खबरां पहाड़ां री: मणिमहेश यात्रियां वास्ते हेल्पलाइन नंबर जारी, धर्म स्वतंत्रता बिल पर विपक्षे जताई आपत्ति

मणिमहेश यात्रा जाणे आले यात्रियां वास्ते प्रशासने नंबर जारी कितरा. इसा नंबरा ते श्रद्धालु मौसम कन्ने रस्तेया री जानकारी लेई सकदे. कन्ने प्रशासने लोका ते यात्रा रे दौरान एहतियात बरतने री अपील कितरी.

सोलना रे सनवारा कन्ने धर्मपुरा रे बीच कालका शिमला रेलवे ट्रैके पर पैसेंजर ट्रेन रुकी गई. दस्या जाई करदा कि इंजन मंज आई खराबी रे कारण करीब इक घंटे यात्रिया जो परेशानी रा सामना करना पेया. कालके ते शिमले जाने वाली 3 रेलगाडिया री टाइमिंग 20-20 मिन्ट लेट होई.

सिरमौर पुलिसे नई पहल शुरू कितरी. पुलिस मित्रा रे तहत शहरा रे लोगा जो सदस्य बनाया गईरा. इन्ना पुलिस मित्रा यातायात नियंत्रणा कन्ने पुलिस रे होर कामा मंज साथ देना.