಿಯ ಸರ್ಕಾರಿ ಆಸ್ಪತ್ರೆಗೆ ರವಾನಿಸಿ ಚಿಕಿತ್ಸೆ ನೀಡಲಾಗುತ್ತಿದೆ. ಬೆಟಾಲಿಯನ್ನ ಉಳಿದ ಸಿಬ್ಬಂದಿಯನ್ನು ಹೋಮ್ ಕ್ವಾರಂಟೈನ್ನಲ್ಲಿ ಇಡಲಾಗಿದೆ ಎಂದು ವಿನಯ್ ಓಜಾ ಹೇಳಿದ್ದಾರೆ.
ಸಶಸ್ತ್ರ ಸೀಮಾ ಬಲದ ಬಗ್ಗೆ ಒಂದಿಷ್ಟು..
ದೇಶದಲ್ಲಿ 80 ಸಾವಿರ ಎಸ್ಎಸ್ಬಿ ಸಿಬ್ಬಂದಿಯಿದ್ದು, ಸುಮಾರು 1,751 ಕಿಲೋಮೀಟರ್ ಇರುವ ಭಾರತ, ನೇಪಾಳ ಗಡಿ ಹಾಗೂ 699 ಕಿಲೋಮೀಟರ್ ಇರುವ ಭಾರತ ನೇಪಾಳ ಗಡಿಯನ್ನು ಕಾಯುತ್ತಿದ್ದಾರೆ.
