1. प्रदेश मा आज मिलिन 24 नया कोरोना संक्रमित: उत्तराखंड चारधाम यात्रा की शुरुवात का साथ ही प्रदेश मा फिर बढ़न लगिन कोरोना का मामला, पिछला 24 घंटा मा मिलिन 24 नया संक्रमित, जैका बाद प्रदेश मा 118 पौंचि एक्टिव मरीजों की संख्या, वखि आज 17 मरीज कोरोना से ह्वेनि रिकवर, राहत की बात यच कि पिछला 24 घंटा मा एक भी मरीजा की मौत नि ह्वे.
2. चंपावत उपचुनौ खुण 9 मई का दिन नामांकन करला सीएम धामी: चंपावत उपचुनौ की तारीखों कू ऐलान का बाद उपचुनौ तैयारियों मा जुटिन बीजेपी-कांग्रेस समेत सबि राजनीतिक दल, वखि 9 मई का दिन सीएम पुष्कर सिंह धामी करला चंपावत उपचुनौ खुण नामांकन, बीजेपी प्रवक्ता विनोद सुयाल ना बोली- उपचुनौ खुण हमरी तैयरी पूरी, रिकॉर्ड मतों से जीत हासिल करला मुख्यमंत्री धामी.
3. विधिविधान से भौल सुबेर खोल दिये जाला बाबा केदार का कपाट: गौरीकुंड से केदारधामा खुण रवाना ह्वे बाबा केदार की पंचमुखी उत्सव डोली पौचि केदारनाथ धाम, वखि भोल सुबेर विधिविधान से 6 बजिकि 25 मिनट पर दर्शना खुण खुले जाला बाबा केदार का कपाट, 15 कुंतल रंग बिरंगा फूलों से सुसज्जित किये ग्या केदारनाथ मंदिर, केदारधाम मा हुणि बारिश और बर्फबारी यात्रा मा डाल सकदि व्यधान.
4. मां ना दही खिलेकि बेटा योगी आदित्यनाथ थै करि विदा: यूपी सीएम योगी आदित्यनाथ ना गुरुवार पैतृक गौं पंचूर बटि हरिद्वारा खुण ह्वेनि रवाना, वखि विदा हुण से पेलि सीएम योगी थै मां ना अपणा हथों से खिलाई दही, जैका बाद मां का खुटा छुकर योगी आदित्यनाथ ना ल्याई आशीर्वाद, हरिद्वार मा होटल भागीरथी आवास कू लोकार्पण कार्यक्रम.
5. कांग्रेस एक द्वि दिन भितर करलि प्रत्याशी का नौ कू ऐलान: तारीखों का ऐलान का बाद चंपावत उपचुनौ की उलटी गिनती शुरू, नोटिफिकेशन का बाद कांग्रेस ना भि चंपावत उपचुनौ खुण कसी कमर, नेता प्रतिपक्ष यशपाल आर्य ना बोली- एक द्वि दिन का भितर प्रत्याशी का नौ कू किये जालु ऐलान.
6. हरिद्वार मा यूपी सरकार का भागीरथी होटल कू लोकार्पण: उत्तरप्रदेश का मुख्यमंत्री योग आदित्यनाथ ना आज हरिद्वार मा यूपी सरकार का लग्जरी होटल भागीरथी आवास कू करि लोकार्पण, वखि मुख्यमंत्री योगी आदित्यनाथ मा परिसंपत्तियों कू बंटवारा का तहत हरिद्वार मा मौजूद अलकनंदा गेस्ट हाउस की चाबी सीएम धामी थे सौंपी, पेलि यूपी सिंचाई विभाग का अधीन छाई अलकनंदा गेस्ट हाउस.
7. लालकुआं मा मिली हार की हरीश रावत ना करि समीक्षा: तीन महीना बाद विधानसभा चुनौ मा मिली हार की समीक्षा कन मा जुटी कांग्रेस, पूर्व सीएम हरीश रावत ना लालकुआं मा कांग्रेस कार्यकर्ताओं दगणि करि बैठक, हरीश रावत ना बोली- आपसी गुटबाजी राई हार कू सबसे बड़ू कारण, वखि कार्यकर्ताओं ना भी हरीश रावत थै दे नसीहत और बोली आप एक विधानसभा मा रुकिकि करो विकास कार्य, जनता कू जीतो दिल.
8. अल्मोड़ा मा सेना भर्ती की लिखित परीक्षा करणा की मांग: अल्मोड़ा मा सेना भर्ती की शारीरिक परीक्षा पास कना का द्वि साल बाद भि नि ह्वे लिखित परीक्षा, जैका बाद आक्रोशित अभ्यर्थियों ना देयि उग्र आंदोलन की चेतावनी, ढाई हजार युवाओं कू अधर मा लटकी भविष्य, जल्द सेना भर्ती लिखित परीक्षा करणा की मांग.
9. हाईकोर्ट मा बिजली दरों मा बढ़ोतरी का खिलाफ याचिका पर सुनवै: उत्तराखंड हाईकोर्ट ना आज प्रदेश मा बिजली दरों मा बढ़ोतरी का खिलाफ दायर जनहित याचिका पर करि सुनवै, वखि कोर्ट की खंडपीठ ना सुनवै का बाद उत्तराखंड पावर कारपोरेशन लिमिटेड, उत्तराखंड इलेक्ट्रिसिटी रेगुलेटरी कमीशन, उत्तराखंड सरकार और उत्तराखंड इलेक्ट्रिसिटी बोर्ड थै नोटिस जारी कर द्वि सप्ताह मा जवाब पेश कना कू द्याई आदेश.
