ಕೋಯಿಕೋಡ್ (ಕೇರಳ): ಕೋಯಿಕೋಡ್ ಜಿಲ್ಲೆಯ ಮುಕ್ಕೋಮ್ನ ನಿವಾಸಿಯೊಬ್ಬರ ಮನೆಯ ಆವರಣದಲ್ಲಿರುವ ಹಲಸಿನ ಮರದಲ್ಲಿ ಪೇರಲ ಹಣ್ಣು ಬೆಳೆದಿರುವುದು ಕುತೂಹಲ ಕೆರಳಿಸಿದೆ.
ಕೇರಳದಲ್ಲಿ ಹಲಸಿನ ಮರದಲ್ಲಿ ಪೇರಲ ಹಣ್ಣು
ತಾಯಿ-ಮಗಳಿಬ್ಬರು ಈ ಮರವಿರುವ ದಾರಿಯಲ್ಲಿ ಹಾದು ಹೋಗುವಾಗ ಹಲಸಿನ ಮರವನ್ನು ನೋಡಿದ್ದಾರೆ. ಆಗ ಹಲಸು ಬಿಟ್ಟು ಬೇರೆ ಆಕಾರದ ಹಣ್ಣೊಂದನ್ನು ಕಂಡಿದ್ದಾರೆ. ಬಳಿಕ ಅದು ಏನೆಂದು ಹತ್ತಿರ ಹೋಗಿ ಪರೀಕ್ಷಿಸಿದಾಗ ಪೇರಲ ಹಣ್ಣಿರುವುದು ತಿಳಿದು ಆಶ್ಚರ್ಯಗೊಂಡಿದ್ದಾರೆ. ಈ ಸುದ್ದಿ ಹರಡುತ್ತಿದ್ದಂತೆಯೇ ಹಲಸಿನ ಮರದಲ್ಲಿ ಆಗಿರುವ ಪೇರಲದ ಹಣ್ಣು ನೋಡಲು ಸುತ್ತಮುತ್ತಲಿನ ಜನ ಇಲ್ಲಿಗೆ ಆಗಮಿಸುತ್ತಿದ್ದಾರೆ.
ಕರಸೇರಿ ಪಂಚಾಯತ್‌ನ ಪಾಲಿಯಿಲ್ ಕುನ್ನುಮ್ಮಲ್‌ನಲ್ಲಿ ಈ ಅಚ್ಚರಿಯ ಘಟನೆ ಜರುಗಿದೆ. ಇದು ಪೇರಲದ ಹಣ್ಣೋ ಅಥವಾ ಹಲಸಿನ ಹಣ್ಣೇ ಇಂತಹ ಆಕಾರದಲ್ಲಿ ಆಗಿದೆಯೇ ಎಂಬ ಪ್ರಶ್ನೆ ಹಲವರಲ್ಲಿ ಉದ್ಭವಿಸಿದೆ.
