પ્લેન ક્રેશ થતા બુકડો બોલ્યો, મહિલા પાયલટ હતા સવાર

પુણે, મહારાષ્ટ્ર : બારામતી એરપોર્ટ પરથી સવારે ઉડાન ભરેલું વિમાન આજે સોમવારે ઈન્દાપુર તાલુકાના કદબનવાડી પાસે ક્રેશ થયું હતું. પ્લેન ક્રેશ થવાનું કારણ હજુ સ્પષ્ટ થયું નથી. બારામતીમાં કાર્વર એવિએશન દ્વારા મહિલા પાઈલટની તાલીમ આપવામાં આવે છે. આજે સવારે બારામતી એરપોર્ટ પરથી ટેકઓફ થયેલું પ્લેન કડબનવાડીના ખેડૂત બારહાટેના ખેતરમાં અચાનક ક્રેશ થયું હતું. ઘટનાની જાણ થતાં, પાડોશી પોન્ડાકુલે વસાહતના યુવકો ઘટનાસ્થળે પહોંચ્યા અને મહિલા પાયલટને સુરક્ષિત રીતે બચાવી લીધી હતી. મહિલા પાઈલટને સામાન્ય ઈજા થઈ હતી, પરંતુ વિમાનને ભારે નુકસાન થયું હતું. આ સ્થળે બારામતીથી અધિકારીઓ અને કર્મચારીઓની ટીમ ત્યાં પહોંચી હતી.