अश्लील वीडियो बनाई ने ब्लैकमेल करने वाले गिरोह रा पर्दाफाश

तुहांरी बोलिया जो जिंदा रखने री ईटीवी भारत ने कीती पहल, पूरे प्रदेशा रा हाल जाणा बस इक क्लिका पर...

मंडी संसदीय क्षेत्र च 57 प्रतिशत मतदान, अर्की, फतेहपुर कन्ने जुब्बल-कोटखाई च भी घट वोटिंग

हिमाचल प्रदेश च इक संसदीय सीटा कन्ने तीन विधानसभा सीटां पर होदे रहे उपचुनाव लेई शनिवारा जो मतदान शांतिपूर्ण ढंग ते संपन्न होई गेया. चुनाव रे नतीजे 2 नवंबरा जो घोषित किते जाणे. वोटिंग पर्सेंटेज री गल करें तां मंडी संसदीय क्षेत्र च महज 57.7 प्रतिशत वोट पेए. अर्की विधानसभा सीट लेई 65 फीसदी, फतेहपुर विधानसभा सीट लेई 66.20 फीसदी कन्ने सबते ज्यादा जुब्बल-कोटखाई च 79 फीसदी मतदान प्रतिशत रेहा. मतदान प्रक्रिया खत्म होणे रे बाद दोनां ही राजनीतिक दलें अपणे-अपणे प्रत्याशी री जीत रा दावा कितेया.

शिमला जिले च प्राइवेट स्कूल भी 7 नवंबरा तक रेहणे बंद, डीसी ए जारी किते आदेश

जिला शिमला च सारे प्राइवेट स्कूल 7 नवंबरा तक बंद रेहणे. शिक्षा विभाग ए स्कूलां च फेस्टिवल ब्रेक 1 ते 6 नवंबर तक घोषित कितेया था. 7 जो तऔरा री छुट्टी है. शिमला जिले रे कई प्राइवेट स्कूलें ये छुट्टी घोषित नी किती था. इस च ज्यादातर स्कूल केंद्रीय माध्यमिक शिक्षा बोर्ड कन्ने आईसीएसई बोर्ड ते मान्यता प्राप्त थे.

राजधानी च ट्रैफिक जामा री समस्या ते जनता बेहाल, प्रशासनिक दावेयां पर उठे सवाल

राजधानी शिमला च जामा री समस्या बढ़ती ही जादी. आए दिन शहरा च लगणे वाले जामा ते लोकां जो परेशानियां रा सामना करना पैदा. वहीं, फेस्टिव सीजन रे चलदे तां ये समस्या होर ज्यादा बढ़ी गई है. शहरा च गड्डियां री आवाजाही ज्यादा होणे ते घंटों जाम लगी रेहा. जिस कारण स्थानीय लोकां कन्ने पर्यटकां जो भी दिक्कतां पेश आदी.

दिवाली कन्ने भाई दूज पर मिल्कफेडा बेचणी 500 क्विंटल मिठाई

हिमाचल प्रदेश मिल्कफेडा इस साल दिवालीया पर विभिन्न तरीके री मिठाइयां बनाने जादा है. मिल्कफेड विभाग आ 500 क्विंटल मिठाई बनाणी जो कि पिछले साला रे मुकाबले 100 क्विंटल ज्यादा है. इस बारी मिठाइयां च बर्फी, गुलाब-जामुन, लड्डू, क्रीमी बर्फी, पंजीरी कन्ने होर भी खास मिठाइयां बनाई जाणी.

भरमौर विधायक पर आचार संहिता रे उल्लंघन रा आरोप, कांग्रेस ए चुनाव आयोग ते कीती शिकायत

मंडी संसदीय सीट लई होदे उपचुनाव च चंबे रे भरमौर च पोलिंग बूथा पर बीजेपी विधायक जियालाल ए लोकां ते बीजेपी जो वोट पाणे की अपील करदे होए नजर आए. कांग्रेस पार्टी ए विधायक पर आचार संहिता रे उल्लंघन रा आरोप लगांदे होए चुनाव आयोग ते शिकायत कीती है कन्ने कार्रवाई री मांग कीती है.

विधानसभा पहुंचदे ही बीजेपी-कांग्रेस ते लेणा 15 साल रे बजट रा हिसाब: राजन सुशांत

कांगड़ा जिले रे फतेहपुर विधानसभा सीटा पर होदे उपचुनाव च आजाद प्रत्याशी राजन सुशांत ए प्रदेश सरकार कन्ने कांग्रेस पर निशाना साधेया है. तिनें जीत रा दावा करदे होए केहा कि विधानसभा पहुंचदे ही बीजेपी कन्ने कांग्रेस ते 15 सालां रे बजट रा हिसाब लेणा.

यूपी रे युवका पर पॉक्सो एक्ट रे तहत मामला दर्ज, पुलिस धरपकड़ रे दौरान फरार होया आरोपी

महिला थाना हमीरपुर रे तहत उत्तर प्रदेश निवासी ए इक व्यक्ति ए पर आईपीसी री धारा 376 रे तहत रेप रा मुकदमा दर्ज कितेया. मामले च पुलिस ए केस दर्ज करी ने छानबीन शुरू करी दीती है. आरोपी री धरपकड़ रे लेई सोशल मीडिया पर भी पुलिस री तरफ ते आरोपी रा फोटो कन्ने जानकारी साझा कीती गई है. पुलिस अधीक्षक हमीरपुर डॉ. आकृति शर्मा ए दसेया कि आरोपी रे नठणे री सीसीटीवी फुटेज रे फोटो भी सोशल मीडिया पर शेयर किते गए हन, ताकि जल्द ते जल्द आरोपी ए जो पकड़ी जाया सके.

अश्लील वीडियो बनाई ने ब्लैकमेल करने वाले गिरोह रा पर्दाफाश

सिरमौर पुलिस ए राजस्थान रे भरतपुर ते दो साइबर ठगां जो गिरफ्तार करने च सफलता हासिल कीती है. 14 सितंबरा जो नाहन च इक व्यक्ति ने ठगी रा मामला दर्ज कराया था. जिसरी छानबीण रे दौरान इनां दो आरोपियां री संलिप्तता रा पता चलेया. इसरे बाद एसपी ओमापति जम्वाल ए इक टीम जो राजस्थान भेजेया था. पुलिस दोनों आरोपियां ते पूछताछ करा दी है.

27 नवंबर जो केंद्रीय खेल मंत्री अनुराग ठाकुर करना खो-खो नेशनल चैंपियनशिप रा आगाज

खो-खो नेशनल चैंपियनशिप प्रतियोगिता रा आयोजन 27 नवंबरा ते 1 दिसंबरा तक ऊना जिले च कितेया जाणा. केंद्रीय खेल मंत्री अनुराग सिंह ठाकुर आ प्रतियोगिता रा आगाज करना. देश भर रे 1600 खिलाड़ी कन्ने 66 टीमां नेशनल प्रतियोगिता च हिस्सा लेणा.

दुनिया रे सबते ऊंचे पोलिंग बूथा पर वोटरां च दिखेया जोश, पारंपरिक परिधानां च पहुंचे वोट पाणा

दुनिया रे सबते ऊंचे पोलिंग बूथा पर वोटिंग लेई लोकां च उत्साह देखणे जो मिलेया. टशीगंग च कुल 47 वोटर हन, जिनां च 29 मर्द कन्ने 18 जनांना शामिल हन. सारे वोटरें पारंपरिक परिधान च सजी धजी करी ने वोट पाणे पहुंचे थे.