ಶಿಮ್ಲಾ: ಹಿಮಾಚಲ ಪ್ರದೇಶದ ರಾಜಧಾನಿ ಶಿಮ್ಲಾ ಭಾರತದ ಜನಪ್ರಿಯ ಗಿರಿಧಾಮಗಳಲ್ಲಿ ಒಂದು. ಅವತ್ತಿಗೂ, ಇವತ್ತಿಗೂ ಶಿಮ್ಲಾ ಎಂದರೆ ಪ್ರೇಮಿಗಳ ಫೆವರಿಟ್. ನವವಿವಾಹಿತರ ಹನಿಮೂನ್ ಸ್ಪಾಟ್. ಈ ಪ್ರದೇಶದಲ್ಲಿ ಇದೀಗ 117 ವರ್ಷಗಳ ಹಿಂದಿನ ಉಗಿ ಇಂಜಿನ್ ಎಲ್ಲರ ಗಮನ ಸೆಳೆಯುತ್ತಿದೆ.
117 ವರ್ಷಗಳಷ್ಟು ಹಳೆಯದಾದ ಈ ಉಗಿ ಎಂಜಿನ್ ಕಲ್ಕಾ-ಶಿಮ್ಲಾದಲ್ಲಿ ಭಾರತೀಯ ಪ್ರವಾಸಿಗರು ಸೇರಿ, ವಿದೇಸಿ ಪ್ರವಾಸಿಗರ ಗಮನ ಸೆಳೆಯುತ್ತಿದ್ದು, ಪ್ರವಾಸೋದ್ಯಮ ಮತ್ತಷ್ಟು ಉತ್ತೇಜನ ನೀಡುವ ಉದ್ದೇಶದಿಂದ ಈ ಇಂಜಿನ ನವೀಕರಣ ಮಾಡಲಾಗಿದೆ. ಈ ಉಗಿ ಇಂಜಿನ್ ಓಡಿಸಲು ಇಂಗ್ಲೆಂಡ್ ಸೇರಿದಂತೆ ಹಲವು ದೇಶಗಳಿಂದ ಪ್ರವಾಸಿಗರು ಇಲ್ಲಿಗೆ ಭೇಟಿ ನೀಡ್ತಾರೆ.
ಕಲ್ಕಾ-ಶಿಮ್ಲಾ ಪ್ರದೇಶದಲ್ಲಿ ಸುಮಾರು 12ರಿಂದ 20 ಕಿ.ಮೀ ದೂರದವರೆಗೂ ಈ ಇಂಜಿನ್ ಓಡಿಸಬಹುದಾಗಿದ್ದು, ಅದಕ್ಕಾಗಿ ಬುಕ್ಕಿಂಗ್ ಮಾಡಬೇಕಾಗುತ್ತದೆ. ಕಲ್ಕಾ-ಶಿಮ್ಲಾ ಮಾರ್ಗವನ್ನ 2008ರ ಯುನೆಸ್ಕೋದ ವಿಶ್ವ ಪರಂಪರೆಯ ಮಾರ್ಗವೆಂದು ಘೋಷಣೆ ಮಾಡಲಾಗಿದೆ.