ಶಂಶಾಬಾದ್​ನಲ್ಲಿ ಭೀಕರ ಅಪಘಾತ: 4 ಮಂದಿ ಮೃತ, 15 ಜನರಿಗೆ ಗಾಯ

ಹೈದರಾಬಾದ್​ನ ಶಂಶಾಬಾದ್ ಮಾರುಕಟ್ಟೆಗೆ ತರಕಾರಿ ಕೊಂಡೊಯ್ದಿದ್ದ ಲಾರಿ ಮರಳಿ ಬರುವಾಗ ಕಾರಿಗೆ ಡಿಕ್ಕಿ ಹೊಡೆದಿದೆ. ಪರಿಣಾಮ, ನಾಲ್ವರು ಮೃತಪಟ್ಟಿದ್ದಾರೆ.

ಹೈದರಾಬಾದ್​: ರಂಗಾರೆಡ್ಡಿ ಜಿಲ್ಲೆಯ ಶಂಶಾಬಾದ್‌ ಬಳಿ ಲಾರಿ ಮತ್ತು ಕಾರಿನ ನಡುವೆ ಪರಸ್ಪರ ಡಿಕ್ಕಿ ಸಂಭವಿಸಿದ ಪರಿಣಾಮ ನಾಲ್ವರು ಸಾವಿಗೀಡಾಗಿದ್ದಾರೆ.

ಶಂಶಾಬಾದ್ ಮಾರುಕಟ್ಟೆಯಿಂದ ವಾಪಸ್​ ಬರುತ್ತಿದ್ದ ಲಾರಿ ಹಾಗೂ ಎದುರಿನಿಂದ ಬಂದ ಕಾರಿನ ನಡುವೆ ಅಪಘಾತ ನಡೆದಿದೆ.

ದುರ್ಘಟನೆಯಲ್ಲಿ 15 ಜನರು ಗಾಯಗೊಂಡಿದ್ದಾರೆ. ಅಪಘಾತದ ವೇಳೆ ಲಾರಿಯಲ್ಲಿ 30 ಮಂದಿ ತರಕಾರಿ ಮಾರಾಟಗಾರರು ಇದ್ದರು ಎನ್ನಲಾಗಿದೆ.