अपणुं उत्तराखंडः दिनभरै खास खबर, एक नजर मा

दिनभरै खास खबर, एक नजर मा

• कोरोना से 18 मरीजों क मौत
  उत्तराखंड मा बीता 24 घंटा मा कोरोना से 18 लोगूं की मौत ह्वाई च जबकि 1,840 नया मरीज मीली छन. प्रदेश मा एक्टिव केसों क संख्या अब 26,814 ह्वै ग्याई च. वखी 4,383 (तिरासी) मरीजों न कोरोना कु मात देई च. जिलेवार बात करां त सबसे ज्यादा देहरादून मा 595 (पंचानबे), हरिद्वार मा 229 (उनतीस), नैनीताल मा 210 अर उधम सिंह नगर मा 93 (तिरानबे) संक्रमित मीली छन.
  
• पहाड़ी राज्यों कुन पर्वतमाला योजना
  केंद्रीय वित्त मंत्री निर्मला सीतारमण न मंगलवार कु चौथा आम बजट पेश कौरी. बजट मा वित्त मंत्री न पहाड़ी राज्यों कुन पर्वतमाला योजना अर भारतमाला प्रोजेक्‍ट कु लेकी अहम घोषणाएं कौरी थन. दुर्गम पहाड़ी क्षेत्रों मा परंपरागत सड़कों कु विकल्‍प तैं पहाड़ी क्षेत्रों मा पर्वतमाला रोप-वे चलाय जाण की योजना है. वित्त वर्ष 2022-23 मा 60 किलोमीटर लंबी 8 रोप-वे परियोजनाओं को लागू किये जालु, साथ मा ई दौरान राष्ट्रीय राजमार्गों क आकार मा 25 हजार किलोमीटर क विस्तार भी करै जालु.
  
• उत्तरी सीमा क गांवों कुन वाइब्रेंट विलेज योजना
  सदन मा पेश आम बजट मा केंद्र सरकार न उत्तर भारत मा अंतरराष्ट्रीय बॉर्डर से लग्यां क्षेत्रों क विकास पन भी फोकस कौरी च. सीमांत गांवों क विकास कु लेकी केंद्र सरकार नया वाइब्रेंट विलेज योजना क शुरुआत करणी च. ई योजना मा उत्तरी सीमा पर बस्यां गांवों तैं कवर किये जालु. वित्त मंत्री सीतारमण न सदन मा बोली कि सीमावर्ती गांव जख की जनसंख्‍या बौत ही कम च, वख बुनियादी सुविधा अर कनेक्टिविटी भी नी पौंची च, जे से ये गांव अर क्षेत्र विकास से वंचित रै ग्येन. उत्तरी सीमा क यन गांवों तैं ये वाइब्रेंट विलेज कार्यक्रम क अंतर्गत लाय जाल. योजना क तहत ये गांवों मा बुनियादी सुविधाओं क साथ आवास, पर्यटन केंद्रों क निर्माण, सड़क, बिजली, स्वास्थ्य अर शिक्षा जैसी मूलभूत सुविधाओं कु विकसित किये जालु.
  
• कांग्रेस न लगै अनदेखी क आरोप
  वखी, केंद्रीय वित्त मंत्री निर्मला सीतारमण क बजट पन कांग्रेस पार्टी न उत्तराखंड क अनदेखी कु आरोप लगै च और बोली कि केंद्र सरकार क नजरों मा छुटू राज्यों क कोई बिसात नी च. कांग्रेस प्रदेश प्रवक्ता गरिमा दसौनी न बोली कि प्रधान सेवक न ज्यू बी बड़ी-बड़ी बात अर वादा कौरी छौ, ठीक वैका उलट जमीनी स्तर पन कुछ बी दिखण कु नी मीली च. विशेष राज्य क दर्जा, औद्योगिक पैकेज, बेरोजगारी, किसान अर महिलाओं कुन बजट मा कुछ भी नी छै.
  
