उपचुनाव: कांग्रेस ए अपणे उम्मीदवारां री सूची जारी कीती, दिखा लिस्ट

तुहांरी बोलिया जो जिंदा रखने री ईटीवी भारत ने कीती पहल, पूरे प्रदेशा रा हाल जाणा बस इक क्लिका पर...

प्रतिभा सिंह जो टिकट मिलणे पर विक्रमादित्य ए सोशल मीडिया पर लिखेया भावुक पोस्ट, 'वोट नी श्रद्धांजलि'

मंडी लोकसभा सीटा पर पूर्व मुख्यमंत्री स्व. वीरभद्र सिंह री पत्नी प्रतिभा सिंह जो चुनाव मैदान च उतारा गया है. प्रतिभा सिंह जो टिकट मिलणे पर शिमला ग्रामीण ते विधायक कन्ने पूर्व मुख्यमंत्री वीरभद्र सिंह रे बेटे विक्रमादित्य सिंह ए सोशल मीडिया पर इक भावुक पोस्ट कितेया है. फेसबुका पर विक्रमादित्य सिंह ए लिखेया है, 'वीरभद्र सिंह द्वारा किते गए कमां जो विनम्र श्रद्धांजलि. वही, विचार वही सोच हिमाचल रा सर्वत्र विकास. मंडी संसदीय क्षेत्र रे अधूरे पेईदे विकास कामां जो सही मुकाम तक पहुंचणा है. सकारात्मकता ने आगे बढ़ना, सही रा समर्थन कन्ने गलत रा विरोध करना.'

बंद कमरे च CM जयराम कन्ने सदर विधायक अनिल शर्मा री मुलाकात

सर्किट हाउस मंडी च मुख्यमंत्री जयराम ठाकुर ए कार्यकर्तां ते फीडबैक लीती, वहीं सदर ते भाजपा विधायक अनिल शर्मा ए ने बंद कमरे च मुलाकात भी कीती. मुख्यमंत्री जयराम ठाकुर ने मुलाकात करने रे बाद सदर विधायक अनिल शर्मा ए केहा कि चुनावी बेला पर तिनां री सीएम ने मुलाकात होई है. अनिल शर्मा ए दसेया कि तिनें पहले ही यह स्पष्ट करी दितेया है कि जो सदर री जनता तय करना अहां उसी रा पालन करना.

इस बार नवरात्रेयां च बंगाल रे पर्यटकां रा शिमला घूमणा होणा खास

नवरात्रेयां रे मौके पर बंगाल ते हिमाचल आणे वाले सैलानियां लेई एचपीटीडीसी यानी हिमाचल प्रदेश पर्यटन विकास निगम ए खास तरह रा पैकेज जारी कितेया है. पर्यटन निगम रे निदेशक अमित कश्यप रा कहना है कि विशेष पैकेज रे तहत बंगाल रे सैलानी जिनां ही हिमाचल री सीमा च दाखिल होणा, तिथी ते ही पर्यटन निगमा अपनी सेवाएं देणा शुरू करी देणी.

राजधानी शिमले च बढ़ेया आवारा कुत्तेयां कन्ने बांदरां रा आतंक

इनां दिनें हिमाचल री राजधानी शिमला च आवारा कुत्तेयां कन्ने बांदरां रा आंतक बढ़ी गया है. रोजाना आईजीएमसी कन्ने डीडीयू च आवारा कुत्तेयां कन्ने बांदरां रे कटणे पर 10 ते 15 मरीज इलाज लेई पहुंचा दे. बीते इक महीने च 195 मरीज इलाज लेई आईजीएमसी पहुंचे थे.

उपचुनाव: कांग्रेस ए अपणे उम्मीदवारां री सूची जारी कीती

कांग्रेस पार्टी री तरफ ते मंडी संसदीय सीट ते पूर्व मुख्यमंत्री दिवंगत वीरभद्र सिंह री पत्नी प्रतिभा सिंह जो चुनाव मैदान च उतारा गया है. इसरे अलावा फतेहपुर ते, दिवंगत सुजान सिंह पठानिया रे बेटे भवानी सिंह पठानिया पर विश्वास जताया है. अर्की ते संजय अवस्थी कन्ने जुब्बल कोटखाई ते रोहित ठाकुर कांग्रेस रे टिकटा पर चुनाव लड़ना.

उपचुनाव च विकास रे मुद्दे पर ही चुनाव लड़णा भाजपा: प्रेम कुमार धूमल

हिमाचल प्रदेश रे पूर्व मुख्यमंत्री प्रेम कुमार धूमल (Prem Kumar Dhumal, former Chief Minister of Himachal Pradesh) ए प्रदेश च चार सीटां पर होणे जादे उपचुनावां च भाजपा री जीत रा दावा कितेया है. तिनें केदा कि भाजपा हमेशा विकास रे मुद्दे पर चुनाव लड़दी आई है कन्ने इस बार भी विकासा रे नामा पर ही पार्टीया जीत दर्ज करनी.

उपचुनाव ते पहले अर्की कांग्रेस च विरोध शुरू

उपचुनाव ते पहले अर्की कांग्रेस च विवाद शुरू होई गया है. अर्की विधानसभा क्षेत्र च राजेंद्र ठाकुर सचिव हिमाचल प्रदेश कांग्रेस कमेटी जो टिकट न देणे पर राजेंद्र ठाकुर ए अर्की ब्लॉक कांग्रेस द्वारा रूपसिंह ठाकुर सहित सामूहिक इस्तीफा प्रदेश कांग्रेस अध्यक्ष कुलदीप राठौर (himachal congress president Kuldeep Rathore) जो भेजी दितेया है.

BILASPUR: नौणी पंचायत रे पडगल गांवां च फोरलेन रे काम ते प्रभावित लोक भड़के

नौणी पंचायत रे पडगल गांवां रा रस्ता फोरलेन काम रे चलदे पूरी तरह ते प्रभावित होई गया है. गांवां आलेयां रा केहना है कि तिनां रे गांवां जो प्रधानमंत्री ग्रामीण सड़क योजना (Pradhan Mantri Gram Sadak Yojana) रे तहत जोड़ेया गया था, पर फोरलेन काम रे चलदे ये सड़क भी बंद करी दीती गई है. जिसरे कारण लोकां जो आए दिन परेशानियां ने दो-चार होना पैदा.

HAMIRPUR: झनियारा पंचायत ते होई ने गुजरने वाले HRTC रे तीन बस रूट 2 सालां ते बंद

कोरोना काल च बंद होई बस सेवा 2 साल बाद भी बहाल न होणे रे चलदे झनियारा रे ग्रामीण परेशान हन. गांवां आलेयां पिछले महीने हमीरपुर पहुंची ने अपणी समस्या दसणी चाही, पर ऐथी तिनां री कोई सुनवाई नी कीती गई. गांवां आलेयां जो कार्यालय ते बाहर रा रास्ता दिखाया गया.

करसोग च कोरोना री दूसजी डोज न लगाणे वालेयां री होणी पहचान

मंडी जिले रे करसोग उपमंडल च कोरोना री दूजी डोज रा सौ फीसदी लक्ष्य पूरा करने लेई प्रशासन पूरी तरह तैयार है. वैक्सीनेशन अभियान च तेजी लाने लेई सब डिवीजन लेवला पर टास्क फोर्ट गठित कीती है. इहा टीमां पंचायत स्तर पर ऐड़े लोकां री पहचान करेगी, जिनें पहली डोज लगाणे रे 84 दिन बाद कोरोना री दूजी डोज नी लगाई है.