ನವದೆಹಲಿ: ಭಾರತ್ ಬಯೋಟೆಕ್ನಿಂದ ಅಭಿವೃದ್ಧಿಗೊಂಡಿರುವ ಕೋವ್ಯಾಕ್ಸಿನ್ ಹಾಗೂ ಸೆರಂ ಇನ್ಸ್ಟಿಟ್ಯೂಟ್ನ ಕೋವಿಶೀಲ್ಡ್ ಲಸಿಕೆ ಬಳಕೆಗೆ ಭಾರತೀಯ ಪ್ರಧಾನ ಔಷದ ನಿಯಂತ್ರಕ ಅನುಮತಿ ನೀಡಿದ ಬೆನ್ನಲ್ಲೇ ದೇಶದಾದ್ಯಂತ ಜನವರಿ 16ರಿಂದ ಲಸಿಕೆ ವಿತರಣೆಯಾಗಲಿದೆ. ಸೆರಂನ ಕೋವಿಶೀಲ್ಡ್ ಈಗಾಗಲೇ ಎಲ್ಲಾ ರಾಜ್ಯಗಳಿಗೂ ಹಂಚಿಕೆಯಾಗಿದ್ದು, ಕೋವ್ಯಾಕ್ಸಿನ್ ಕೂಡ ಕೆಲವೊಂದು ರಾಜ್ಯಗಳಿಗೆ ರವಾನೆಗೊಳ್ಳಲಿದೆ.
ಎರಡು ಕಂಪನಿಗಳಿಂದ ಅಭಿವೃದ್ಧಿಗೊಂಡಿರುವ ಲಸಿಕೆಗಳಿಗೆ ಭಾರತ ಸರ್ಕಾರ ದರ ನಿಗದಿಪಡಿಸಿ ಖರೀದಿ ಮಾಡ್ತಿದ್ದು, ಕೋವ್ಯಾಕ್ಸಿನ್ ಪ್ರತಿ ಡೋಸ್ಗೆ 295 ರೂ.( ತೆರಿಗೆ ಹೊರತುಪಡಿಸಿ) ಹಾಗೂ ಕೋವ್ಯಾಕ್ಸಿನ್ 200 ರೂ.ಗೆ ಇದೆ.
ಓದಿ: ಸೆರಂ, ಭಾರತ್ ಬಯೋಟೆಕ್‌ನ 6 ಕೋಟಿ ಡೋಸ್‌ಗಳಿಗೆ ಕೇಂದ್ರ ಖರ್ಚು ಮಾಡಿದ್ದು______ ಕೋಟಿ ರೂ.
ಇದಕ್ಕೆ ಸಂಬಂಧಿಸಿದಂತೆ ಕೇಂದ್ರ ಆರೋಗ್ಯ ಕಾರ್ಯದರ್ಶಿ ರಾಜೇಶ್ ಭೂಷಣ್ ಸುದ್ದಿಗೋಷ್ಠಿ ನಡೆಸಿ ಮಾಹಿತಿ ನೀಡಿದ್ದು, ಸೆರಂ ಇನ್ಸ್ಟಿಟ್ಯೂಟ್ನಿಂದ 110 ಲಕ್ಷ ಕೋವಿಶೀಲ್ಡ್ ವ್ಯಾಕ್ಸಿನ್ ಡೋಸ್ ಹಾಗೂ ಭಾರತ್ ಬಯೋಟೆಕ್ನಿಂದ 55 ಲಕ್ಷ ಡೋಸ್ ಖರೀದಿ ಮಾಡಲು ನಿರ್ಧರಿಸಿದ್ದು, ಇದರಲ್ಲಿ 38.5 ಲಕ್ಷ ಡೋಸ್ ಒಂದಕ್ಕೆ 295 ರೂ. ನೀಡಿ ಖರೀದಿ ಮಾಡಲಿದೆ ಎಂದು ತಿಳಿಸಿದ್ದಾರೆ.
ಭಾರತ್ ಬಯೋಟೆಕ್ನಿಂದ 55 ಲಕ್ಷ ಡೋಸ್ಗಳು ಜನವರಿ 14ರೊಳಗೆ ವಿವಿಧ ರಾಜ್ಯಗಳ 12 ಕೇಂದ್ರಗಳಿಗೆ ತಲುಪಲಿದ್ದು, ಮೊದಲ ಹಂತದಲ್ಲಿ 38.5 ಲಕ್ಷ ಹಾಗೂ ಎರಡನೇ ಹಂತದಲ್ಲಿ 16.5 ಲಕ್ಷ ವ್ಯಾಕ್ಸಿನ್ ರವಾನೆಯಾಗಲಿವೆ. ಸೆರಂನಿಂದ ಖರೀದಿಯಾಗುತ್ತಿರುವ 1.1 ಕೋಟಿ ಡೋಸ್ಗಳ ಬೆಲೆ 231 ಕೋಟಿ ಆಗಲಿದ್ದು, 4.5 ಕೋಟಿ ಡೋಸ್ ಖರೀದಿ ಮಾಡಲು ಕೇಂದ್ರ ನಿರ್ಧಾರ ಮಾಡಿರುವ ಕಾರಣ ಇದರ ಒಟ್ಟು ಬೆಲೆ 1,176 ಕೋಟಿ ರೂ. ಆಗಲಿದೆ.