• मेगा चुनाव कैंपेन मोड मा बीजेपी
  उत्तराखंड विधानसभा चुनाव 2022 कु लेकी 14 फरवरी कुन एक चरण मा मतदान ह्वाण च. राजनीतिक पार्टियों कु पास चुनाव प्रचार-प्रसार कुन ज्यादा समय छै नी, यन मा नेताओं अर प्रत्याशियों न चुनावी कैंपेन तेज कौरी देई च. सीएम धामी न मंगलवार कु देहरादून क पलटन बाजार बिटीं अपरा मेगा चुनाव कैंपेन क आगाज कर देई. येका बाद सीएम थराली पौंचिन अर भाजपा प्रत्याशी भूपाल राम टम्टा क समर्थन मा डोर टू डोर जै कन वोट मांगिन. थराली क रामलीला मैदान मा सीएम धामी न जनसभा कु बी संबोधित कौरी.
  
• हल्द्वानी पौंचिन खट्टर
  बीजेपी क मेगा चुनाव कैंपेन क तहत हरियाणा क मुख्यमंत्री मनोहर लाल खट्टर मंगलवार कुन हल्द्वानी पौंचिन. यख उन्होंन जनसभा मा हल्द्वानी भाजपा प्रत्याशी जोगिंदर पाल सिंह रौतेला क पक्ष मा वोट मांगिन. उन्होंन बोली कि भाजपा क दोबारा सरकार बनन पर उत्तराखंड मा भी हरियाणा जैसू विकास होलू. खट्टर न यै मौका पन थीम सॉन्ग बी लॉन्च कौरी.
  
• जयराम ठाकुर न विकासनगर मा कौरी कैंपेनिंग
  वखी, खट्टर हल्द्वानी त हिमाचल प्रदेश क मुख्यमंत्री जयराम ठाकुर देहरादून क विकासनगर विधानसभा क्षेत्र पौंचिन. यख ठाकुर न बरोटीवाला मा जनसभा तैं संबोधित कौरी. येका बाद सहसपुर विधानसभा क्षेत्र मा डोर-टू-डोर कैंपेनिंग मा बी भाग लेई. उन्होंन विकासनगर भाजपा प्रत्याशी मुन्ना सिंह चौहान क पक्ष मा वोट मांगिन. ऊं का दगड़ी पांवटा साहिब विधायक सुखराम बी मौजूद रयां.
  
• बाजवा कु लेकी हरदा पन निशाना
  उधम सिंह नगर जनपद क रुद्रपुर विधानसभा पौंचिन बीजेपी क राष्ट्रीय सचिव व प्रदेश क सह प्रभारी आरपी सिंह ने हरीश रावत पन जमकर हमला बोली. उन्होंन बोली कि हरीश रावत देश क दुश्मन जनरल बाजवा तैं अपरा भाई बुलदा छन, जैका कारण प्रदेश क लाल बॉर्डर पर शहीद ह्वाण छन. ऊ न बोली कि प्रदेश क जनता सब जनदी च, एक बार फिर भाजपा तैं प्रचंड बहुमत मिलल.
  
• बीजेपी प्रत्याशी न जनता तैं बतै 'गधा तुल्य'
  चुनावी सरगर्मी क बीच भारतीय जनता पार्टी क पिरान कलियर विधानसभा सीट से प्रत्याशी मुनीश सैनी क जुबान यन फिसली कि ऊ न अपरा कार्यकर्ताओं तैं 'देव तुल्य' अर जनता तैं 'गधा तुल्य' बतै दे च. बतै द्यां कि मुकेश सैनी वही प्रत्याशी छन जो पिछला दिनों बेलडा गांव मा प्रचार कन कु पौंची छै, जख ऊं तैं जबरदस्त विरोध झेलन पड़ी छै. सैनी पन 5 करोड़ क छात्रवृत्ति घोटाला कन क बी आरोप च.
  
• कांग्रेस क अनुशासन हंटर
  प्रदेश कांग्रेस कमेटी न पार्टी विरोधी गतिविधि अर विधानसभा चुनाव मा पार्टी अनुशासन क खिलाफ कार्य कन वाल लोगूं तैं पार्टी क प्राथमिक सदस्यता से 6 साल कु निष्कासित कर देई च. रामनगर बिटीं पूर्व ब्लाक प्रमुख संजय नेगी, कालाढूंगी बिटीं संध्या डालाकोटी, रुद्रप्रयाग बिटीं पूर्व विधायक मातबर सिंह कंडारी अर यमुनोत्री बिटीं प्रदेश कांग्रेस ओबीसी प्रकोष्ठ क अध्यक्ष संजय डोभाल कु 6 साल तैं कांग्रेस बिटीं भैर कर दिये ग्यै च.
  
• दिल्ली वालूं से पूछी कन द्यां वोट- आप
  विधानसभा चुनाव प्रचार कुन देहरादून पौंचिन दिल्ली क स्वास्थ्य मंत्री सत्येंद्र जैन न बोली कि आज उत्तराखंड मा जू स्थिति शिक्षा अर स्वास्थ्य की च, वैका सीधू जवाब जनता देली. जैन न बोली कि उत्तराखंड क कई लोग दिल्ली मा रहदां, मतदान कन से पैली ई लोगूं से पूछिन कि दिल्ली मा कितरू विकास ह्वै च. वैका बाद आम आदमी पार्टी तैं अपरा वोट देन कु सोचिन.
  
• वसीम रिजवी कु खिलाफ एक मामला और
  हरिद्वार धर्म संसद विवाद मामला मा धार्मिक भावना भड़कान क आरोप मेा शिया वक्फ बोर्ड क पूर्व चेयरमैन वसीम रिजवी उर्फ जितेंद्र नारायण सिंह त्यागी पन एक और मुकदमा दर्ज किये ग्यै च. रिजवी क खिलाफ ये बार मुकदमा देहरादून कोतवाली मा शिकायतकर्ता नदीम कुरैशी क तहरीर क आधार पन ह्वैई च. कुरैशी क आरोप च कि रिजवी क विवादित बयानों से न सिर्फ ऊं का जाति धर्म क भावनाएं आहत ह्वाई छन बल्कि धर्मनिरपेक्ष राष्ट्र क छवि तैं भी नुकसान पौंची च.
  
• नाइट कर्फ्यू मा द्वी घंटा की छूट
  उत्तराखंड में कोरोना क मामलों मा हल्का सी कमी के बीच राज्य सरकार न प्रदेश मा कोविड नाइट कर्फ्यू मा द्वी घंटा की छूट देई च. उत्तराखंड कोविड नाइट कर्फ्यू क नई गाइडलाइन फिलहाल एक फरवरी रात बिटीं 11 फरवरी तक लागू रैली. उत्तराखंड मा पैली नाइट कर्फ्यू रात 10 बजी बिटीं सुबेर 6 बजी तक लागू छै, पर अब नई गाइडलाइन क बाद रात 11 बजी से सुबेर 5 बजी तक ही लागू रैल.
  
• मसूरी मा फिल्म रत्सासन क शूटिंग
  बॉलीवुड अभिनेता अक्षय कुमार अपरी आण वाल फिल्म रत्सासन क शूटिंग कुन मसूरी पौंच्या छन. ये फिल्म मा अक्षय दगड़ी अभिनेत्री रकुल प्रीत सिंह रैली. मंगलवार कु मसूरी क बार्लोगंज स्थित सेंट जॉर्ज स्कूल मा फिल्म के कई दृश्य फिल्माया ग्येन. फिल्म रत्सासन क शूटिंग मसूरी अर देहरादून क कई जगहों पन की जाली. शूटिंग मा कई स्थानीय कलाकारों तैं बी मौका दिये जालु. फिल्म मा कई स्कूलों क बच्चा भी भाग लेण छन.
  
• अरबों क स्कीम बतै कन करोड़ों ठगन वालु अरेस्ट
  वखी, विदेशी कंपनी क 26 अरब 18 करोड़ 40 लाख रुपया दिखै कन देशभर मा सरकारी योजनाओं मा निवेश क झांसा देण वाल गिरोह क सरगना तैं उत्तराखंड एसटीएफ न हरिद्वार बिटीं गिरफ्तार कौरी च. आरोप क नाम कृष्णकांत च, जू बद्रीश कॉलोनी रानीपुर हरिद्वार क रैण वालु च. आरोपी क पास से एक डेस्कटॉप, 2 हार्ड डिस्क, रसीद बुक अर डिजिटल सिग्नेचर सर्टिफिकेट बरामद ह्वाई च. वखी, ये गिरोह क पांच सदस्यों तैं एसटीएफ न फरवरी 2020 मा यूपी क सहारनपुर बिटीं गिरफ्तार कौरी छै.